الفتوحات الاسلامية كانت لنشر الدين مش لرد الاعتداء بس. مش غزو و لا احتلال و لولا الفتوحات لظل الدين حبيس المدينة المنورة. الصحابة لم يكونوا يقاتلوا الا من يمنعهم من ايصال الدين للشعوب و أنا بقولك ايصال و ليس اسلمة و الفرق واضح آني ببلغك بالدين و أنت حر و الدليل على كده مصر كان اغلبها مسيحين و اختاروا الاسلام و اللي اختار المسيحية عاش عادي و ماانقرضوش
انا مش هقولك انت ف طريقك للالحاد والحق نفسك والكلام دا كله لان انا ك مسلم والحمدلله مش بحبه اساسا.... لكن ك نصيحة بجد بما انك بدأت موضوع انك تبحث فالدين او الأديان عمتا علي حد كلامك ف كمل الموضوع لاخره وابتديه من اوله خالص خالص واحكم بنفسك ودايما بقول كلمه ان سواء في اله او مفيش او الاسلام صح او لا ف انت اللي هتتحاسب مش الشيخ اللي قال الفتوة دي او القسيس اللي قال الجملة دي.... حضرتك اللي هتتحاسب عن نفسك وفي نقطة كمان وهي انك فاهم السبايا غلط وكلامك في دلاله ان ناقصك كلام فالدين ف حاول تقرا بنفسك زي م قولتلك وكتير عالاقل عشان توصل للحق ربنا يوفقك واتمنى تبدأ رحلة الاديان دي بجد هتستفيد جدا ربنا يهدينا جميعاً ❤️
ورغم اني مسلم لكن علي يقين ان في حاجات كتير وخصوصا في الاحاديث غلط.... غلط بسبب تناقلها مش بسبب قولها او مضمونها ف زي م قولت انت فالفيديو انت بتاخد الحديث او الحدث وبتقارنو ب القران وبعدين بالفطرة وبعدين بالعقل وبعدين تحكم
بشمهندس محمد مازلت برجو من حضرتك انك تعمل حلقات عن طرق التفكير في الاشياء ازاي نفكر صح لانو كل الحاجات اللي حضرتك بتقول عليها صح بس للاسف مبنفكرش فيها لان اهالينا للاسف الشديد ربونا علي انها ثوابت يمنع التفكير فيها عشان كدا مبتجيش علي بالنا اننا حتي نديها ولو ساعه حتي والف شكر لحضرتك جداً وشكرا.
اتمنى اكلمك خاص لاني بدات اخاف عليك من افكارك .... كلامك عن اللي بيشتموا محسسني انهم كل العالم ...اغلب العالم كويسين... فبلاش تعمم اي تجارب سيئة...بالنسبة للتفكير في الدين كلام ممكن يتفهم بكذا صورة لكن اولا كل ما بعد الخلفاء الاربعة لا يمكن محاسبة الاسلام به ...ايضا الفتوحات هي وسيلة عصر لنشر الدين من اعلى الهرم ومصر وغيرها دليل على هذا..انها الدولة التي تحمي الديانة وتنشرها وتحتاج لتمويل ونفوذ وغيرها.... لو حارب المسلمون فلا يحل اخذ امة الا اذا كانت في مكان الحرب وكانت غير مسلمة وخرجت مع زوجها لتحارب او كانت معه في المعركة ايضا بالاستقراء الاسترقاق هي محدودة بالمعاملة بالمثل فمثلا قريش لا تاخذ الاسرى رقيق وكذلك النبي في الفتح لم يفعل ذلك .... وهناك شروط كثيرة لهذه الامور... ولابد من القرار من الحاكم العام اما القتل واما الاسر او الفداء او الاسترقاق بدلا من القتل وهذه رحمة ثم ان الاسلام لم يستبق القتال الا لو على حدودة لجمايتها بدليل ماليزيا التي اسلمت بلا فتح ايضا كلامك على سؤال الغربيين عن عادات المسلم فكذلك يسالون السيخ او الهندوسي ونحن نفعل كذلك اذا جاءك احد مسيحي ممكن تساله تاكل صيامي ولا عادي.... اخيرا واضح انك مضغوط جامد واتمنى تاخد اجازة علشان خايف عليك كاخ عزيز اتشرف بمعرفتك
حقيقي مش قادر افهم ايه سر علاقة الغباء بالتدين؟ حرفيا عمري ما شوفت شيخ ولا رجل دين بيفكر بعقله في اي حاجة تخص الحياه و مش بفتري على حد كنت اعرف شيخ كان خريج تجارة و كان مثقف جدا ده الشخص الوحيد اللي كان بيفكر بعقله من الشيوخ و عشان بيفكر بعقله رفض حاجات كتير موجودة عن الشعب المتدين بطبعه و النتيجه انه اتكفر و سموه الشيخ احا و قالوله انت جاي تحرف في الدين و انت شكلك ملحد و معرفش ايه و موال...
