خطة اكمال المنهج قبل الداوم وهم!! | طالب بكلوريا دفعة 2025 

تقرا بالعطلة تقرا بالمدرسة تقرا بالليل تقرا بالنهار يصير عليك ضغط يصير عوفوا هل سوالف وادرسوا بكل ماعدكم بالعطلة

كافي عمي اليريد معدل يقرا ويترك النصائح انت طالب بعدك بدايتك مو مالت تنصح حتى اخطائك بعدك متعرفها التهي بدراستك افضل شي

اهم نصيحة من كُل هاي النصائح لتاخذون نصيحة من احد و اعتمدوا على نفسكم لان كل انسان و ظروفة محد يشبه احد و السادس ينراد اله ذكاء و هذا الذكاء بتنظيم الوقت و بسس وبالتوفيق الكم . ومحتاجين دعائكم بالتوفيق دُ ٢٤ مبقى بس ٢٩ ساعة لاول امتحان "بداية النهاية" .

قلل المقدار واڪثر التڪرار تضبط ورقة يومية وتعيد بيها وتكدر في اي وقت تتذكرها احسن من تحفظ وتنسئ وره اسبوع

خَخالي أني هم دفعه2025,بَـاديه من 1/5 ومَشتريه منهج ودَرست فصل من كل ماده على اليوتيوب وخَلصت الاستفهـام، والاحياء بديت بفصل الوراثهه، ويوم6/1 سجلت دوره مجانيهه لمده اسبوع وكلش عجبني ترديسهم وهسه ح استمر واسجل وياهم، ودا تعتبر مراجعه ألي وياهم يعني من ارجع من المعهد، انام واگعد ادرس محاضرات ع اليوتيوب وين ماوصلت وباليل اراجع الي خذيته بالمعهد من ملاحظات وهاي واحضر للباچر وكل يوم هيچ👍🏻👍🏻، بالعڪس فكره دراسه بالعطله كلش مفيده واختي طالبه سادس ٢٠٢٤ وهسه دا تدرس للامتحانات، وهيه اصلا نصحتني ادرس بالعطله، وبالكورس الاول كله درجاتها بالتسعين وميايهه، كالت كله بسبب الدراسه بالعطله والمعهد، وانتو بكيفكم🙂

خاب دُ٢٥ دخيل الحمزة شگد غثه بعدهُم ياللَّه وگاموا ينصحون ويقيمون الاسئلة الدتجينه ابني شوف اني صالي سنتين بالسادس ولسه مااعرف اقدم نصيحة للمُقبلين ع السادس لان بكُل بساطه المفروض كُل واحد يعيش التجربه بنفسه علمود يعرف نقاط القوه والضعف عنده

اعزائي... لازم تتعلمون تدرسون تحت الضغط عوفو سالفة التخلص من الضغط هذا وهم... والله يوفقكم ان شاء..

انت تنصح بالطلاب وانت بعدك اخطائك متعرفها تره تجربة السادس الحقيقية تبدي ويه بدء المدارس تبدي تشوف عالم ثاني مختلف عن باقي المراحل من ناحية الطلاب والامتحانات وراح تعرف اخطائك وين وبالاخير كل شخص وتجربتة وهاهية...

وحق هوا لله ما تخلص قبل نص السنة لو تطلع نخلة براسك مو عبالك الفصل الاول والثاني يمشن باقي الافصل مطولة او معقدة وراح تجيك متحانات شهرية تكسر ابو الحيل

هاي معلومة للتاريخ على طول مسيرتكم بالسادس. ماراح تلتزمون بجدول أطلاقاً وكل يوم شكل.

اهم نصيحة تضمن السادس ومستقبلك وتضمن حتى الاخرة _عوف المقاطع التعبانة من حياة مشاهير (المشاهير التعبانين اقصد) ومتابعة فاشنستات ومشاهدة الاـ. ب. احي🔞 صدگني افضل شي تسوي بحياتك وبالسادس بالاخص _وتوكل على الله وهيه تفرج

