عشان تهزمي النرجسي لازم تستخدمي نفس اسلوبه في التلاعب 

رقم حجز الاستشارات والكورسات : ٠٠٢٠١١٥٠٥٨٦٠٥٢
استخدمي نفس اساليبه في التلاعب بيه
النرجسي لما بيدخل معاكي في مناقشة في أي موضوع مهم يخصك او يخص اولادك يعني لما يكون موضوع النقاش مهم ومحتاجين تاخدوا فيه قرار والنرجسي مش عايز يلتزم معاكي بحاجة او عايزك تاخدي القرار بنفسك عشان لما يحصل أي خساير يرمي عليكي لوحدك المسئولية ،او لو القرار أصلا حيتبعه دفع فلوسوهو عايز يلبسك انتي في الدفع ،المهم ان النرجسي لما بيحب يهرب من مناقشة موضوع مهم بيعمل ايه ؟ بيعمل حاجة اسمها التشتيت ، ايه التشتيت دة ، بيبدأ يغير الموضوع ويلف الكلام ويروح اخر بلاد المسلمين ويتكلم في حرب أوكرانيا وفي ارتفاع سعر الدولار والبترول غلي والامريكان مش لاقيين ياكلوا ويدخل في مواضيع ملهاش أي علاقة في المناقشة اللي انتي بتتكلمي فيها وبالتالي بيهرب من المسئولية
طيب انتي بقى حتعملي معاه نفس الكلام بس بحق يعني هو بيعمله بدون وجه حق عشان يستغلك او يتهرب من مسئولياته ،انما انتي حتعمليه بحق لما يكون بيطلب منك تلتزمي بحاجة مش من مسئولياتك او انك تشيلي أصلا مسئولياته هو ،فانتي لما تلاقي الدنيا ماشية في الاتجاه دة حتستخدمي نفس أسلوب التلاعب حتعملي له تشتيت ، يعني مثلا عايزين ندفع مصاريف المدارس وهو بيقول لك انه مزنوق ومش حيقدر يدفع فانتي ماتاخديش دور المنقذ وتقولي حدفع انا لا تغيري الموضوع فورا اللي هو انت مسألتش عن مامتك بقالك كام يوم خد بالك لازم تكلمها النهاردة اصلها سألت عليك لما كلمتها امبارح وكانت عندها ابن اختك وقال كذا وكلمت ماما وقالت لي على موضوع الالصدقة الجارية اللي عايزة تعملها لجدتي وايه رأيك نعمل لنفسنا احنا كمان صدقة جارية انا حبدأ احوش عشان الموضوع دة اصلي فعلا فلوسي خلصت ، انتي كدة اخدتيه في مواضيع بعيدة تماما عن اللي هو عايز يتكلم فيه وفي نفس الوقت وصلتي له رسالة فيها رد على طلبه من غير ماترفضي بشكل مباشر زي ماهو ماطلبش بشكل مباشر
طيب لو هو بجح بقى وبيطلب بشكل مباشر انك تشيلي مصاريف المدارس او أي مسئوليات بتاعته المفروض يكون ردك بنفس مستوى صراحته مش حقول ببجاحته ،يعني هو مش مكسوف يقول عن نفسه مش راجل وانتي حتقولي له لا ماتقولش على نفسك كدة ، لا النرجسي أصلا مش منطقي وتفكيره مش منطقي وطالما هو شايف انه عادي يطلب منك تصرفي عليه يبقي برضه حيكون شايف انه عادي انك تهزأيه وصدقيني ماتخافيش النرجسي المسيطر اللي مش بيقبل التهزيء عمره مايطلب منك فلوس بشكل مباشر ابدا دة بيكون خبيث وبيخليكي انتي اللي تطلبي منه انك تدفعي بداله انما البجح او الظاهر دة اللي بيطلب بمنتهى البجاحة لاتترددي في انك توضحي له الامر بما يرضي الله مش حتهزأيه يعني تشتميه او تغلطي لا طبعا انتي بس حتفهميه الفرق بين الست والراجل في المسئوليات وفي الدين وفي القوامة وتشرحي له اية القوامة اللي هو مش حافظ غير نصها من القرآن اللي هو الرجال قوامون على النساء وعمره ما شاف نصها التاني اللي هو بما انفقوا ، فهميه ان يوم مايطلب منك تصرفي عليه وعلى أولاده بالعافية فهو بيفقد قوامته اللي ربنا اداها له فانتي لما تسكتي في موضوع وتدفعي ماتلوميش غير نفسك . الا اذا هو مش قادر فعلا ولا بيمر بضائقة مالية ولا عاجز في الحالة دي انتي مسئولة عن اولادك من بعده واكيد انتي مش حتوصليه انه يطلب منك تدفعي