الطريقة الصحيحة والمبسطة لارسال اموال في حساب بريدي جاي سي سي بي ccp بالدارجة كيفاش تفارسي لكاش واحد في الكونت نتاعو . . . . . . . . . . . #ارسال_اموال #اصدار_حوالة_بريدية #versement #حساب_بريدي
في بريدي موب ، يقعد 24 ساعة باش يدير تحديث ،،، يعني بعد ماترسل في الكونت لازم تستنى 24 ساعة لكي يظهر المبلغ .. اما اذا ارسلت من التطبيق لشخص ما، فعليه الانتظار 24 ساعة او اكثر باش يقدر يسحب المبلغ من مراكز البريد.
وعليكم السلام ورحمة الله. تحكمي دراهم ايسباس تديهم معاك لابوسط ، تعمري الحوالة رقم الحساب الجاري ، واسم المستفيد(المرسل اليه) اكتبي اسم الجمعية فقط .. ثم معلومات المرسل اكتبي معلوماتك ( الجمعية مايعرفوش بلي نتي لي بعثتيلهم) ماشي لازم تبعثي لروحك ✓
هاذيك كي تحب تدير ارسال من حساب جاري لحساب جاري آخر ، تكتب رقم المرسل من فوق ، ورقم المستفيد من تحت ... كاين فيديو يبين الطريقة هاذي Versement compte-à-compte
نعم هاذي هي الطريقة لي كنت نشرح فيها ، تفارسي بدراهم .. اما تفارسي من حساب جاري لحساب جاري آخر ، ثمة الخانات الاولى تعمر سي سي بي نتاعك ، والدوزيلم سي سي بي لي حاب تبعثلو .. وتكوشي على ارسال بين حسابين ..
السلام عليكم.. الارسال اما عن طريق حوالة بريدية خاصة بهم ( تتصل بمكتب املاك الدولة ) .. او طلب رقم حسابهم الجاري ، ( اظن انه يجب عليك ادراج حوالة مرافقة تخرجها من موقعهم الرسمي او الاتصال باحد مكاتبهم ) .
1) دير رقم الحساب نتاعك .. + المبلغ لي باغي تفارسيه. 2) المرسل: دير اسمك نتا ولقبك وعنوانك .. 3) المرسل اليه: دير ثاني اسمك ولقبك وعنوانك. 4) التاريخ والامضاء . 5) كوشي على " دفع في حساب بريدي جاري".
كي يمدلك واحد رقم ccp ديراكت بلا ما يقولك بيلي هادا هوا المفتاح وهادا هوا رقم وين نجبد انا رقم المفتاح مع العلم الحساب المرسل اليه هو صفحة بيع الكتروني
اعتذر على التأخر في الرد .. نعم يمكنك ارسال اي مبلغ تريد ، حتى 200 مليون عادي .. لكن تأكد انك ستدفع التعريفات ( لي تاكس) ، كل ما يزيد المبلغ كل ما يزيد التعريف ، يعني ممكن تخلص بين 100دج الى 1000 دج . ا
يرحم باباك قولي وش الفرق بين ارسال المال من حساب الى حساب آخر و بين الدفع في حساب جاري + انا حاب نفارسي لواحد دراهم من يدي كاش كيفاه ندير وين الخانة لي نكوشيها ؟
اما الدفع من حساب لحساب ، يكون عندكم دراهم في الكونت نتاعك وتبعثهم للكونت نتاع السيد من الكونت نتاعك ( كي شغل المعاملة لي تصرا في بريدي موب ), مكانش دراهم ملموسين .