⚡️ملاحظات ⚡️ **الأفضل خمس محاضرات يوميا لا تستهينون بطاقتكم العطلة كلش مهمة اقروا بيها زين حتى لاتندمون مثلي ومثل غيري -*الأسلامية ماكو اي داعيّ تقروها بالعطلة تخسرون وقت لان تلحكون تخلصوها وحتى تضبطوها بالدوام شغلتها سهلة -*ركزوا على المواد العلمية بالعطلة كلش افضل وقسموا يومكم زين علمودها خلصوا ع الاقل ثلاث افصل بشكل مضبوط من كل مادة -*ادب ادرسوا يوميا موضوع واحفظوه واذا يصعب عليكم خلو حياة الشاعر والقصيدة يوم وثاني يوم اقروا التعليق النقدي وحده وهم الادب تگدرون تلحگوله بالمدرسة -*سوو دفاتر مهم كلش ويه كل محاضرة اكتب مع الاستاذ اي شي يشرحه حتى الملاحظات الي يگولهن بشكل سريع انتوا خلوهن ب نوت ورتبوا دفاتركم كلش زين وخلوا المكتوب واضح وافهموا شجاي تكتبون مو بس كتابة وخلص وبعدما تخلصون كتابة البطل يعيد المحاضرة مرة او مرتين بشكل مسرع افضل اله -*اقروا على اقل تقدير مادتين باليوم(((🙎🏻‍♀️لاتصير كلاوجي وتعتبر الادب ماده ترا شي فرعي هذا يعني تقرا ادب وتقرا مادتين او ثلاث غصبا على راسك عزيزي🙎🏻‍♀️ )))وكل مادة تابع الها خمس محاضرات بفهم وتركيز(( وكتابة كلشي ينشرح بترتيبببب))لحد يگول صعب ومادري شنو ترى بعدين تندمون بگد شعر راسكم والله العظيم والبطل لا يخلي الملل يسيطر عليه -*لاتضحك على نفسك وتظل تأجل محاضرات بحجة من يبدي الدوام اشوفهن ماتلحگ نادر جدا الي صدك يوفون بكلامهم ويعوضون بفترة الدوام لان بفترة المدارس هوسه التحاضير والامتحانات الشهرية تركع رگع مادام عندك وقت شوف محاضرات واكتب ورتب دفاترك او لخص بالملزمة شيگول المدرس اذا ماخذ ملزمه مدرسك استغل الوقت شگد ماتگدر شگد ماتتعب بالعطلة وتشوف محاضراتك وتكتب (وترتب دفترك) راح ترجعلك بفائدة كلش جبيرة بالدوام وحتى بفترة المراجعة -*الانگلش مو تغلسون عليه ترا مادة بيها هواي تفرعات يعني بالعطله لاتقرون فقط قواعد وتفرحون! ترجموا القطع الوزارية بالكتاب والادب ايضا ترجموا حتى تفهمون القصص زين مو بس تقرون اسئلة وانتوا كلشي ماتدرون شصاير ماصاير والنشاط كلش مهم وحتى الكتاب الملون راح تشوفون بي اسقاطات وتوصيلات مهمه لا عبالكم بس من النشاط تجي هالسوالف -*لاتختارون مدرس لان مشهور وعنده مليار مشترك!! مادامكم بالبداية جربوا اكثر من مدرس انطوا فرصة تجربون شرح اكثر من واحد لاتحمضون وتلزگون إلا على فلان مدرس !! انطوا فرصة ابحثوا باليوتيوب اتعمقوا كلش بالمدرسين حتى بفترة المراجعة لا تشوف مدرس زين واسطوري وتگعد تبچي وتكول ليش معرفته ومدري شنو ! انت ماانطيت فرصه حتى تجرب لا گبل تمشي ورا صحبانك او صاحباتج على والله صاحبي كال هذا خوش مدرس راح اقرا عليه يعني هاهيه تمشي ورا الافندي ممكن صح خوش مدرس بس ميخالف جرب اكثر من مدرس يلا ابدأ - ✨✨✨والاهم لاتضغط على نفسك واكل زين اهتم بصحتك حتى لاتظل دايخ ومسطور وتعبان مثلي ههههه لاتگلي كل هذا وتگليلي لاتضغط على نفسك اي عزيزي الدراسة الكثيرة مالها دخل بنفسيتك!! ادرس هواي وركز بدراستك بس ادرس بكل ما أُتيت من حب اعشق المادة من تدرسها خلي لنفسك واهس وشغف بيها مو تظل تتصفن لو تبچي ترا ميفيدك ! وهذا الشغف يصير من تلخص وترتب وتلون بشكل حلو ينطيك طاقة تكمل وماتمل تذكر انو هذي آخر سنة دراسية الك لتهملها من البداية حبها واهتم بنفسك كطالب بهذي السنة لاتظل تگول اكره فلان ماده لان راح يطيح حظك بيها تصالح وياها وصير خوش ادمي من ترتب الها وتلخص بيها رأح تشوفها ممتعة كلش وتگوم تحب تقرا ياخي تخيل نفسك فد اسطورة تخيل نفسك عالم اي شي وادرس بشغف ترا اني ميت قهر لان مادرست عدل !!! ✨✨✨ -و تونسوا بالمدرسة زين حتى مخالفات خالفوا ويه اصدقائكم وحدكم افرحوا تتغير نفسيتكم بالدوام لاتصير الطالب المعقد باخر سنة الك كلشي يخطر على بالكم سووا وتونسوا لان اخر سنة دراسية خلوها ذكرى جميلة لاتهملون هذا الجانب ايضا بس مو تروحون بعيد وتصيرون لوتيه وتنفصلون ها ههههه ! خلوا ذكريات حلوة حتى بعدين من تشوف طلاب غيرك ينشرون يومياتهم المدرسية وتشوفها شلون حلوة وممتعة تذكر انو انت هم صنعت ايام وذكريات جميلة باخر سنة الك ، فلهذا ياخييّ لاتحمض وتظل مگابل رحلتك بالمدرسة افرح اتونس حتى تمرد !! 🤛 -اتمنى تقدرون فترة العطلة هذي شگد مهمة الكم وتستغلوها زين وتقرون هواي بيها وترتبون اموركم زين حتى بالدوام وخاصة والاهم من تگعدون بفترة المراجعة ان شاءالله انتوا مسيطرين على نسبة جبيرة من المواد بإذن الله تعالى ❤

مع احترامي لحضرتك انسان محترم وخلوق. بس ما انصح اي طالب من الدفعة الجديدة يتابعة لان احتمال تتاثر بفيديوهاتة وكلشمتحصل لان بداية السنة كال راح اخلص المنهج وكلنالة ماتكدر امشي بالمادة عالراحتك ماقبل فحاولو اذا عدكم سؤال روحو دورو معلومة علمية مو تاخذهة من طالب والمشكلة طالب اثلا مايعرف السادس شنو

