علاج مرارة الزيتون بعد مده التخليل،نعالجه إزاي والدليل بشهاده اللى جرب 

ربنا يبارك في عمرك ويحفظك يارب العالمين 💐💐💐

اللهم صلي وسلم وبارك عليه وعلى آله وصحبه اجمعين امين يارب

💐💐💐💐💐💖💖💖💖🤗🤗🤗🤗🤗🤗🤗🤗🤗🤗🤗🤗🤗🤗🤗

السلام عليكم 🤗 بصي يا قمر 🤗 لوالزيتون تفاحي يبقى أسبوع ولو عزيزي يبقى شهر بأذن الله

السلام عليكم 🤗 بصي يا قمر غيري المايه تكون عدبه بس مش كل يوم خليها كل ثلاثة أيام ولمدة ١٥يوم ،،،،بس ده لو كان فيه نسبة ملح بمعنى أنه يكون كنتي مخللاه من الأول

السلام عليكم 🤗 بصي يا قمر 🤗 هو كده أكيد عزيزي لأن العزيزي هو اللى المراره بتاعته عاليه وكمان الليمون فيه مراره وسبب تجليد الليمون هو المراره المركزه ،،،،حقولك على المعالجه الأول وبعدين حقولك على نسبة محلول الملح وباقي المكونات بالظبط 👌قدامك طريقتين وقبل أي حاجه لازم حتستخرجي الليمون الأول لأنه طالاما جلد يبقى مش حيحلو مع الزيتون أبدا (وعلى فكره احب أعرف إذا كان الليمون من الأثاث أخضر ولا أصفر) علشان ابعت ااقولك حتخليليه لوحده وتعالجيه وتستفادي منه إزاي ،،،المهم نرجع للزيتون أول حل وده بعد استخراج الليمون طبعاً هو أنك أولا تكبي المايه منه وتسيبي باقي المكونات كلها زي ما هي كأنك بتصفيه وتحطي مايه جديده عباره عن كوبيتين خل مركز وكوب عصير ليمون معصور مش مغلي وتحطي معلقتين كبار ملح ممسوحين في كل كوباية مايه للبرطمان يعني لو البرطمان اخد خمس كوبيات مايه كبيره تحطي عليهم عشر معالق ملح ممسوحين والخل طبعاً وعصير الليمون ومعلقتين كبار شطه المكونات دي مع بعض مع المايه الجديدة حتساعد حبه في إزالة المراره ،،،،وده تسبيه شهر كامل ما تفتحيش عليه ،،وبعد شهر لو هو عزيزي بلدي حيكون بقى تمام 👍 وزي العسل حتى لو لقينا فيه سنه بسيطه جدا جدا من المراره وده وارد ساعتها حتعالجيها بأنك تفضي كوباية مايه من المايه بتاعته وتبدليها بكوب عصير ليمون معصور وتحطي فيها معلقة ملح او لأ حسب طعم الملح بتاعه يعني لو ملحه مظبوط حتحطي معلقه كبيره ممسوحه في كوب عصير ليمون ولو مالح يبقى الليمون بدون ملح ،،،اما لو فتحتي عليه ولقيتي المراره عاليه يبقى ده عزيزي عجيزي وده بيبقى رخم شويه هنا للأسف الشديد حتعيدي نفس العمليه كلها وهي انك تكبي المايه وتغيريها تاني لأنك بتزيلي المراره بتغيير المايه المره وبتحطي مايه جديده بنفس المقادير تاني ،،، بس المره دي ما تقلقيش بعد شهر بأذن الله فعلاً حيبقى زي العسل ،،،،بصي أنا بقولك كل معلومه بدقه وشرح لأني زي ما قلت في الفيديو دي خبرة وتجارب ١٥سنه علشان كل ده عدى عليا وجربت كل الطرق اللى تتخيليها واللى ما تتخيلهاش 😭و علشان ما حدش يدوخ الدوخه دي كلها منزله فيديوهات كتييييييير جدا عن التخليل من البدايه بدون مراره إزاي ،،طولت عليكي حكتبلك الطريقه التانيه في المعالجه في رد تاني علشان ده طول أوي مني 😂