كالعادة متألق و مقنع و منطقي... بس لي تحفظ علي توسعية الصهيونية و اليهودية... أعتقد إنه الدين اليهودي غير تبشيري... و الصهيونية تريد حدود الدولة المذكورة في التوراة و هي من النيل للفرات صحح لي طبعا لو أنا غلطان تحياتي و ب شدة 🌹🌹
مبقوش عايزينها خلاص بح هما عايزين كام مستوطنه في الضفه وقضيت عشان مفيش تجنيد يهودي خلاص اوروبا بح محدش عايز يسيب بلده في اوروبا مهما كان يهودي عشان يروح يعيش في بقعه سئ من الشرق الاوسط حولين جماعات ارهابيه متخلفه ده اصلا في ناس بتحاول تخرج بشكل دائم نت اسرائيل والدوله منعهم
يعني ياهندسة انا بتابعك من ساعة ما كنت في اعدادي و بتفرج عليك لحد ما خليتني واحد مهووس برمجة و يوم ما أوصل لأني ف ٣ث و نتيجتي بعد العيد و مستني حاسبات عشن أبدأ اول طريقي اللي رسمتوا في مخيلتي و اللي أنتا كنت السبب في إني ارسمه ملاقيش ولا شغل لحضرتك😔 أتمني تشوف تعليقي و هبقي شاكر لأفضالك لو فهمت وجهة نظري انا مش الوحيد اللي كدا انتا زرعت جوه كل واحد فينا أمل و خلاص كلها تكة و يبدأ الطريق ببص ملقتش اللي همشي عليه و اللي كان بينصحني مش موجود😔
هقول بصراحة انتا انسان فيك خير♥ بس كان عندي سؤالين الاول كيف اقوم بالأعمال وانا معرفش الاحكام غير اني انا الي اتعلم بنفسي (او قلنا طريقة تعاملك مع الدين لان فعلا احنا كدا بنجري وري الشيوخ) ثانيا كيف استخدم الاية واسئلوا اهل العلم ان كنتم لاتعلمون دي بعض النقط الي لو في وقت ممكن توضحالي ياريت الله خلقنا لعبادته والعبادة هنا معناه شمولي مش صلاة وذكاة لا وكمان العمل الصالح والبر واتقان العمل وكل دا. ان الانسان كونه ديوث لانه بيسيب اهل بيته خارج غير محتشم هي الي بتاخد ذنبه وهو لانه قادر انه يمنع الذنب دا انه يتعمل وكمان دا غير ان معني الرجولة بتعته اساسا تحت الصفر احبك الله♥
بجد الحلقه والسلسله جميله جدا وبتواجه العقل والمنطق بشكل مباشر وصريح وبتواجه الناس اللي بتهاجمك لما تسأل ف الدين مثلا طيب يبن الناس هو انا هقتنع ازاي ان ديني هو الصح لو مسألتش؟! لا هو كده ده اسمه الحاد بجد يعني حاجه متعبه ومجهده جدا للبني ادم بصراحه مع كل حلقه بقتنع اكتر بفكره ان حضرتك قررت تبتعد عن السوشيال لان بجد الناس ديه مستحيل تغيير اتجاههم
المشكلة الاساسية هي كيف افهم الدين. حضرتك عايز كل واحد يفهم الدين بدماغه هو بس. ده هينتج عنه كوارث أنا تفكيري غير تفكيرك غير تفكير ناس في بلد تانية و ناس في زمن تاني. و الموضوع ملوش علاقة بالذكاء و الا داعش فيها ناس مبرمجين و مهندسين أذكياء و لكن فهمه وداه في داهية. فيه ناس زملاء في المهنة علماء حاسب و بيروح بيته يسجد لفار كل واحد هيفسر الدين على مزاجه و ساعتها هتبقى اديان
@@mmeshref سلسلة الصحابة ووالتابعين ووالمذاهب بعد كده ماهي الا نقل من القرأن و صحيح الحديث بفهم الصحابة محدش بيخترع الحكاية ان كل واحد بيجي بيبسط الموضوع لاهل زمانه لانه عارف باللغة و مطلع على كتب السابقين