عمي هذا الحماس الزايد الي عند دفعة2025 نفس الي دايس بانزين و طالع كبل بحيث راح يكون هناك احتمالين الأول:تنكلب السيارة(بنص الطريق و تشوف جاي تصير بيك انكتكاسه وحده بعد وحده لمن توصل بيك الحالة حتى الكتاب ما تريد تشوفه) الثاني:قبل لا توصل بشوية يخلص البانزين(يخلص شغفك و واهسك بفترة المراجعة) فالي عنده حماس زايد خلي يخفف الحماس لا تصير بيه وحده من الاحتمالين و أخذوا هذا الحجي من مجرب مثلي اني طالب دفعة 2018 شيبت لحيته بفترة المراجعة تحياتي

اذا كل اسبوع وكل شهر مراجعه يرادلك سنتين يله تخلص مواد ضخمه مو عبالك خامس تراجع بساعه وحده. واذا تحل وزاريات باليومي ميحتاج مراجعه هو انته راح تراجعه امتحان الاشهري ونصف السنه وأنته بعدك ما شايف السادس قاري المتسعه وx,yوجاي اسوي جدوال وطمس بالطلاب ،نصيحه حضروا يومي ولا تراكمون المواد وتسيطرون عالمواد وجيبون درجات كامله

حبيبي انت ثق بالله لو شكيد ما اتسخت او مجرد تقرأ بشكل بسيط انت منا للاربعين يوم صح ما رح اتكون مضبط لكن عندك اطلاع مسبق بالمنهج فتكدر اتسوي هيج وحيلك اطلعه بس بالمراجعة واتجيب نتائج قوية باذن الله اني دفعة 2024 بعدني جاي امتحن لكن النتائج الحمدللة مرضية الى الان لكن الي اريد اقصده السادس سهل كلش كمادة علمية بس الصعب بي هو الحالة النفسية + الالتزام بشكل صارم يعني هواي من جماعتي جانوا ملتزمين بشكل قوي لكن وصلوا للمراجعة ميكدرون يباعون على الكتاب لأن الشغلة صارت بالنفس يعني النفس مجاي تتقبل وكثير من الاحيان النفس والمشاعر اتكون اقوى من الإنسان ركز ما يكون ضعف هذا الشي لان البشر يخضعون لقوانين فيزيائية وكل إنسان آله حد معين وماكو تجربه اي طالب سادس رح اتفيد طالب اخر اطيكياها من الاخير لان الأوضاع تفرق المادة ممكن تفرق وهواي امور غيرها ف انت استمر حتى لو شي بسيط فترة المراجعة هي هنا يبين بيعا معدن الطالب والامتحانات عادي لا اتجاوبون بالخصوصي او المدرسة لان كلها تمهيد الكم فقط استمروا محافظين على صحتكم النفسية والجسدية ويا رب ان شاءالله ما يضيع تعب احد 🧭مسالة وقت

واذكر مقولة حسين عبيدة لا تقرة الجديد الة تراجع القديم لان القديم اساس اجديد وبنفس الوقت دا تراجع بمرور الوقت الجاي والاشهر انت ضبطت ولا يحتاج الة ٤/١ ابدي اراجع لان انت قبل تراجع الي اخذتة وكثر ما تراجع يزيد ضبطك للمادة ويقل وكت المراجعة

والله من دتنشر افكارك وشلون دتتغير كل شوية وخططك ما تستفاد شي والناس تجي تستهزء فنصيحة اخي لا تنشر اهدافك او خططك وانما اثبتها للناس بالنتيحة يعني لا تكول اريد ٩٩.٨٦ وحسوي هيج وهيج، انت سوي وطلع المعدل ان شاء الله وافتخر بيه وانت بكيفك الله يوفقك.

عمي اقروا لا نصف سنه لا عطلة ولا دوام ولا هل تمضرط أقرو لان هاي لقراية الك وتضيف بوينتات على معدلك ، نصيحه انت مو مال تطي نصائح لان أنت لا عدك تجرّبه ولا شي وكل طالب اعرف بنفسه من يسخت ومن يدرس ، وقت الفيديو ادرس بي

شوف اخويه الناس صدك ما ترحم حتظل تلوم تلوم بيك فانت سوي اللي عاجبك و لا تشاركهم لانو حيجي شخص و يكول هالشيء ما عاجبني و ما تكدر و كذا لانو هو اخذه ع تجربته فاي اذا رايد تسوي جدول نهائي لا تشاركه ويه اي احد صدكني حيرجعوا يلوموك

الي اشوفه اني حسب نظري كل شخص يطبق الي يشوفه صح من وجهه نظره ويتوكل ع الله صراحه جاي اشوفك كل فتره جاي تتخذ قرار ما مدروس بشكل صحيح لا بأس عادي هاي تجربتك بالسادس راح تتخذ هواي قرارات وتسوي جداول هواي بس لازم تبقي تجربتك لنفسك ميصير انتِ كل فتره تجي بخطه ويمكن هاي الخطه تشوفها مناسبه بس هواي طلاب يمكن مراح تناسبهم فـ الي اشوفه اني المفروض الشخص هوَ يتخذ القرار والخطه بنفسه حتى يكونّ تجربته الخاصه بالسادس مهما كانت حتى لو فاشله هاي وجهه نظري وبالتوفيق للجميع 💜

خاب دسكت كضيته علينه تهمبل هوه شنو تخلص منهج ب5 اشهر لوتي انت؟

چنت متاكد راح اتغير الخطة مالتك لان الخطة ما مدروسة ولا بيهه امتحانات ولا مراجعة جدولك حلو بس ايردلة تطوير كلش اهواية

لا تحطون ببالكم يمته تخلصون اقروا كل يوم بيومة وخلص باعتبار الي ناخذه اليوم هو منهجنا وما نفكر بغير شي لان السادس يحتاج طاقه ويحتاج جهد والي يريد يطلع معدل لا يضل يدور بهاي الفيديوهات ويروح يفكر بمستقبلة لان هي سنه وحده وهي الي راح تحدد مستقبلنا شني گبينه 63 لايك 😂😂

