مش هتكلم كتير عن ADHD فرط الحركة و تشتت الإنتباه الا اني عايز ألفت نظر حضراتكم لان المرض دا مبالغ في تشخيصه يعني ولاد كتيرة اوي و دايما تيجي لنا من المدارس " اصل ابنكم عنده فرط حركة روحوا عالجوه "
ف يجو لنا الولاد و نعملهم الاختبارات و يطلعوا معقولين في ال range الطبيعي يعني مبالغ فيه
يعني خليني اقول لحضراتكم عدد قليل اوي من مجموع الأهالي و المدرسين اللي ب يظنوا ان ولادهم عندهم ADHD هو اللي فعلا بيبقى فرط حركة و تشتت انتباه او فرط حركة بس او تشتت انتباه بس
و الدرجات العالية منه - يستحيل ان الطفل يقدر ينتبه لمادة علمية اوي ، يقعد يسمع منك موضوع و لا بتاع - دوول اللي بنضطر ندخل أدوية قوية شوية ليهم
الاقل منهم شوية بندخل أدوية اخف شوية
الاقل - الدرجات البسيطة - بيعملوا بس جلسات تعديل سلوك و جلسات علاج سلوكي معرفي
الاهم من دا و دا اللي عايز اقوله انهاردة
انه الدرجات البسيطة دي الولاد مشكلتهم انهم ما بيعرفوش ينتبهوا الا لحاجة بيحبوها - يعني اللي مش جاي على كيفه يطنشه
ف عايز اقول بس نصيحة للأهالي اللي عندهم ولادهم او بنات من النوع ده
اللي عندهم شوية حركة زيادة - ولادكوا لمل بيحبوا حاجة بينتبهوا ليها جدا و بيستوعبوها بشدة و بيبحثوا وراء تفاصيل مواضيعها بشطارة
حاولوا تعرفوا ولادكوا بيحبوا ايه دي نمرة واحد و نمرو اتنين حاولوا تحببوهم في الحاجات الصحيحة عشان لو حبوها هيشبطوا فيها و ينجحوا و يتفوقوا فيها
و اخيرا عايز اقول لحضراتكم ان كتير اوي من الناس النوابغ بالذات في الفنون(في عالم الفن) عندهم حاجة اسمها Adult ADHD يعني عندهم فرط حركة و تشتت في الانتباه بتاع كبار- البالغين- و معظمهم طبعا كانوا متشخصين و هما صغيرين ف مش شرط ابداً اما اقول ان في ولد او بنت ADHD الأهالي يتقهروا و نقول مافيش فايده و ولادنا ضاعوا مننا و نلف بيهم الدنيا عشان نشوف ليهم علاج
الموضوع ابسط من كدة بشوية كتير
اعرفوا ولادكوا بيحبوا ايه و حببوهم في الحاجات الصحيحة و ان شاء الله تفرحوا بيهم و يبقوا احسن ولاد في الدنيا
#mentalhealth #mentalhealthawareness #fear #adhd #children #kids
#فرط_الحركة_وتشتت_الانتباه #فرط_الحركة #تشتت_الانتباه #اولادنا #المدرسة
27 фев 2023
