صاحبة القصة الأخيرة ننصحك بالابتعاد قبل ما طيح الفاس في الراس وما دامك على باب رب.اسمحيلي هذا راهو الرخس واكثر منو بكثير البعد ولا القرب. نبقى عزباء طول حياتي ولا زواج من هكذا رجل.
بالنسبة للمخدرات راهي دمار للإنسان بكل المقاييس ربي يثبتك على هذي الإرادة وربي يزيدك قوة وربي يعينك كل ما تجيك فكرة ترجع تفكر كيفاش كنت تسوفري وواين رايح توصل وربي يوفقك
ربي يخليك مريومة ويقضي ربي ما في قلبك وان شاءالله ربي يكون مع كل إنسان مضرور وربي يجازيك على كل مجهوداتك والانسان لي تاب ان شاءالله يا رب يكملو ويثبتو على توبة يا رب 🤲
اللهم صلي وسلم وبارك على سيدنا وحبيبنا ونبينا محمد صلى الله عليه وسلم وعلى آله وصحبه أجمعين ٠ادعو معيا ربي يفرج عليا ويجبر خاطري عاجلا غير اجلا أمين يارب العالمين
القصة الاخيرة بطلي بدون نقاش وربي يجيبلك احسن منو واذا كملتي معاه انتضري كل حاجة ماهيش مليحة وراح تندمي ندامة عمرك والقصص كيما هاذي رانا كل يوم نسمعو فيهم
القصة الثالثة منريدش نهدر وراء نصيحة مويومة عندها الحق الراجل ينعت الصورة الجميلة في الخطوبة ونبعد الزواج تلقائي المفاجاة مابالك هاذه الصورة قبل الزواج وما خفى اعظم
سلام عليكم نصيحة لصاحبة القصة الثانية ديري بواش ڤاتلك مريم نحط يدي على المصحف يا هذا الراجل غير رايحة تعيشي معاه ميزيرية كحلى تولي تشتاقي خبز في كرشك ....وصلت بيه وين دراهمك و دهملك و مزلتي تخمي في واش رايحة ديري ....انا نڨولك اهربي و متشوفيش وراك خلاص ...
صاحبة القصة الاخيرة ، غير بعدي عليه و قولي ما بعدتش ، والله زوجت من نفس الصنف تاع خطيبك ، راقد بالنوم والله ماعلابالو الا طابت ولا تحرقت ، جبت معاه طفل وهو ما بدل من طبايعو حتان جبتلو خويا هدر معاه ، قالو يا تنوض تخدم على مرتك وبنك ، يا كل واحد يروح في طريق ، وباه ناض وخدم و كل يوم يهدد فيا يبطل لخدمة ، قتلو انت بطل الخدمة وانا نرفع عليك قضية خلع . والله و رجع الزمان للوراء ما نديه ومانزوج بيه . انا خدامة و بداري و بطموبيلي و هو ضال مقابل التلفزيون يتفرج في الافلام المصرية و كي يكره يحل الفيسبوك وانا ضالة هاملة برا . ديري من رايي ختي و ماتخليش روحك توصلي لحالتي و ربي يرزقك ماخير
يا اختي الحكاية الاخيرة هذا ماشي رجل من ضرك متعبك كيفاش كي تتزوجي معاه واش يديرلك ولله لا رجل الى درلك في دارو يديرك تحت رجلو بطلي ولله تتزوجي معاه تندمي ندامة حياتك مدمك عازبة مدامك في دار باباك
السلام عليكم مريومة .حبيتك تحكي ككايتي معرفتها تضحك ولا تبكي.انا الحق غاضتني بزاااف.انا عندي عجوزتي تكرهني متصدقيش قد ماش.لاه والله معلبالي ملي جيت عندها محبتنيش ملقيت مندرلها والله ياو نبات نحكي عليها متخلاصش حكايتها المهم انا قاسما عليها وفي العيد ديتلها الراس تاع لخروف تخبيهلي مالا طلبتني زوجة صديق زوجي في اللسان باه دير هذيك تاع سبع لسنات لميزربوش يهدرو المهم تكوني تعرفيها.رحت ليها قلتلها اعطيني الراس نحي منو اللسان والراس احكميه طيبيه انا معندي حاجة فيه.تخيلي واش قاتلي صحبتك هاذي متحتاجش الوذنين ثاني زيدي عطيهملها انا تصدقي والله الضربة اللولة كي قاتلي مفهمتش حتال لمبعد وزادت عاودتها قلتلها لاه هي مذبحتش حتان نعطيها الوذنين😂😂😂 قاتلي بلاك تشتيهم اعطيهملها عجوزتي انا!!! متشتيني نصاحب حتى وحدة.ما تحب حتى واحد يدخل لداري ولا يشايخ معايا انصحيني واش ندير مع شيبة النار لعندي حتى وقاسما عليها ومتحبنيش لا الاه إلا الله محمد رسول الله
حاولي باي طريقة يالوكان تبيعي حاجة تاع ذهب اذا عندك واخدمي سنانك وكبري قلبك وشوفي للناس لي راهي تعاني من أمراض مستعصية وراهم في معاناة كبيرة نسأل لهم لله الشفاء واما ناس دارك قوليلهم وكيلكم ربي وقادر ربي يبليهم بامراض خبيثة لا شفاء لها امالا ياختي او يابنتي نقلك عيشي حياتك واخلقي سعادتك بابسط الاشياء وربي يفرج عليك
صاحبة القصة الاخيرة اياك اياك تعقدي هذا لو كان تعقدي يقلع لك سنيك من فمك و ما يطلقكش اياك اياك مزية فقتي بيه انا بنتي راها تسوفري مع واحد كما هذا الله غالب باباها قالي ما كانش الطلاق تصبر وخلاص نسيت نقولك هذا ما يتبدلش ما يتبدلش ما يتبدلش