المعاهد مسويه 3 محاضرات يومياً بس مراح تخلص لل شهر 3 او ال4 اني سويته 4 محاضرات يومياً راح اخلص بشهر ال 1 تقريباً بس يبقى رياضيات وفيزياء اخلصهم بشهر ال2 بعد امتحانات نصف السنة ✨

طبعا اني بكل مقطع اله تلكوني منطيتكم نصيحه فيا عيني باعو النصيحة الأولى اسمعو كلامه والنصيحة الثانيه لا تسمعون النصيحه الاولئ وتصبحون علئ خير ❤🎉

طلعلي الفديو بالصدفة وهنيالكم انتو دفعة 25 اخذتوا الحذر من عدنا انا احنا دفعة 24 ضحكوا علينا من نزلوا بالعطلة وگالو اكو ترشيق 1700 ورقة وكلها استهانت لأن حرامات نقرا ونتعب وتالي محذوف ! وبالأخير ضحكوا علينا لا حذوفات لا ترشيقات والموعد قربوه بس ان شاءالله اسئلتنا سهلة ويراعونه بقى بَس اليوم يفصلنا عن الامتحان الوزاري اي شخص يشوف تعليقي يدعيلي بالمعدل امانة امانة ويارب ترجع الكم اضعاف الدعوة الي دعيتوها الي 2024/6/7

خل اطيق معلومه واني هسه مقرر اعيد وعندي معلومات بالنسبه لجدولك مو كلش عجبني اذا كل يومين او 3 ايام تراجع شطلعت هاي شوكت تكمل شوف هاي الخطوه تسويها فقططط وي الرياضيات لان رياضيات كلما تعيده تضبطه هاي وحده وبالنسبه للادب لاززززم تكثر امتحانات انته ومدت ايدك ولازم تخلص الجزء الاول وبالنسبه للاسلاميه جنت اعاني من عدها الاسلاميه كلما تخلصها هسه احسن راح تكلي ليش لان هسه انته راح تقره وتنسى بس صدقني من تعوفها فتره يعني شهر تجيها تقراها تحسها صايره سهلله وتفهمها واي موضوع ما قاريه تتمنى كون قاريه قبل وبالنسبه للكيمياء والفيزياء لا تضغط على نفسك بيهن سوي كل 4 محاضرات بيهن بس ذني دزلي اذا تريد اسئلات عن عربي مساعده دزلي حسابك والشي الاهم لا تحجي خخططك شنو راح تقره وشنو راح تسوي لان ابليس يترصدلك وخربلك خخطك تخيل اني مرات اريد احجي خطتي واحناج شخص احجيله دائما احجي وي امي وما احجي وي صديق وحتى اخوي ما احجيله اي فف اقره سوره الكرسي واتعوذ من الشيطان علمود ما يسمعني

طالبة سادس توثق يوميتها هل من دعم

شكد خطية دفعة 2025 عايشين كل هل فوضى بابا استغلو الفرصة وادرسو الفيزياء والاحياء والاسلامية وفضوها لا تتملعبون وتدرسون كلشي وما تستفادون شي 🗿💔💔💔

والله العظيم لا ادور راحتي و لا هيج شي بس كلامك مظبوط انا صارلي تقريبا 4الى5ايام هاي وضعيتي اقره خمس محاضرات بس لا الحك اكتب لا الحك اضبطهن كل شوي يتغير وقتي مال نوم يعني حتى احس نفسي غلطان زين شلون استمر 4اشهر مستحيل و شكرا❤

عندك خطأ بالجدول لان حيصير مَلل بالمراجعه ف الاحسن نقرة اربع مواد ع طول 5 ايام من الاسبوع .. والجمعه والسبت هيَ مراجعه شاملة لِما درسناه بهاي الـ 5ايام وهذي طريقة مُجربة وناجحة جداً .

طبعًا السادس مرحله مثل إللي قبلها بس شويه بيها أفكار يمكن أول مرا تمر علينا أحنا كَطلاب لكن إن شاء اللّٰه نگدر نتخطاها وخلو ببالكم فكرة إنُ أهم شي تفهمون مو تخلصون وخاصةً العربي والرياضيات حاولوا شگد ماتكدرون لاتستعجلون بيهن حتى لو أشهر اهم شي تفتهمون ولا تخلون اي شي يحبطكم ولا تباوعون على إللي خلصوا الأفصل قبلكم وإلتهوا بنفسكم وفكروا بمستقبلكم بس✨. وبالتوفيق للجميع 💙.

انت مبيين سالفه اجيبك وسالفه اتودييك بابا اني دفعة 24 وباجر اول متحان ليه شدو حيلكم مو من هسه تفكر تاجل ماده منهج السادس بسيط جدا انتو فقط تسمعون التهويل مال العالم السادس اسهل وابسط صف واذا تقرأ باليوم صفحه من كل ماده انت تخلصها

ههههههههه طبعاََ عرفتكك والقرءان من اول ما نزلت بحماسسس گلت هذا الولد بعدين حيغير قراره سبحان الله... شوف يروحي اني دفعه 23 بالسنه الاولى ممتحنت والسنه هاي هم مراح امتحن.... تباََ للضروف ياحبيبي... اني اقوى من الضروف انشالله وجاي ادرس لل سنه ثالثه من هسه..... فياروحي الافضل تدرس مواد من الاخير يعني فيزياء تبلش من فصل العاشر الحد الدوام انتَ تشوف اشكد راح اتخلص كم فصل حتى الافصل الاولى تضبطهن ويا مدرستك وهيج بقيه المواد رياضيات بلش فصل سادس نصيحه من طالب عنده خبررره هوايييي صارتت راح تتذكر هذا حجيي بعدين كل التووفيق حبيبي 🤍