الطريقه الثانيه أنك وهي أنك بعد ما تكبي المايه تشيلي كل حاجه مع الزيتون الجزر والفلفل ولو الفلفل كتير هو الجزر الفلفل ترنشات يعني ينفع يتاكل مش مفروم يبقى ما ترمهوش هنا حطيه في برطمان أو علبه صغيره بس بمايه جديده كل كوبايه مايه عدبه عليها معلقه كبيره ممسوحه ملح فقط وربع كوب خل،، بدون مخلل الليمون الليمون ده لوحده حاجه تانيه ،،، المهم الخلطه دي المايه الجديده دي حتشيل منه كأنها بتغسله من المراره اللى شربها مع الزيتون ودي تكلي منها تاني يوم ده بالنسبه للخلطه بتاعتنا الجزر والفلفل ،،،، أما الزيتون المخلل بتاعنا حتغيري المايه العدبه عليه لمدة ثلاث أيام يعني حترجيعيه البرطمان وتحطي مايه جديده عدبه من الحنفيه وتغيري عليه المايه كل يوم ولمدة ثلاث أيام وبعدين تخليليه كأنك بتخليليه لأول مرة بس بدون خلطه كل كوبايه كبيره من المايه عليها معلقتين كبار ملح هرميين الاختلاف هنا لأننا كنا ناقعينه في مايه عدبه ف المايه العدبه سحبت منه الملح بالقليل من المراره ،،،،وكوبايتين خل مركز وكوبيتين عصير ليمون معصور ده بالنسبه للكميه كلها والشطه زي ما أنتي عايزه ومعلقتين زيت على الوش وتغطي البرطمان كويس بالطريقه اللى قلتها بالفيديو وتشيليه وبعد شهر أن شاء الله يبقى حلو وبالهنا مقدما 🤗،،، ملحوظه لو أنتي حاسه أن المراره عاليه قوي دلوقتي يبقى ده عزيزي عجيزي ،،،وهنا برضوا في الطريقه دي الاحسن أنك بعد ما تغيري المايه العدبه ثلاث أيام تخليليه عادي بماء وملح فقط الكوبايه عليها معلقتين كبار ملح فقط وتسبيه اسبوعين وبعد كده حتغيري المايه العدبه تاني بس لمده يومين وتخليليه هنا بقى بالمكونات كلها زي ما قلنا عليها ،،،انا بقولك كل الإحتمالات وكل الطرق الصح 💯×💯 بما يرضي الله والله الموفق وربنا يحسن ما بين ايديكي ،،،، أرجو منك بس انك تردي عليا بأن الكلام ده كله وصلك بس علشان تعبت قوي في الكتابه 🤕وحزعل أوي لو كل ده ما وصلش 🤗💐

نفس اللى انا عملته نفس القصه فيه مرارة

@@monamohamed6080 السلام عليكم 🤗 بصي ياقمر حضرتك اعملي نفس الكلام اللي قلته ليها في الرد على تعليقها لو أنتي نفس المشكله ،،

​​@@omkemoلو سمحتى انا نفس المشكله وفتحت بعد 15يوم تخليل وطلع مر جدا بس الزيتونه مستويه هو مش تفاحى كدا لازم انتظر شهر واغير مايته ولا اغيرها من دلوقتى ؟ وشكرا جدا لحضرتك على المعلومات ❤

وعليكم السلام ورحمه الله وبركاته 🤗 ممكن بس بعد أذنك توضيح السؤال يعني إيه تتسلك

@@omkemo صارت ألمي لما تشيليها تساوي خيط متل الملوخية ..أنا سالتك وحضرتلك فيديو ورحت سويت نفس الطريقة وماشاء الله ولادي يأكلون منو مابيشبعو ..الله يوفقك ويعطيك العافية وشكرا الك كتير كتير

@@user-my3tv6uf8j بارك الله فيك وجزاك الله خيرا على امانتك واهتمامك وردك الطيب بالنتيجه شكرا لك أما بالنسبة المايه بتاعته لما بتكون تقيله وممخطه زي ما وصفتي بيكون لسببين الأول الملح قليل لو أنتي متاكده من ظبطه الملح وطعمه حلو يبقي السبب التاني وده بيكون انه دخله هوا ونشا فيه بكتيريا في الحالتين لازم تغيري المايه بتاعته كلها وتحطي مايه جديده بماء وملح فقط من غير أي إضافات وطبعا تظبطي الملح بس كده وتحت امرك في اي استفسار او سؤال في أي وقت 🤗

السلام عليكم 🤗 أولا بعتذر على التأخير في الرد الشبكه كانت قاطعه بقالها أسبوع ،،،، المهم بالنسبة بعد ما نكب المايه وتنقعيه في مايه صافيه بدون اضافات لمدة ثلاثة أيام وبعد ذلك يتم تخليليه ،،، تحت امرك في اي توضيح 🤗

عاشت عيونك وذوقك الراقي 🤗💖

السلام عليكم 🤗 بصي يا قمر حنعمل نفس الكلام

السلام عليكم 🤗 بصي يا قمر ممكن حد يساعدك أو عصاره كهربا اويدوي أو لو مافيش متوفر أي حاجه مما سبق يبقى اتبعي الآتي شقي الليمونه وخدي كل نص وهاتي أيد المعلقه ودخليها جوا الليمون حتضغطي بسهوله حتنزل معاكي بسرعه بضغط مجهود ااقل وممكن حرف السكينه بس تخلي بالك ربنا يشفيكي ويعفي عنك أمين يارب

السلام عليكم 🤗 ده طبيعي وما تقلقيش مع التخليل والمايه الجديدة بالخل وعصير الليمون حيفتح تاني بأذن الله

