هذا الفيديو يوضح كيفية #إرسال #أموال من حساب بريدي جاري إلى حساب بريدي آخر ، كما هو معروف ب كونت-آ-كونت عند عامة الشعب #versement compte-à-compte #compte_à_compte
أخي وحدة باش تبعتلي دراهم في الكونت ccp ديالي مديتلها rip عشرون رقم أسفل الشاك . من بعد قاتلي صوريلي الشاك وابعتيلي صورة باش تشوف الاسم واللقب عادي نبعتلها
تدخلي بطاقة نتاعك وديري الكود. تخيري " تحويل بين الحسابات تجيك على اليسرى ( الزر الثالث ) . تكليكي عليه يقولك حط الريبRIP ، نتاع لي باغي تبعثلو دراهم .. الريب ديما يبدا ب 00799999 وتزيديلو رقم الحساب والمفتاح مع بعض . تكليكي " متابعة " وتديري المبلغ شحال . وتزيدي تكليكي متابعة . يخرجلك الرقم نتاع حسابك والحساب لي باغية تبعثيلو تأكدي منهم وديري موافقة . وتكتمل العملية ( يعطوك وصل العملية ) .
يعتمد على موظف البريد، كاين لي يفيريفي الاسم واللقب، وكاين لي يفارسي بلا مايشوف .. عموما هوما يتأكدو من الاسم لي رايح تبعثلو يوافق لي خرجلو في الميكرو.
لازم دير باش العون يتأكدلك من صحة المعلومات. لكن بعض الاعوان مايقولكش على الاسم .. نتا جرب بدون اسم واذا طلب منك الاسم حطو ( مي في اغلب الاحتمالات يطلب منك الاسم)
وصلوك ولالا وقداه قعدوا وقداه من يوم باه درتي لافوا ؟؟؟حاب شرح من فضلك وشكرا لانو صاريلي نفس مشكل مبانوليش في تطبيق وزيد تاني في eccpفي تلفون مبانوليش اسكو صح لازم ندير لافوا في لابوست نلقاهم ولالا ؟؟
هل يمكن الإحتيال عن طريق ملئ الجزء السفلي المثبت كدليل إرسال المال دون ارساله بالفعل ؟ وهل يمكن استخدام رقم الحساب الجاري لشخص آخر في قضايا نصب واحتيال ؟ من فضلك جاوبني
نفس الخطوات ، برك تكتب رقم حسابك والمفتاح ، المبلغ . وتعمر اسمك ولقبك على الجهتين ( المرسل والمرسل اليه ) ، وتكوشي على دفع في حساب بريدي جاري . وماتنساش التاريخ والامضاء .
الدفع في حساب جاري ، تمدلو الدراهم ايسباس ويفارسيهم للحساب لي حاب تفارسيلو . الدفع من حساب لحساب ، تمدلو رقم حسابك ينحلك منو دراهم ويفارسيهم للحساب الآخر ( يعني مكانش نقود ملموسة كيما الدفع في حساب بريدي).
خويا ربي يجازيك جاوبني روحت لمركز لبريد مديتلو رقم ccp تع ختي ولمفتاح مثلت كان 90 شاف الأسم مطابق مع نفس ccp ورقم مفتاح اخر لكن نفس الأسم بعث فيه هل هذا عادي مافهمت والو
اذا الحساب قديم، يخرجلو رقم مفتاح آخر .. ( خاطر في 2015) بدلو الارقام وزادو 00 في الأول .. مثال انا كان عندي حساب : 2222454-35 رجعوه: 002222454-67 ( كمثال) .
بارك الله فيك الاخ ,من فظلك اسكو يتم مراقبة الامضاء عند القيام بتحويل من حساب لاخر عندي مشكل الام تحب تحول للاخ بصح تنسى طريقة الامضاء الي فتحت بيها اول مرة اسكو لازم تكون متطابقة ولا لالالا مش نفس الشيء لما تكون حاب تسحب دراهم من حسابك عن طريق راك سو كور
وفيك بارك الله. عندما يكون المبلغ 2 مليون سنتيم، فالتوقيع لا يهم ان كان مطابق . اما اذا كان المبلغ اكثر من 2 ملاين سنتيم فهنا يطلب منك الموضف الامضاء الاصلي ..
يصل في نفس الوقت .. ( لا تعتمد على تطبيق بريدي موب لانه لا يبين لك المبلغ حتئ بعد 24 ساعة او 48 ساعة .. ( تاكد انك ارسلت الى حسابك بدون اخطاء في الارقام
خويا رحت للبريد باش نفارسي من حسابي الى حساب شخص اخر وملأت شاك سكور وعطيتلو معاه بطاقة الهوية فقط قالي منقدرش لازم البطاقة الذهبية.نورمال هذي خويا العزيز؟
السلام عليكم ، انا عندي حساب جاري لكن جامي ما استعملتو، و حبيت نعرف رقم الحساب تاعي هل هو الي نلقاه فالشاك الاصفر قدام المفتاح ؟ و هل هو نفسه الرقم الي نعطيه للشخص الي يحب يفارسيلي ؟
سلام خويا سيد فارسالي 6ملاين مع الوصل وتأكيد وكلش صحيح مي لدرك ميوصلونيش ني في بريدي موب نيفي eccpتاع كشف حساب في غوغل عندو اكتر من 72ساعة بليوم هل لازم نروح نعمل لاافوا من لابوسط ولالا باه نلقاهم وشكرا مسبقا من فضلك جاوبني وفهمني ربي يحفظك
اذا بعثولك في بريدي مود يقعدو 24-48 ساعة خاصة في الويكاند . اما اذا فرسالك مباشرة من لابوسط يدخلو سور بلاص . غير كونفيرمي معاه اذا فارسالك وتأكد من الوصل بلي مغلطلكش في كاش رقم.
بدل مركز بريدي وحداخر وفارسي عادي . ( شوف نتاع ولايتك مثلا او مدينة نوعا ما كبيرة .. ( لان اغلب مظفي المراكز البريدية الصغيرة ناقصين خبرة ). مثال في تغيرر العنوان، او تصحيح الإسم، تجد اغلبية الموظفين لايعرفون الإجراءات.
يا أخي أنا بعت هاتف لواحد الإنسان هوا قام بعملية تحويل من حسابه إلى حسابي وسورلي ريسي بصح دراهم مزال موصلونيش ڨالولي سنا 24 ساعة ولا 48 ساعة هادي كينا منها ؟
@@chemsouhedadji9544 هي في بريدي موب اذا فارسالك فالليل تقعد 24 ساعة باش تدخل . اما اذا فارسالك فالنهار تقدر تدخل سوربلاص، الافضل تشوف بلابليكاسيو نتاع ECCP او تروح دير لافوار تلقاهم اذا دخلو ولا لا ..
صحيت خويا العزيز ... بغيت نسقسيك عندي مبلغ من المال في حسابي البريدي وعندي دراهم ليكيد بغيت نبعثهم لإنسان ضربة وحدة... هل استطيع ام لا ؟ واذا استطيع قولي كيفاش الطريقة لو سمحت وبارك الله فيك مقدما