شدسوي عيني نصيحة عوف الجداول وكل هالخريط انت سادس مستحيل تلتزم بجدول اقرا وبس من تكعد الما تنام اقرة وصلي واكل وشوف اهلك لتضل تكول هلكد اقرة محاضرات وهلكد مدري شنو لان انت احتمال اليوم تقرة ١٠ محاضرات وباجر متقرة شي بسبب ظرف لذلك ادرس بدون جداول خلي هدفك الأساسي هو القراية بكل وقت وحين وربي يوفقك

جنت عارف ، لأن كلامك جان بعيد عن المنطق

انا د24 احب اكول انو شكو شي قبل نصف السنة يعتبر مو سادس نفس المراحل السابقة بس التحدي يبلش وره نصف السنة والضغط الاقوى يبدي بفترة المراجعة ،واحب اكول لهذا الولد نصائحك خليها لنفسك وهذا جدولك اذا استمريت علية 3 اشهر شيريد انطي وطلاب خلي جدولك بنفسك بما يناسبك لان ببساطة اي روتين بالحياة ممل ومراح تستمر عليه لفترة طويلة ودليل على ذلك عطلة الجمعة والسبت ،والتوفيق للجميع .

يابه والله نصيحه لا جدول و لا كلاوات اقروا من الصبح لليل و ناموا و الصبح اكعدوا هم اقروا هو سادس و مواد ضخمه و رايدلها قرايه و مراجعه مستمره و احد يشد حيله هي سنه و تخلص و ابتعدوا عن الجدوال و الفيديوهات التحفيزيه و ذني السوالف لان كلهن ما يفيدن اليريد معدل بس يعوف التلفون و التسخيت و يتوكل على الله و يقره و بس 👍🤍✨

المفروض ندرس لحد ماده نصف ألسنه حتى ما تتراكم علينا المواد بسبب الضغط

السلام عليكم. طلاب دفعة 25 اكو مدرسين مسوين دورة الكترونية مو اعلان ولكن للفائدة الاستاذ بافر القرة غولي طلاب دورة الكترونية مجانية وبيها شروط تسجيل اكتب ع يوت اسم المدرس وراح يطلع هذا مدرس. فيزياء الكيمياء اكو اثنين مسوين دورة الكترونية قصي المالكي واستاذ عمر. حسين الي يريد تفاصيل اكثر وين يلكاهم اني ابلغ ❤❤❤❤

خويه انته طالب سادس شنو لاتضغط على نفسك عدك ماده ضخمه حاول تكمل اقل شي ٣ افصل من كل ماده وخليلك يوم بلسبوع تراجع وتحل وزاريات الي قريته صدمني ماراح تندم

كتبتلك ترا حماس البدايات كلنا سوينه هيچ وهسه باچر امتحاني وزاري اسلامية !

جدول فاشل بصراحة وغير مجدي وصعب التطبيق .... بالنسبة لي اتبع جدول من كل مادة محاضرة ما عدى الاسلامية لان منتظر ملزمة الاستاذ ساجد بس تنزل اضيفها .... حاليا اقرة من كل مادة محاضرة على مدرسين اليوتيوب ... وبالاسبوع 6 محاضرات من كل مادة لان يوم الجمعة اراجع وامتحن نفسي بالي قريته خلال هذا الاسبوع ... اضافة الى ذلك نظمت وقتي حيث خليت مثلا نومي ب 10 واستيقاظي ب 6 وابدي بالفيزياء من الساعة 6:30 الى الساعة 8:30 خلال هذا الوقت اكمل المحاضرة واقره الموضوع ونفس الشي بالنسبة لباقي المواد همات محدد وقتها ... اي شخص يحتاج الجدول يراسلني واني خادم

جدولي ٦ محاضرات باليوم ويادوب يخلص نص المنهج منا للدوام🗿👍🏻.

محد بهاي الدنيا يسوي جدول للثاني جدولك حضرة جنابك احتفظ بي لنفسك لان اكو طلاب زمايل مع احترامي يقلدوك وانت كلشي متفتهم وتاليها انت وياهم بالزلك هسة يكول سجلك تعليقات سلبية اييييييييي مغثثثثثثثثة

الجدول هذا اني د ٢٤ جربته مع مادة ل ٥ مواضيع ب شهر الثاني وجان بيرفكتتتت ولسه أسهل مواضيع صارت عندي بس للاسف اكتشفت متأخر وماااستمريت عليه لذلك استمر عليه لان حرفيا لحسن شي طريقة التكرار المتباعد❤

طلاب نصيحة من طالبة سادس لح تمتحن ديربالكم تفكرو تخلصون المنهج كلة بالعطلة اقرو بتركيز لا تقرون شوكت تخلصون فصل او مادة

#نصيحه لاتاخذ كلام اي شخص مهما كان لان كلمن وعقليته انت جرب بنفسك وراح تتفوق وشكرا"❤

نصيحة من د٢٤ انو مو بس تردون تخلصون المواد افهمو اقرو وزاريات راجعووووووو حرفيا هلشي حيفيدكم لو تخلصون من كل مادة او مادتين فصل واحد بسسس وانتو تراجعو و وزاريات يعني صدك هلشي راح يفيدوكم اول ما دخلت سادس اشوف الناس تكول خلصي ٣ افصل عل الاقل من كل مادة وهو الفصل الواحد بي أكثر من ٣٠محاضرة حرفيا كمت اضغط عل نفسي واهم بس اخلص حتلو ما فهمت اكول بلمدرسة اراجع وضغطت عل نفسي كلشيي ما استفاديت غير انو صار عندي عصب سابع وضليت تقريبا ١٥ يوم بدون دراسة بس راحة ف اهم شي ترتبون وقتكم تمشون براحتكم وتدرسون بتركيز وهاهية والله

