فوائد السمسم انه من افضل المصادر الطبيعيه للكالسيوم غير محتواه العالي بالالياف والفيتامينات والمعادن المهمه زي الحديد والمغنسيوم والزنك
في حلقة انهارده هنعرف مع بعض اهم ١٠ فوائد للسمسم وهنعرف الفرق بين السمسم الأبيض والسمسم الأسود وهنعرف كمان الطريقه الوحيده الصحيحه لتناول بذور السمسم علشان تستفيد بكل الخصائص العلاجيه الموجوده فيه
انا محمود جمال ودي حلقة جديده من برنامج وقايه
اول فايده من فوائد السمسم للجسم هي تقوية العظام والعلاج والوقايه من التهاب المفاصل وهشاشة العظام والسبب في ده راجع لمحتوى بذور السمسم العالي من الكالسيوم اللي بيساوي تقريبا ٧ أضعاف تركيز الكالسيوم الموجود في الالبان غير كمان وجود الزنك والمغنسيوم في بذور السمسم اللي ليهم دور مهم في تقوية العظام وكمان وجود ماده السسيسامين اللي لها دور فعال في المحافظه على صحة الغضاريف كل ده من فوائد السمسم للعظام
ثاني فايده من فوائد السمسم هي تحسين عمل الغده الدرقيه وده راجع لمحتوى السمسم من ماده السيلينيوم اللي لها دور مهم جدا في افراز هرمونات الغده الدرقيه وعلاج خمول الغده الدرقيه بالاضافه لوجود الزنك والحديد والنحاس اللي بيساعدوا في تحسين عمل الغده الدرقيه
الفايده الثالثه من فوائد السمسم هي السيطره على مستويات السكر في الدم بسبب محتوي السمسم العالي بالالياف اللي بتاخر من امتصاص السكر في الدم غير وجود المغنسيوم اللي له دور مهم في زيادة حساسية خلايا الجسم للانسولين وعلاج المشكله الرئيسيه اللي بيعاني منها مريض السكر وهي مشكله مقاومة الانسولين وده بيساعد في السيطره على مستويات السكر في الدم والمحافظه عليها في المعدلات الطبيعيه
الفايده الرابعه من فوائد السمسم هي تقوية المناعه
بيحتوي السمسم علي معدن الزنك اللي له دور فعال جدا في تقوية الجهاز المناعي ومحاربة العدوى غير الفوايد الثانيه الزنك زي زيادة الرغبه والقدره الجنسيه وعلاج قصر القامه وعلاج تساقط الشعر وتجديد وزيادة نضارة البشره
الفايده الخامسه من فوايد السمسم هي خفض مستويات الكوليسترول والدهون الثلاثيه في الدم وده راجع لاحتواء بذور السمسم على ٨٠ ٪ من محتواها دهون غير مشبعه وكمان وجود الألياف مضادات الاكسده ومواد الفيتوستيرول اللي بتقلل من تراكم الدهون والكوليسترول في الشرايين وبالتالي بيحمي من الاصابه بالسكتات القلبيه والدماغيه
الفايده السادسه من فوائد السمسم هي خفض ضغط الدم المرتفع بسبب احتواء السمسم على المغنسيوم اللي بيساعد في توسعه الشرايين
بسبب دور بذور السمسم في خفض مستويات الكوليسترول والدهون الثلاثيه ووجود مضادات الاكسده والالياف اللي بيساعدوا في خفض مستويات ضغط الدم
وده بيقلل من ضغط الدم المرتفع وبيحمي من مرض القلب وتصلب الشرايين
الفايده السابعه من فوائد السمسم علي الريق هي علاج مشاكل الجهاز الهضمي
وده راجع تأثير الألياف في تحسين عملية الهضم وعلاج الإمساك المزمن وعسر الهضم
الفايده الثامنه من فوائد السمسم للنساء هي علاج انيميا فقر الدم
وده بسبب احتواء بذور السمسم علي الحديد بتركيز عالي بيساعد في العلاج والوقايه من انيميا فقر الدم وكمان وجود فيتامين ب اللي بتساعد في علاج فقر الدم
الفايده التاسعه من فوائد السمسم للرجال هي العلاج والوقايه من التهاب وتضخم البروستاتا
وده بسبب دور الزنك الموجود في بذور السمسم اللي بيساعد في علاج مشاكل البروستاتا وله دور مهم جدا في زيادة القدرة الجنسيه عند الرجال وتحسين كفاءة وعدد الحيوانات المنويه
الفايده العاشره هي بناء العضلات وتحسين عملية الأيض وده لان السمسم يعتبر مصدر عالي بالبروتين اللي له دور مهم في بناء الكتله العضليه والعظام وتحسين عمليه النمو والأبيض الطبيعي
الفرق بين السمسم الأبيض والسمسم الأسود فرق بسيط في محتواهم فيعتبر النوعين فيهم نفس المعادن والفيتامينات والالياف ولكن كميه الدهون الموجوده في السمسم الأسود اقل من الموجوده في السمسم الأبيض
وبسبب وجود ماده الفايتك اسيد في بذور السمسم ودي ماده بتمتع امتصاص الفيتامينات والمعادن الموجوده في السمسم الطريقه الصحيحه الوحيده لتناول السمسم هي تناول البذور المحمصه لان عمليه تحميص بذور السمسم بتساعد في التخلص من مادة الفايتك اسيد وده بيخليك تستفيد بكل العناصر الموجوده في السمسم
كل الفوايد دي ممكن تحصل عليها بتناول من معلقه الي ٣ معالق من بذور السمسم المحمص يوميا سواء عن طريق بلعه او اضافته على الاكل الكميه دي بتعادل تقريبا من ٣٠ ل ٥٠ جرام يوميا
لكن في حالات قليله جدا ممكن يحصل تحسس من بذور السمسم وفي الحاله دي بيكون السمسم ممنوع تماما بجميع منتجاته
#فوائد_السمسم
#السمسم_للرجال
#التهاب_المفاصل
24 дек 2023
