الخوف درجات إما مُحرك و دا ضروري أو مُعطل و دا مرضي و من أعلى درجاته الهلع - إزاي نتعامل مع مخاوفنا؟ 

بسم الله
الخوف ، ايه هو الخوف؟ اللي كلنا تقريبا حسينا بيه في وقت ما من حياتنا
هل الخوف مَرضي كله؟ هل هو صحي ؟ هل هي ظاهرة؟
الواضح انه الخوف من المحركات و الدوافع الرئيسية ل السلوك البشري
يعني من غير درجة بسيطة منه
ما نعرفش نعيش
ما نعرفش نحافظ على نفسنا
ما نعرفش نستر نفسنا
ما نعرفش نبني
الخوف بيفضل دافع لينا يزقنا لقدام نبني و نصون نفسنا و غيرنا لحد اما يزيد اوي اوي اوي و بدل ما يبقى مُحرك يصبح مُعطِل
درجات الخوف العالية بتندرج تحت " الأمراض النفسية "
شهير منها مجموعة كبيرة اوي اوي دلوقتي ليه؟
لأن الضغوط الحياتية و سرعة إيقاع الحياة اللي احنا عايشنها بقت بتلفت نظرنا ل مخاطر ممكن نتعرض ليها
فأصبح الخوف قدام عينين معظمنا في اوقات كتير أوي من حياتنا
الخوف لما بيبتدي يعطلنا و يدخل تحت مظلة الأمراض لابد أن احنا ما نستسلمش ليه
لإن اللي بيسيب نفسه فترات ب يُمارس الحياة بدافع الخوف بس بيُنتزع منه (ما بيبقاش موجود جواه) الإحساس بالأمان
و لو مافيش احساس بالأمان- كل سنة و حضراتكوا طيبين - تبقى أكنها معركة بس
أمثلة كتير جدا من أشكال الخوف ابتدت تاخد حَيز في وجدان و عقول البشر - بالذات بعد الجائحة القوية اللي العالم اتعرض لها الفترة اللي فاتت
ابتدى يظهر بشدة
الخوف مثلا من الزحمة
الخوف من القرب من الناس
قعدنا فترة مش عارفين نسلم على بعض مانعِنا ، الناس مانعِنا ان انا اشوف اخويا أمد ايدي و اسلم عليه
مع ان الثابت ان الطبطبة دي و ان ايد حد تيجي في ايد حد دا ب يحسس الواحد ب طمأنينة
و اللي كان عنده أمراض خوف نقول كامنة يعني بسيطة او مستخبية شوية مع الضغوط اللي اتعرضنا لها و الضغط اللي الواحد بيتعرض له عادة ، بتظهر و بتاخد شكل السطح
شكل من أشكال المخاوف و المخاوف دلوقتي هي من أمراض القلق الشهيرة جدا جدا نسميها
Specific Fobias
خوف من حاجة بعينها
الناس اللي بتخاف من الزحمة و بقوا كتير لإن ارتبط عندنا وجودي في الزحمة و ان هيجيلي فيروس معين هيموتني
في ناس بتخاف من المرتفعات و ناس بتخاف من الطيران و في ما كناش بنشوفها زمان بقت بتتكرر علينا الفترة اللي فاتت دي
الخوف من البرق و الرعد و الناس في الحالات دي ما بتبقاش فاهمة هي عندها ايه
خوف لدرجة الهلع
و الهلع اعلى درجات الخوف لإن البني آدم في نوبات الهلع بيحس بتسارع شديد جدا في ضربات القلب و ما بيبقاش عارف ياخد نَفسُه
بيفتكر انه بيموت او بيحتضر و ساعات ناس تجري و ساعات ناس يتشل حركتها- مش عارف يعمل ايه!!
و هي نوبة تاخد لها ١٠ دقايق ربع ساعة و بتعدي عادة
إلا لو لا قدر الله قلبت حال state يفضل الواحد يوم و اتنين و تلاتة في حال من الفزع و الهلع
حاسس ان روحه بتتسحب و متوتر و مش عارف يقعد على بعضه
مش عارف ياخد نفسه إلى اخره
علاجات الخوف
في شكلين من العلاجات السلوكية
شكل ما بستحسنوش اوي اللي هو مواجهة الشيء اللي انا بخاف منه لانه واحد بيخاف من المرتفعات يطلع هيفضل باصص من بلكونة ممكن لا قدر الله يقع او حاجات كتير ممكن تعمل مشاكل
الخوف من الحيوانات الأليفة و الكلاب مش شرط الأليفة
ف نقول له لأ لازم تقف جنب كلب و تطبطب على كلي يقوم عضه ف يجراله مشكلة
و الناس اللي بتفضل دايما المواجهة في المخاوف خير و بركة بس اعرف ان الحمد لله انت ما دخلتش في مستويات مرضية من الخوف
لإن الخوف الشديد لما الواحد ب يواجه اللي بيخاف منه لا قدر الله ممكن قلبه يقف
الشكل التاني من أشكال العلاجات السلوكية
Behavioral Therapies
نسميه Desensitization
يعني سِنه سِنه اه بتخاف من كلب قرب له سِنه سِنه و يكون كلب أليف بتاع حد من صحابك و صاحبك شايله إلى آخره لحد ما تطمن له
بتخاف انك تمشي بالعربية على سرعة ١٠٠كم/ ساعة
اركب جنب حد يمشي بيك على ١٠ و بعدين ٢٠ شوية و ٣٠ لحد اما يوصل ل ١٠٠
لما ما بيحصلش كنترول على المخاوف دي بنضطر نتدخل تدخلات دوائية اللي معظمها ان شاء الله بتجيب نتايج لا بأس بها
الخوف لابد أن يكون مُحرك فيما عدا ذلك اعرفوا انه خوف مرضي لو قلب مُعطِل
ربنا يكفينا شر الخوف و يدينا خيره
شكرا جزيلا لحضراتكم
سلام عليكم
#الخوف
#صحه_نفسيه
#فوبيا
#مخاوف
#هلع
#fobias
#fear
#mentalhealth
#mentalhealthawareness