اني بمدرسه اهلية بدينه ذاك ليوم وجاي اضبط هواي اشياء وراح اعيد لكتاب مره لاخ من يبدي دوام وتره مستحيلللل المدارس الحكوميه تكمل لمنهج مدرستنه لعام چنت بحكوميه تخيل المدرسين كملو نص كتاب السادس علمي ولباقي كالو على طلاب بعد معلينه

بالتوفيق يارب اريدك تكسر عين الناس الي يشمتون بطل انتَ.

كل يومين يوگع الناس بجدول ويموتهم وياه لا هو يجيب ولا همّ (: درسوا يمعوديين ياجدول

اني قبل سنتين :

هواي طلاب تقره بس قليل يضبطون

السلام عليكم ورحمة الله وبركاته اخواني دفعة 25 طبعاً اني هم من دفعتكم بس حبيت اوجه نصيحة للأخ احمد اني انصحك تغلق قناتك ولا تهدر طاقتك ببداية مسيرتك بالسادس بالأخير راح تندم لأن اكثر شي يحتاجه طالب السادس هو الوقت و دفعة 24 خير مثال على كلامي كل واحد هسه يشوف قناتك منهم يگلك لا تضيع وقتك وقتك جدا ثمين. والشغلة الأهم نظام جدولك و التكرار المتبعاد اخوي نظامك هذا غلط من أساسة وما انصح اي طالب يعتمد عليه اني اقترح تدرس طول الأسبوع و خلي يوم الجمعة مراجعة للي درستة خلال الأسبوع + امتحان بالوزاريات و الأسبوع الورا هم كذلك نفس هذا الجدول وبالتوفيق إن شاء الله.

قليل دائم خير من كثير منقطع خوش يا طلاب ادرسوا و استمتعوا بالدراسة و حبوا الدراسة و ما اكو اي ضغط بس انتم جاي تحطون روحكم تحت الضغط ما لا داعي............. استرخوا و لا تخافون من شيئ ما صاير

حابه أنو اكلك وللاشخاص الي جاي تتابعك انت كلت بالبدايه راح تخلص المنهج بالعطله وهسه اذا الشي وكلت انو بالنسبه للواهس مال الدراسه انو احنا حاليا نعتبر بفتره لازم اكون ملتزم ومن هاي الامور صدكوني ال شخص ألي ما أله واهس مستحيل يكدر يدرس اني ما جاي اكلك لا تدرس لا ادرس بس لا تخلي نفسك أنو يوميه اني لازم ادرس وشغله الواهس كلش كلش مهمه صدكني من يكون ألك واهس تدرس تكدر تنجز اضعاف مضاعفه وعقلك يستوعب سريع وهاذا الشي عن تجربه مو كلام من عندي حابه اكللكم السادس كلش حلو بشكل صدكوني والمود مالته مثل الاحياء والاسلاميه يخلونك تتعمق بعضمه رب العالمين ونعمه علينه لا تاخون السادس على انه مرحله تحدد مصير لا اخوها على انها مرحله لازم تعيش اجمل لحضاتك بيها بينك وبين نفسك وصدكوني التعب والسهر كله راح يروح يوم النتائج ويوم تشوف ال درجات ألي جنت تحلم بيها وضروري بهاي الفتره تكون قريب من رب العالمين دائما حاولو تخلون فد ساعه لو ساعتين كلام بينكم وبين رب العالمين صدكوني راح ترتاحون ومرات راح تجي عليكم ايام تحجون ويا وتبجون وتطلبون منه القوه والصبر وتترجون رحمه وعطفه عليكم ورا هاذا راح ترتاحون وكأنو هم أنزاح عن كلبكم من تحجون ويا رب العالمين والصلاه الصلاه اهم شي دائما خلي ببالك انو مو المصححين راح يشوفون دفترك لا رب العالمين هوا راح يشوفه راح يشوف تعبك ويسهرك وخوفك ودموعك كلهن هوا يشوفهن بهاذا الدفتر صدكوني فتره وتعدي وكلشي راح ينتهي وترجون وتتذكرون وتكولون شكد جنتو أقوياء شكد صبرتو وتعبتو وحتى ممكن انو تبجون هم من تتذكرون هاي الايام ودائما خلي بعينك اهلك حتى لو جانت بينك وبينهم مشاكل وأقاربك وكول اني ما راح اخلي احد يتشمت بيه لا تشوف ضعفك أل احد بس أل رب العالمين وأنتو كدها أن شاء الله دعواتكم طالبه دفعه24يوم النتائج رجعوني حتى اكللكم وين صرت 🤍

طلاب اللاسلاميه اقروها لتعوفوها للمراجعه احنه٢٠٢٤ سمعنا كلام دفعه ٢٠٢٣. وكالولونا تكفي وسهله عوفوها عالمراجعه وكافي عليها ٥ ايام طلع اصلا مادتهم هي ربع مادتنا ووكعنا بيها ومبقه شي لامتحاناتنا والاسلاميه صعبه كلش اقرو الابحاث نصيحه اقروها يوميه اضبطوها بعدين روحو لغير مواضيع لان الابحاث صعبه بشكل