السلام عليكم 🤗 ارجو المعذره وعن التأخير بالرد بسبب والشبكة المهم وأنه الزيتون ويتهري بعد عشر ايام يبقى الملح قليل وهو لو ناعم وطري يبقى لازم حنكب والمايه وحتنقيه من الخلطه وعلشان تنقي منه الزيتون الطري قوي البايظ وترميه والمتماسك ومنه حتخليليه بماء وملح جديد تظبطي الملح وبعد أسبوع تبداي ةتشوفيه أما بالنسبة للخلطه تحطيها في علبه بمايه وملح جديد وبعد يومين ةتكليها ولوحدها وعادي معلش ةالتاتش عندي شكله باظ فالحروف مش مظبوطه عذبتني في ةالكتابه

السلام عليكم 🤗 بصي يا قمر اعملي الطريقه دي وحتدعيلي بأمر الله لو المراره ثابته أو شديدة أول خطوه كبي المايه بتاعته القديمه وحطي مايه جديده بماء وملح فقط وتكتري الملح بمقدار كل كوب ماء كبير عليه معلقتين كبار ملح وبعدين تقفليه وتسبيه أسبوع وبعدها تكبي المايه وتدوقيه حتلاقي لسه المراره وملحه زياده هنا بقى حتغيري عليه مايه عدبه فقط وتسبيه لمدة ثلاثة أيام تغيري المايه عليه يومياً وبعد الثلاث ايام تدوقيه حتلاقي اختلاف جداً ود لأن إحنا بنذود الملح علشان لما نسحبه بالمايه العدبه بيسحب المراره معاه ولو بعد الثلاثة أيام مايه عدبه لقتيه مالح أوي سبيه كمان يومين مايه عدبه وبعدين آخر خطوه تخليليه كأنك بتخليليه لأول مره وتظبطي الملح كويس حسب تذوقك للزيتونه وتحطي فلفل اخضر اوشطه حسب الرغبه وتكلي منه بعد ثلاثة أيام لأسبوع بالهنا والشفا وتحت امرك في اي استفسار ولما يحلو معاكي بأمر الله ما تنسيش تدعيلي 🤗💐

@@omkemo شكرا اختي جزاك الله خير

السلام عليكم 🤗 بصي يا قمر لوابيض وفيه حبات طريه يبقى من الملح مش مظبوط الزيتون بيخدملح اكتر من أي مخلل تاني

السلام عليكم 🤗 بصي انتي بتحضي كميه بسيطه لوكمية الزيتون صغيره وكمان أنتي اللى بتشوفي الزيتون بتاعك لو مر ومتماسك بتحطي الخل عادي وماتقلقيش لكن لو مر وطري بتستغني عن الخل

السلام عليكم 🤗 بصي يا قمر صح كده للاخر وايوه في الآخر خطوه حتحطي خل وعصير ليمون كما موضح في الفيديو

السلام عليكم 🤗 بصي يا قمر تغيير لون الزيتون وريحته وقوامه يبقى طري كله بسبب عدم ظبط الملح

تسلم يارب ❤

كان مع الزيتون ولا كان لوحده قوليلي علشان ااقولك تعالجيه إزاي 🤗

ونوع الليمون أخضر ولا ليمون اصفر

​@@omkemo الليمون وحده

@@marwagamal3183 ارجو توضيح السؤال

@@marwagamal3183 ارجو توضيح السؤال

السلام عليكم 🤗 يعني حضرتك كنتي مخللاه بس ومن غير خل وبعد مدة التخليل استوي بس فيه مراره بسيطه ،صح كده لو ده اللى أنتي تقصديه ،، يبقى حتكبي المايه وتغيريها بماء جديد والملح بنسبة كل كوب ماء كبير عليه معلقه كبيره ممسوحه ملح ،،تحطي على كل البرطمان نص كوب خل ونص كوب عصير ليمون معصور وتغطيه باسترتش بلاستيك كويس واقفلي البرطمان وتسبيه لمدة اسبوعين وبعد كده حتلاقيه طعمه احلى بدون مراره بأذن الله تعالى

لو مش ده اللى أنتي تقصديه اللى أنا رديت عليه،، أرجو توضيح السؤال ،،وتحت أمرك في أي استفسار 🤗

@@omkemo لا دي صح شكرا حبيبتي 🥰

@@user-is6dw2ri2h تحت امرك في اي استفسار 🤗

السلام عليكم 🤗 توضيح بس يعني حضرتك بتقولي أن الزيتون خلاص احلو والجزر هو اللى مر ؟وايه هو البسباس ده معلش

@@omkemoالبسباس هو معجون الشطة الحمراء) بكون مش ناعم خالص مهروس

@@magdaburei9222 السلام عليكم إحنا الشطه الحمراء الفلفل الاحمر الحار البيتي بنقول عليه هريسة الشطة بالبلدي كده🤗فتكون ناعمه أو مهروسه مش حتفرق ويتكون حسب الرغبه

اللهم صلي وسلم وبارك على سيدنا محمد وعلى آله وصحبه اجمعين