التعامل مع التنمر و المتنمرين - هل ممكن نقع في التنمر و احنا مش قاصدين؟ اعرف ازاي تتغلب علي التنمر 

التنمر و المتنمرون
الطوفان المعاصر لهدم شخصيات الأطفال
الواحد ما بقاش عارف من كتر ما ب يقابل أطفال تعرضوا للتنمر، اومال هما مين اللي بيتنمر عليهم
الظاهر ان اللي بيتنمروا عدد معين و ظاهرين في كل ال groups يعني او المجتمعات
مش دي مشكلتي معاهم دلوقتي
المشكلة ان بلاقي أبهات و أمهات ب يتنمروا على ولادهم مش بس مدربين الرياضة و المدرسين في بعض الحالات في المدارس
لأ دا جوة البيت نفسه
و ساعات التنمر ب يبتدي ان اب ب يتنمر على مراته او العكس، ف بيعتبر الولاد ان دا جزء طبيعي من التواصل الإجتماعي مع الحياة ف بيطلع ينشره بره
لا تتخيلوا حجم الأذى النفسي و الإحساس ما بيبقاش في خالص Self Confidence اللي هي الثقة بالنفس بتضعف تماما عند الولاد و رؤيتهم لنفسهم اللي هي ال Self Image بتدوب من كتر ما ب يسمعوا مِرارا و تِكرارا شىء معين من شخص معين عليهم و هو اصلا مش صحيح
واحدة بتقول لصاحبتها مثلا "انت مناخيرك كبيرة" او " لونك وحش" مش متخيلين الموضوع دا مؤثر
تعالى اقعد بقى حضرتك ٢٠ سنة بعد كده قول لها 'يا حبيبتي السمار نص الحلاوة ' او 'البياض مش عارف ايه' اوة' الخضار ايه..'
ما بيجمعوش خلاص - الحاجة بتدخل و ترسخ
تعالو بقى نشوف الأبهات و الأمهات اللي ب يقارنوا سواء الاخوات ب بعض او ولادهم ب ناس تانيين أغراب
و كأنما الأب و الأم مش عارفين يا حبة عيني يطلعوا في ابنهم او بنتهم ميزة تتبني حواليها شخصيتهم
عارفين حضراتكم انه مش مهم طلع اصلا قصة ان حد يطلع الأول و لا حد يطلع في الرياضة مش عارف ايه. .. المهم يطلع بني آدم
عنده ثقة بنفسه
شبعان و راضي
يقوم يعيش ب يحقق في حياته
ب يحقق يعني يعيش ناجح و يعرف يحمد ربنا على نعمته
لما قعدنا نبحث في شخصيات المتنمرين نفسهم لقينا حاجة غريبة اوي هما اللي يستاهلوا ان الواحد اللي يطبطب عليهم - الحقيقة مش يطبطب عليهم اوي - و لكن هم اغلب من الغُلب
هم تنمروا ليه؟
علشان يفضلوا حاسين انهم كويسين إرتدادا لفكرة و إحساس انهم على طول ناقصين
يعني' انا عايز احس اني كويس ف اخلي اللي قدامي يحس وحش - لو انا عملت كدة اثبت نفسي و بقيت الواد الجامد اللي محصلتش بعد كدة '
المصيبة التانية ان المتنمر ده ساعات بيتحول ، المتنمر عليه - متأسف- بيتحول إلى مغناطيس للناس المتنمرين يعني يبقى الطبيعي بتاعه ' منكسر ' ف بيدور على حد عشان يقعد يفرم فيه زيادة عشان بس يبقى حد جنبه
و يبتدي يطاطي و يتنازل ولاد و بنات صغيرين علشان ينالوا الإحساس بالإعجاب من اللي حواليهم
تعالوا بقى شوفوا النموذج ده في البنات اللي أبهاتهم عملوا كدة معاهم لما ب يدخلوا في سن المراهقة و يجي ولد من برة يقول للبنت نص كلمة حلوة - كل سنة و حضراتكم طيبين بقى- بتروح ما بتصدق حد يقول لها كلمة طيبة