هذا الجدول تكلم فيه عملاق اللغه العربيه استاذ حسين عبيدة وجان صريح كلش وقال الي يريد ينجح ويجب درجه عاليه جدا. يدرس على هاي الطريقه وهيه احدى اسرار الطلبة المتفوقين واقسم بالله انا ضد الاشخاص الي يسون جداول وينشرون عن كيف ترتب وقتك بس هذا الجدول يستحق ان ينتشر لان مفيد جدا وهذا الجدول اذا طبقتة ما يحتاج تراجع قبل الامتحانات الوزارية ثق بالله الكريم + ادري اهواية حجيت بس حبيت افيدكم ❤❤

خوش جدول اني هيج ادرس من بدايه شهر بس بدون حفظيات ورائ عيد حبلش باحياء وادب فراح اضيف محاضرة احياء ومحاضرة ادب علئ اربع محاضرات الي هي يوميه ادرسهم

اترك التحفيز وركز على دراستك واترك النصائح لانو بعدك ما ادركت الاخطاء الي راح ترتكبها بعدين وشنو راح يواجهك واول هذه الاخطاء بنظر الاغلبية انو دتنشر اشياء تخص دراستك وهذا اكبر خطأ وجريمة بحق نفسك اسأل مجرب ولا تسأل حكيم كل التوفيق إن شاء الله..

الله ليوفقك لعد ليش خليت الطلاب تتفائل ما ادبرها اسكت و لا تحجي حجي زايد ولله دريت بيك 😂😂

عمي تتفلسفون هواية اقروا طبيعي ابدي بالعطلة يا مادة انت ضعيف بي وتحسه صعبة وهاي هي اكو اختبارات وويا حلول اختبروا نفسكم وعوفوا فيديوهات النصايح هايه وكلام الزايد لان هذوله اصلا حالهم حالكم لا نقص لا زيادة فيدوا نفسكم على نفسكم

اني عندي سالفتين السالفه الأولى : دفعة 2025 يرادلكم زيج كوني من كل طالب سادس السالفه الثانيه : ادخلوا دورات وفضوها لأن مراح تلتزمون اذا درستوا يوتيوب لو تموتون والي يكلي التزم اكله اقره السالفه الأولى الي فوك وتذكروا كلامي

اذا ابلش من هسه اسوي جدول واخطط الحگ اكمل اول 3فصول؟ 🥲

هسه انت تنطي نصائح بصفتك شنو ؟شنو منجز يعني ؟مخلص سادس؟مار بتجارب السادس ؟كلهن لا فيا عزيزي خلي جداولك لنفسك لاتخلي الطلاب يتاثرون بيك وانت مامحقق ولا شي من تخلص سادس وتطلع معدل معقول فبذاك الوقت اخليك على راسي واتقبلك بكل رحابة صدر بس هسه يعني انت كلش مزودها مجرد صارلك شهر تقرا وخبصت الطلاب خبص

سؤال الاستفهام درستة ع استاذ حمزة الجابري خلصتة وجاي اراجع بي وهوة هم ينطي اسئلة هواي من اخلص المراجعة راح احل التمرينات واقرة وزاريات لو مايحتاج.

نصحيه خارقه لدفعه 25 بلكوه من هسه لين راح يكرهكم بلسادس مثل ما اني كرهوني غيره

بالتوفيق يارب 🤍🤍.

حرفياً لجدول نفس جدولي وحتى جدول المراجعه ❤❤ ومفيد جداً ❤

دانجب وروح اقرة انت منو حتى تنطي قرار اصلا انت هاي اول سنة الك وهاي حجايتي وتذكرو هذا الولد راح يأجل مواد همين ويمكن بالاخير راح يأجل فروحو انتو سو جدولكم بيدكم

مو الا تخلصون المنهج قبل الدوام لكن خلصوا قدر المستطاع حتى تلحكون لان المادة ضخمة خصوصا الفيزياء عن تجربة

باجر امتحاني اسلاميه ادعولي 🤲🫀🤍

اني رايي كطالبه دفعه ٢٤ انو شخص يكرصن حياته بالبيت اني 2023/5/1 لحد اخر يوم بالامتحان يله كدرت اروح زياره يله كدرت انام زين جانت هياتي عباره عن جهد هذا قانون سادس دراسه ليل نهار

اثق بيك وراح اعتمد علئ هذا الجدول لين اني بديت ادرس نومي ما منتضم ما تتجاوز دراستي ٣ محاضرات باليوم رغم اكعد عليهن وقت طويل وجنت اريد ادرس علساس ٧ محاضرات باليوم وصابني احباط من اشوف انتاجي الي درستة بيوم واحد لذالك راح اعتمد عليك والتوكل على الله

نصيحتي بسادس الي جنت اسويها المراجعة ... مهمة شكد ماتصورون مفيدة من ناحية انو المادة هواي فهاذة يساعد يوم المراجعة والسلبي الي بي يرادلة وكت وجدول وايام مناسبة يعني بحدود انة نحنا ندرس لو نراجعة فااااااا شوية صعب بس سوة دائما مراجعة يعني لفصلين ثلاث افصل مراجعة متكرر واللة كلش راح تستفادون يوم المراحجعة الوزاري صعب صدوك حتئ اني ماجنت استمر علئ المراجعة ولكن اجبرت نفسي وانتو طلاب 2025ماراح تحسون الندم او التعب الصدك تعرفون نفسكم زين يوم المراجعة لان هية اكثر فترة راح تكون انت وحدك ماراح تتحمل روحك ولاتريد تباوع كلشي راح يكون عليك مخربط لكن باااخير ﴿وَأَنَّ سَعْيَهُ سَوْفَ يُرَىٰ﴾🩷 هاي راح اطمنك هواي بلتوفيق 👍.

