لالا ختي انا شيبة النار هادي محقيش نقولها علبالي بصح كنت مقلقة رايحا نترتق سنو والله منقلها وزيد وجاتنيش فلسان لخروف برك والله تفاشيني بلا سبة حتان نتقلق انا ونقول واش درتلها والله والله والله غير روح ليها ونطيب ونديلها بصح يا الشوفة وتشوفش فيا واش رايك واش ندير معاها ميعجبها الحال
والله يامريومة غير احسنتي القول لأنه موضوع الي هدرتي فيه اليوم راهو 80 بالمئة صاري في الاسرة الجزائرية والنصيحة تاعك فيها الخير وصلةالرحم جزاك الله كل خير❤
لا أكي غالطة يامريم عزوزتي لي تڨول لولادي ماديروش الخير في الناس وماتلتيو حتى بواحد وعمهم لي يڨولهم.متسمعوش لمكم مستحيل نخلي ولادي يترباو عندهم ولا يخالطوهم بزاف على خاطر رايحين يخرجو قاطعين صلة الرحمة ومايديروش الخير ...ولادي يروحو معايا ويجيو معايا باش نضمن مايفسدولهمش تربيتهم
والله القلب كي يكون نظيف ماتقدريش تكرهي ممكن تهزي موقف فقط راجلي توفى ولحد الان ماسمعوش مني كلمة العيب رغم ظلمهم وحڨرتهم ليا والحمد لله مكانش قد الي يرمي حملو لله عز وجل
اللهم صلي وسلم وبارك على سيدنا وحبيبنا ونبينا محمد صلى الله عليه وسلم وعلى آله وصحبه أجمعين ٠ادعو معيا ربي يفرج عليا ويجبر خاطري عاجلا غير اجلا أمين يارب العالمين
انا الشي لي دارتو عجوزتي فيا ولازالت دير هي وبناتها والكره لي تكرهولي صدقيني نتمنالها تتعذب في الدنيا قبل الاخرة هي وبناتها ويخلصو القهر والمرض النفسي لي مرضوني لا سماح لا ربح حسبي الله ونعم الوكيل هكا وعمري لا جبدت ولادي عليهم الله يسهل عليهم لكن انا موليتش ندور بيهم
يعطيك الصحة مريومة.أنا عيد الأضحى أصبحت بناتي تكرهه.عندنا 3سنين عروستي تفتعل لنا المشاكل لأن أهلها في ولاية أخرى و تتمنى أن تقضي العيد معهم.مع العلم أنها تسكن وحدها و زوجها هو ابني الوحيد و في كل مرة أنا العجوزة أسكت عن حقي حتى لا ينقلب العيد إلى حرب.الله يهدي بناتنا و يحنن قلوبهم علينا و أنا مطمئنة لأن الله يمهل و لا يهمل و كما تدين تدان.عندي 5شهور ما دخلتش دار ابني و حتى أنني مرضت بعد العيد و لم ترفع عروستي السماعة للسؤال عليا.
ربي يهدها حاولي متفكريش فيها خلاص وابنك هو لي يجيك لدارك هو لي يجيك يا أمي وانت بقدرك مش انت في تروحيلو وتحوسي عليه هذه باه تبعدي على القلق ومتوتريش روحك
نصيحة يا بنات الى كان ما قادريش تغيري الواقع املا شوفي وسكتي وديري بروحك ما شفتبش ما فيها لا القلب لحمة ولا عظمة اذن قوي روحك و بدلي من نفسك هو بروحه يبقى يخاف اذن اسكتي و ما تزيديش تجبدي له على هاذ البنت و ديري بروحك نسيتيها وخليه يزيد يخطا ويخطا ويخطا حتى يحس انه ما عندهش قيمة عندك اذن راح يعرف ان الخيانة ليست وسيلة ضغط و اهانة وراح يبحث على نقطة ضعف اخرى فيك ورا ح يضغط عليك بيه اذن بيني له انه وزير المالية فقط 😂😂😂😂 يصرف و برك و حياتك ليك
بلاك هي لي تكره عجوزتها ماشي العكس نشفى على أمي الله يرحمها وينعمها كانت دايما مريضة هكذاك ومرت خويا مارحمتهاش تردلها الكلمة بعشرة وتحرش راجلها على يماه حتى لحق هز يدو عليها في مرة من المرات 😢
لحكاية لولا والله تقول راكي تحكي في قصتي انا بعد كي زوجت نهار ليلتي لولا بايت تيليفون يصوني وهو يقولي صحابي نهار لول قالي بلي اسمك يتخلطلي وسماني على اسمها انا قلت صح من بعد كتاشفت بلي راهو مزال مع صحبتو لقديمة لي كان حاب يتزوج بيها وباباه رفضها بحكم هي كثرمنو شحال بكيت شحال سوفريت صبرت قلت بلاك كي نجيب لولاد ينساها وبلفعل نهار زادت عندي بنتي بدا يسقم وانا نضغط فيه ما نخليهش براحتو حكيت مع ختو مزوجة هدرو معاه بعد ربع سنين باش بدل رقم لهاتف وتهنيت منها واكيد بالدعاء لربي سبحانو ليوم عندي عشر سنين وعندي ثلث بنات الله يبارك الحمدلله بصح وش نوصيك بلاك تسكتيلو على لخيانة ما تسكتيش حطيه تحت لامر لواقع قوليلو يا انا يا هي
القصة الأولى ماذنب ابنتك ترمي عليها غضبك ؟ اللي تغضبي منه هو زوجك الخائن والحل هو تجاهله وانت تقيمي روحك ماشي الغير الخيانة صعبة وغليك عدم التسامح وهذا حرام ولازم يفهم مراكش قابلة لانه من خلال مافهمت بينتيلو بلي راكي مسمحتلو ؟ ورب يفرج كثري الدعاء وحسبنا الله ونعم الوكيل في كل خائن
الله يشفي الطفل المريض ان شاء الله اما صاحبة القصة الاخيرة ننصحك تراجعي تصرفاتك لانك تباني مغرورة ومتغطرسة نوعا مااا من الاحسن تعطي اولوية لناسك وتربحي الملاحة وتحكمي فمك من الهدرة على عجوزتك بهذا الاسلوب فعجوزتك عندها الحق تخاف عليك وعلى دار ولدها لانك ما تعرفيش الصحوبية اللي راكي تربحي العيب العيب مع عجوزتك على جالهم واشش يقدرو يديرولك ؟؟؟!!او وين يقدرو يوصلوووك ؟؟؟!!!اذن ما تلعبيهاااش مطورة وتبقاي تخشني في راسك واحمدي ربي على النعم اللي اعطاك الله قبل فوات الاوان وربي يهنيكم ويصلح ذاات بينكم بنيتي ..