ى ريت يبشمهندس تضيع وقتك فى التقنيه والله العظيم انت اكبر حافز فى حياتى انا مهندس ميكانيكا وانت اثرت بشكل كبير انى اقدر وقتى فى التعليم المنتج ى ريت تتكلم وتفيدنا وده عند ربنا كتير انك بتاثر فينا وانا كشخص بيقدر وقت فيريت يكون فى التقنيه وتفيدنا وشكرا انك بتتكلم اساسا
بص انا متأكد انه هيرجع يكلمنا ف التيك من تاني بس هيكون بشكل مختلف بس لازم نسيبه يفصل شويه لان فعلا الاحتكاك بالناس ديه وتعاملهم معاه اما تحط نفسك مكانه لا هو فعلا ليه الحق انه يبعد بس انا واثق انه هيرجع بأذن الله
طيب ياهندسة الآية اللي في اول الحوار بتتكلم عن كفار اتبعوا اجدادهم الكفار بدون تفكير العكس تماما دلوقتي لما اتبع اجدادي المسلمين بداية من الرسول و الصحابة و اللي مشى على نفس طريقهم فأنا برجع لاصلي الكويس و هو بيرجع لاصله الوثني طبعا فرق كبير جدا
و ماخلقت الجن و الانس الا ليعبدون ايه واضحة و صريحة في هدف الخلق و العبادة لوحدها لاتكفي و انما لابد من شريعه متكاملة تنظم كل نواحي الحياة فالدين عبادة و نظم جزأ كبير من حياتك و ترك لك جزأ تنظمه بنفسك طالما بعيد عن الحرام
@@mmeshref و بعدين يابشمهندس انت كده بتناقض نفسك انت عامل فيديو علشان تقول للناس افهموا الدين بالطريقة اللي بقولكم عليها طيب ليه أختار فهمك انت ماانت في الفيديو بتقولي ماتمشيش ورا حد
التقسيم الجغرافي زمان ونظام مختلف عن النهارده مينفعش تقول ان لو حصل فتح زمان تقول عليه غزو اقرأ كويس وشوف المتخصصين في التاريخ وهتعرف هما كانو بيفتحو المدن دي ليه يعني مثال ==> مصر سيدنا عمرو بن العاص فتحها عشان الظلم اللي مان واقع علي المصريين من الرومان دا حتى الشعب نفسه هو اللي كان بيساعده كمان دا مثال من امثله كتير وبعدان كمان مينفعش تقيس تطبيق الدين على انه هو التبيق بتاع زمان لالالا والف لا كمان لاني اولا الدين اكبر من كدا ثانيا ناس بتوع زمان كانو بشر عادي زينا دلوقتي فيه اللي بيغلط
@@mmeshref بالنسبه لموضوع النوبه لو احنا فعلا ملمين بالموضوع كله من كل جاونبه ودا مستحيل طبعا لان دا تاريخ اللي حاطه بشر ممكن يغلط عادي بس هو ممكن يديك فكره عن الحياة كانت ماشيه ازاي وبس الحقيقه الثابته من زمان هي القران وبس فلو كنا اصلا ملمين ف اللي عمل كدا صحابي بشر عادي مش النبي ف ملوش دعوه بالدين انت كدا بتتكلم ع فئه مش دين ودي ممكن يكون معاك حق فيها وممكن لا وبالنسبه لصلبيين فا انت عارف المجازر البينه اللي عاملوها في التاريخ ف لازم تزعل ع الارواح اللي هدروها بعد ما غزو القدس وبعدان الفرق والله اعلم ان الصلبيين كانو غدارين وانهم كانو عاوزين يموتو الناس المسلمين وخلاص ولما يحتلو اي بلد لو كانت مسلمه بيهينوهم ويبهدلوهم ويقتلوهم ويظلمو الناس بعكس الصحابه زمان ومش هقولك كلهم اكيد كان فيهم حد مش ولابد بس اهو احسن منهم طبعا انا مش بدافع عن حد بس بوصلها من ناحية الميزان وشوف كفة مين اللي هتغلب وانت لو نيتك صافيه ربنا هيبينلك الحق فين