وين الصعب احنه بالمدرسة جاي ناخذ 5 محاضرات باليوم ومن نخلص دوام نرجع نقرة تحاضير

اني قبل 1\1 اريد أكمل قواعد انكليزي و كيمياء و فيزياء و رياضيات و عربي قواعد و أحياء يبقى كلاميات انكليزي و اسلامية و ادب هدفي جيد

انا ادرس وكملت فصل وامتحن نفسي بيه مثل رياضيات كملت فصل اول امتحنت مرتتين بيه نفسي بديت فصل ثاني وكل نص فصل امتحن بيه لان صعب اراجع كل يوم مواد هواي كل يوم ثلاث مواد وفصل كيمياء واحد بعدني ممخلصه ضخمه مواد وهدفي للميه المعدل ادعولي كل من شاف تعليقي❤❤

هاي اني ببداية السادس : نصيحة اقروا الفصول الاخيرة

ان شاء الله راح اطبق جدولك 🤍

طبيعي جدا انو يتغير رئيك بلتالي الانسان كليوم يتعلم شي جديد.

5:24 خوش فكرة عاشت ايدك راح اعتمدها بالأحياء.

خويه لاتشارك نصائحك ومعلوماتك وي الناس وتضل عيون الوادم عليك الحسد موجود ترى ف استغل وقت التصوير والمونتاج والتعليقات السلبيه الي تسد النفس واكعد ادرس بي او سوي غير شي وبكيفك بعد ✨

ربي يوفقك

طالبة سادس ادبي راح اعتمد ع جدولك لان حتى بفترة مراجعة مراجعة سريعة اقرا نص المنهج ع كيفي ❤

اقضو حوائجكم بلكتمان متخافون من الحسد تره العين حق لتنشرون دراستكم القنوات تاخذ وقت وتلهيكم وتضيع مستقبلكم

شباب عندي جدول مضمون من رخصة صاحب القناة الصبح/ من 8 الى 9 استيقاض من النوم + صلاة من 9 الى 9:05 دراسة متواصلة بدون انقطاع من 9:05 الى 12 استراحة من 12 الى 12:05 دراسة متواصلة بدون انقطاع من 12:05 الى 5 العصر استراحة (نوم) من 5 الى 5:10 مراجعة ماسبق من 5:10 الى 8 الصبح استراحة (نوم ايضا) عن تجربة دااحجي افضل جدول الى الان

دُفعة 25 اقرو زين ولتراكمون المواد عليكم وموفقين ان شاء الله طالبة 24 حلمها طب عام حكومي .99 ادعولي

ياخي عوفه لليوتيوب مو بالسادس تنفتح عليك العيون ادري بايعه لمستقبلك انتَ؟! الطلاب دينصحوك ونصائحهم تراكمات لتجارب اخذ النصيحه بعين الإعتبار هذا مستقبلك مو لعب

جنت متوقعتك حتغير قراراتك سبحان الله

اخوان ثقوووو كلامة صحححححح🥺🎆 طالبة سادس معيدة حرفيا اي حرف شي يحجي احمد صححح عن تجربة كل اخطائي حجاها 💔🙇🏻‍♀️ أن شاء الله اعوض اصلا اخي احمد خبرة خبرة 📃

احمد اني اتشكر منك اخذت كومه نصائح بس اريد تنطيني رايك بهذا الشيء اني خلال اسبوع عندي 3او2 محاضرات(دورات) وعندي يوم واحد ما عندي بي محاضرة واحس روحي متشتت يعني المحاضرا تاخذ من من وقتي6او4 ساعات فاا شلون اكدر اوازن بين دراستي لوحدي ودراستي مع المحاضرات+الله يوفقك و ان شاء الله المعدل العالي الك والي وللكل❤️❤️

اني جدولي سويته بنفسي ودرست علي وشفته مناسب فهسه ثبتت عليه ومو ضغط بس انتاج بنفس الوقت الجدول هو: كل مادة 3 ايام الها بالاسبوع كل يوم الها محاظرتين وبين يوم ويوم تصير يعني بالنهاية بالاسبوع انت كل ماده ماخذ 6 محاظرات الها والجمعة عطلة اكدر حسب الحاجه استغله اما للراحة او مساعدة اهلي او امتحانات اذا ما مضبطه المواد الي قريتهم بالاسبوع 🦦👍🏻

دائما بفترة السادس جان كل همي انه اجمع نصائح من طلاب الاوائل وكل واحد جان يحجي شكل بس بعد غترة استوعبت اني ليش اروح الهم ليش ما اعيش تجربتي الخاصة ف الملخص سوو اللي يعجبكم وخلي الكم تجربة خاصة بيكم+ لتكبرون راس السادس

اللهم انصر اخواننا في فلسطين 🇵🇸 #مقاطعةالمشاهير الذين لم يتكلموا عن الأبادة في غزة حضر جميع المشاهير العرب الذين تجاهلوا ما يحدث في غزة _لماذا تنظر او تتابع أشخاص لا يعرفون معنى المبادئ وتكاتف معن ، أرجو أن تنظروا الى حال اخواننا في فلسطين ، وأيضاً تكلم مع نفسك وقل لماذا اتابع أشخاص لا استفاد منهم غير (المحتوى سيئ).. #مقاطعة المشاهير

لا تسمعون نصيحة اي احد ابد 👍🏻👍🏻

حبيبي دحك المعدل مو بكثرة الدراسة هي توفيق من الله اني سنة كله ادرس وشاك نفسي شك تالي اغلط اغلاط تافهه بالتالي طار المعدل 99.86