أسعد الله أوقاتك بالخير والمسرات ابو خالد .. أحس ما فعلت انك لبست الأرضية خاصة وانت هاوي طلعات البر والجامات مفتوحة علشان تستمتع وتنطرب بصوت الفتك وجؤ البر من نسمات وتطاير الرمل ،فعلا الواحد لما يحب الكشته والمغامرات البرية لازم يستمتع بكل الأجواء من حوله والا مافية داعي يعذب عمره ويطلع ويشتري موتر ويجهزة عالافاضي ،كذلك عدم تلبيس كراسي الوكالة فكرة طيبة..يا اخي أستمتع بسيارتك انت دافع فيها آلاف الدراهم أو الريالات وفي الاخر تلبسها علشان غيرك .. الله يوفقك ويبارك لك في موترك وحلالك ويسعدك ربي.. تحياتي لك 👏👍
صح كلامك والواحد اكيد لازم يتهنى بسيارته دام صرف عليها فهو صرف لهدف معين اما انك تخاف عليها وتحبيها وبس تقعد تتفرج عليها هنا بتكون الخساره وبكرا ايرك بيتهنى فيها
الله يهنيك اخي العزيز ابو خالد والله انك مخلص ووفي ومحب لهوايتك وسيارتك . تبحث عن الاداء العالي والسلامة لك ولسياره والمتانه او التحمل القوي. أسعدك الله فيما تحب وجنبك كل مكروه
احسنت.. والله مثلي مثلك.. اول ما ادخل البر افتح الجامات الامامية، رؤية افضل وتفاعل مع الاصوات والطبيعة ، من غير مكيف، لأنه المكيف ياخذ من العزم ٢٠% وضغط على المكينة.
اللتزم برقم الزيت اللي مكتوب على الغطاء الخارجي لخزان زيت البريك اللي فسيارتك اذا ماخاب ظني DOT 3 اما النوع فعادي تقدر تركب اي شركه بس تكون افضل من الشركات المعروفه الزينه
هلا وغلا ابو خالد انا استمتعت واستفدت منك كثير في متابعه مقاطعك لانها باب مهم بتعديل السيارات للبرو تعديلات السيارة كانت مفيدة وتظهر اثارها بالسيارة ومن خبرتك بالترهيم ابي كراج مختص ترهيم البر ولك جزيل الاحترام انا من السعودية الرياض واملك هايلكس 2017 دبل ابي اعدل المحرك تيربوا وابي اركب lsd قفل للكارونة اما مي وخلفي وجنبينات لو امكن تقترح ورشات باشارقة او غيرها لان بالسعودية الاسعار نار لك الدعاء سعود
يامرحبا وتشرفنا بمشاركتك لوتبا ارسلي على الخاص في انستقرام وبدلك على ريال هو معدل مكينه سيارتي والكارونات بس ممكن سعره مش رخيص او يمكن رخيص لك ماعرف بس انا اتعامل معاه لانه قطعه اللي يستخدمها كلها اصليه مش صينيه وجودتها عاليه… خاصه للبر مهم جدا القطع تكون جوده عاليه عشان تتحمل السياره لانك تطلع عينها