@@bgpage2013 هو ثواني بس التصديق بيجي ازاي اصلا !!! هقولك من الادله وبعدان انك تبقى واعي ليها ف بكل بساطه هتصدق كلنا بنعمل كدا اصلا في حياتنا العاديه مش قصه ونا بقول ان احنا ك بشر مينفعش اصلا نقف على بعض ع الواحده انما اي اللي يحصل اننا نحط امالنا ع الميزان ولو كفة الخير اللي بنعمله هيا اللي رجحت يبقى احنا كدا بنعمل اعمال خيره حتى لو كنا بنعمل بردو اعمال سيئه لان دا طبيعي احنا مش كاملين طيب لو كفة الشر رجحت يبقى احنا بنعمل اعمال شر حتى لو كنا بنعمل اعمال خي بردو وع فكره دي اصلا معلومات فطريه وفكر فيها واخلص فيها لله وربنا هيهديك لطريق الصح لو انت عاااااايز
بخصوص الفتوحات الإسلامية أرجو مراجعة المصادر اللي حضرتك بتتكلم عنها لإن الإسلام لم ينتشر بحد السيف كما تقول وأكبر دليل علي كلامي هو إعتراف أصحاب الديانات الأخري بسماحة الإسلام وإنو كان رحمة لهم أثناء دخوله مصر والهدف مكنش فرض الجزية لإن في المقابل كان المسلمين بيدفعوا الزكاة أتمني منك مراجعة الأمر وأيضاً بالنسبة لفكرة إن الإسلام والمسلمين كان هدفهم توسعي علشان يكونوا الأفضل وكل الباقين تحتيه بالعكس الإسلام بدخوله البلاد المفتوحة كان رخاء ورحمة وعدل لأهل البلاد دي بدليل الإرتقاء الفكري والثقافي اللي حصل بدخول الإسلام علي عكس ما كان يحدث في البلاد الأخري كانت تعيش فترة إضمحلال وصراعات بداخلها مع الكنيسة نفسها.
😂😂 انتا بتقول ايه . فين أصحاب الديانات الأخري دي الي بيشهدو بسماحه الاسلام مفيش يا باشا الكلام ده انت بتضحكو علي نفسكم ومين قال إن المصريين كانو فرحانين بالفتح الإسلامي وهيفرحو علي ايه اصلا الفتح جه سرق من خير مصر الجزيه تختلف خالص عن الزكاه الجزيه دي كانت بتوصل ٤٠٪ من دخل المواطن وكان فيه ناس بتدفع عنها وعن عيالها عشان عيالها لسه مشتغلوش ده غير الاطهاد والقتل وازاي يعني البلد اتقدمت بدخول الاسلام ده بالعكس ده الاسلام كان بيدخل يحرق الكتب ويمحي ثقافه البلد ويرجعها سنين لورا ده كان يوم اسود يوم ما دخلتو مصر
@@Aya-ru8vh غالبيه عظمه ايه يا باشا الناس كانت بتاسلم عشان ميدفعوش الجزيه الي كانو مبيقدروش يدفعوها وده غير الاعداد الي كانت بتتقتل هوا ده الي عمل الفرق الي انت حاسه اغلبيه عظمه
@@Gooo.A2004 بجد الناس أسلمت علشان متدفعش الجزية بس؟ يعني آمنت بالإسلام اللي بيأمرهم بتكاليف أكبر زي الجهاد في الوقت اللي كان فيه الذمي مش مطلوب منه يحارب ولا يدافع عن أرضه بس يدفع مبلغ الجزية للدولة في مقابل حمايته والمسلمين هم اللي كانوا بيأمنوا حدود الدولة ومسئولين عن نشر الدعوة وتحمل اي مخاطر الذمي كان قاعد مستريح في بيته متوفرله أكله وشربه وحمايته مقابل الجزية اللي هو مش اختراع يعني كل الدول بتفرض ضريبة علي المواطنين وبالمناسبة الدول المتقدمة بتفرض عليهم ما يقرب النسبة اللي انت قولتها دا لو فرضنا إنها حصلت فعلا!