و تيجي تسأل الأهل انتوا ليه عملتوا كدة في عيالكو
" لأ دا احنا كنا ناويين خير ، دا احنا بنقول كدة عشان نشجعهم "
و اقعدت افكر و اسأل الناس اللي حواليا ' ه حضراتكم لما ربنا أنعم عليكوا ب عيال قريتوا كتب عن التربية؟'
معظم الناس عارفين بيقولوا ايه؟
" لأ احنا بنعمل زي ما حصل لنا "
" بنعمل زي ما كنا نتمنى "
إنما هل حد فعلا اتطلع العلوم بتقول ايه؟
قصة العلوم في الزمن دا كمان ما بقتش حاسس انها option يعني مش حاسس انها... دي بقت فرض عين على كل واحد يتعلم يربي ازاي، يتعلم يُقيم علاقة ازاي؟
عارفين حضراتكم ليه؟
لإن التغيير اللي حصل في ال ٢٠-٣٠ سنة اللي فاتوا تغيير لم تشهده البشرية من قبل في وقت زي ده في عُمر التاريخ- يعني ٣٠ سنة يتحولوا الناس- حضراتكم عارفين اكتر مني بقى
احنا بنقعد نهزر و نجيب ولادنا و نقول لهم ' التليفون اللي بقرص' ما يبقوش فاهمين و ' شريط الكاسيت' مش فاهمين ' نجيب قلم رصاص و تلف الشريط' مش فاهم
كذلك الولاد دوول التعامل معاهم بقى مختلف خالص عن ما أهلنا كانوا ب يتعاملوا معانا
غلطة كبيرة جدا وقعنا فيها- معظمنا يعني لما جينا نربي عيالنا بنفس الطريقة اللي اتربينا بيها لقينا النتايج كارثية
لما حد من أهالينا كان يقول لنا " بس يا فاشل اقعد ذاكر عشان تبقى زي فلان" الواحد كان مننا بيخش يذاكر عشان يبقى زي فلان و ما عندكش choices امر الله
دلوقتي لما بتقول لحد من ولادك كدة
الكلمة اللي انت قولتها له بتكون مكتوبة على chat الله اعلى و اعلم راح لمين عت طريق شاشة ان كان تليفون و لا كمبيوتر و لا ipad و الله اعلى و اعلم الرد اللي سمعه من الناحية التانية جاله عامل ازاي
الحقيقة احنا في زمن خطر يعني
يعني ربنا يرحمنا عشان الواحد يعرف يحافظ على تماسكه و قوامه الشخصي النفسي مستقلا و تماسكه الإجتماعي في التواصل مع الناس اللي حواليه اللي بيحبهم ان كان بقى ل عياله و لا الزوجة و لا الزوج و لا صحاب قريبين و لا صلة قرابة و دم
الموضوع بقى صعب - عايز الواحد يركز اوي بيقول ايه؟ و ما يقولش ايه؟ و يقبل ايه؟ و يترجم من اللي ب يسمعه ازاي؟
اللي من حضراتكم أتعرض للتنمر يحاول بردو يتعلم يشوف الناس ازاي ب تتعامل و تعمل healing يعني تعمل استشفاء و تشافي من الجروح دي ازاي و يبتدي يسلك المسلك
ما قدرش و عايش في وجع و ألم كبير يروح لدكتور و لا يشوف clinical psychologist
و لا حاجة و اللي مننا يعرف حد، حد بيتنمر عليه يحاول يشد ايده ، ياخد بإيده
و اللي مننا يعرف حد من المتنمرين و له سلطة عليه و سيطرة او في بينهم و بين بعض عشم ، يلفت نظره ينتبه
و لنا اُسوة في محمد بن عبد الله لما يجي ينده حد الرسول صلى الله عليه وسلم يندهه بأحلى اسم ليه ، يشوف الشىء يشوف الطيب بتاعه
#صحة_نفسية
#mentalhealth
#تنمر
#التنمر
#اولادنا
#تربية