سلام عليكم . يا خويا نقولك زوج كلمات و نشالله تفهمني مليح : (1) : بارك الله فيك عالمعلومة لي قدمتها . (2) : يا أيها الذين آمنوا لا تفسدوا صدقاتكم بالمنّ و الأذى . صدق الله العظيم
لكن سامحني الزيت يتغير حسب المناخ مثلا هل تقدر دير زيت 5 -30 في السعودية والا في ورقلة؟؟؟ مستحيل نوعية الزيت الباهية مثلا شال موبيل كاسترول توتال الاصلي متعدد الدرجات
سلام .مادابيك تقولنا وش من آربراكام لي راه تحت (في في تي)؟ إشابمو و لا أدميسيو؟ ثانيا : علاش (في في تي) ميتحكمش في 2أربراكام؟ دايرينو لواحد برك .؟ شكرا بارك الله فيك و نورلك وجهك و حياتك آمين
السلام عليكم خويا. الأربراكام لي يأثر فيه في في تي هو تاع الأدميسيو برك. باش تفهم علاه لازم تفهم علاه دارو نظام في في تي أصلا. هوما داروه لعدة أسباب من بينها باه ينقصو من الاستهلاك تاع ليسونس كي تولي تمشي بالعقل ولا حابس (رالونتي). مالا لاربراكام تاع لادميسيو يولي يفتح لي سوباب تاع لادميسيو شويا برك وما يطولوش وهوما مفتوحين. مالا ما يدخلش ياسر الهوا وليسونس وينقص الاستهلاك والصوت تاع الموتور. سبب وحداخر هو باه يزيدو فالقوة تاع الموتور. كي تحب تاكسيليري مليح باه تدوبلي مثلا يولي لاربراكام يفتح لي سوباب تاع لادميسيو مليح ولمدة أطول وهوما مفتوحين باه يدخل الهوا وليسونس أكثر وتزيد القوة تاع الموتور. هاذا هو مبدأ عمل في في تي ولا يسموه في تي إي في بيجو و سيتروان ويسموه في تاك في هوندا...الاسم يختلف برك بصح مبدأ العمل كيف كيف. في بعض السيارات الرياضية لي فيها موتور إيسونس تيربو كيما مثلا قولف جي تي إي لاربراكام تاع ليشابمو ثاني ذكي ويتأقلم كيماهاك. بصح هاذاك السيستام يسموه في في إيل مش في في تي. والله أعلم
السلام عليكم اخي من فضلك شكون العلامة تاع Kit chaine volex c 30 لانه حوست في لاميزون مالقيتش لخطراش كي نمشي نسمع التسلسيل وقالولي بدلهم في زوج Kit chaine + débrayable
ياحسراه على معلومة نتيعك لي تعاير بها وشحال ناس مدوها قبلك بلا ما يزوخو اما انتم اغلبكم ناس تبعو فيديوهات اسيادكم ثم تقلدون ويا ليت قلدتم فقط بل زدتم كلام زائد وجارح وقاتل في نفس وقت