@@Aya-ru8vh يا عم الدول بتفرض ضريبه علي الدخل علي التجاره يعني مش أتاوه علي كل الناس وبعدين دي بتصل ل٤٠٪ مثلا ده للشخص الطبيعي في حين أن أغلب الناس فقرا يعني النهارده ٣٠٪ منه تحت خط الفقر تخيل لو دوله راحت لواحد عنده اسره تحت خط الفقر عنده عيل ولا اتنين بالغين يعني شوف هيدفع قد ايه ياما كده ياما هيموت طب هيجيب فلوس منين ياما يستشهد يأما يأسلم وبعدين ايه هوا انت شايف أن كل المسلمين الي دخلو الاسلام مجبرون راحو يحاربو يعني
السلام عليكم فيه كلام كتير اوي اقتنعت بيه من حضرتك بس الفتوحات يا راجل كان ليها قوانين ان مفيش حد يمس امرآه او راجل مسن او طفل هو الفتوحات لنشر الاسلام اه وكمان حاجة تنية الجزية ديه كانت اد ايه حضرتك اقل ضريبة بتدفع في العالم وديه كانت للحماية وايه اثبات حضرتك ان المسلمين او قيادتهم كانوا بعد ما يحربوا حد نساءهم بيخدوهم وهل ليها سؤل انا ملاحظ ان حضرتك اسمك محمد يعني مسلم وكلامك الحلقة الي فاتت لما قولت انا علشان اعرف الخديث ده صح اشوف القران وحجتين كمان يعني انت كده ايه مسلم مش صح؟؟ اه وكمان سمعت ان لما المسلمين بطلوا يفتحوا فتوحات وهاذا ونشر الدين ربنا ابتلاهم وطبعا بعد الطمع في السلطة وملوك الطوائف الي هما الي بقوا يدفعوا الجزية وجم بتوع شمال افريقيا بتوع الجزائر والمغرب معرفش اسمهم كان بعد مجتمعوا ملوك الطوائف هددوا الملك الصليبي الي بيدفعولوا الجزية بيهم فخاف وهما جم وحرروهم من بطشه واحنا البلاد الي دخلنها بلد زي اسبانيا ديه يا باشا كان الملك بتعها معذب اهلها ومضهدهم وحجات كتتتير اه وحوار اكتر دين بيدخلوه بلولادة تمام معاك بس اكتر دين الناس بتلحد منه طب و الانجيل واليهود الي هوا اصلا متحرف و قبل ميتعرف كانوا في جماعة ما اذكر اسمهم قبل ميدخل حوار المثلث ده بتاع المسيحية وكده ويتحرف كانوا مسامين وكان فيه دلائل اتمني تقراء كتاب مئة عظماء في امة الاسلام
هو فعلاً مفيش ضمان لأي كلام منقول من آلاف السنين وعدى على ملايين الأجيال البشرية التي لا تخلوا من الأمراض العقلية واللي منهم موجودين معانا في زماننا ، المشكلة إن الأمراض مقنعة جداً وأي حد عنده مرض ما بيكونش عارف يفرق ما بين أفكاره و أفكار المرض حتى لو مرضه بيضره هو بس زي الإكتئاب والقلق مثلاً فما بالنا بإضطرابات الشخصية اللي المريض فيها بيأذي غيره وبيشوف الدنيا بالعكس .. وأكتر حاجة مرعبة هي الإسقاط ، هو مش مرض أد ما هو حالة بيعملها أي دماغ للتهدئة يعني الشخص بيشوف نفسه في اللي قدامه ودي بتحصل بشكل تلقائي في حالة قلق أو ضغط أو عدم إتزان و حصلت معايا ده غير عوامل تانية كتير تخلينا ما نصدقش في كلام بعيد جداً عن تجاربنا الشخصية وحياتنا ، محدش يضمن السلامة العقلية لحد غير وهو شايف ومتعامل بشكل أساسي ومباشر مع الشخص ده ،، الحالة الوحيدة اللي لاقيت الدين ده نافع فيها هو إنه بيعرف يخوف المجرمين أحياناً مش دائماً ، في قلة من الأمور والمواقف .
