ماشاءالله ربي يبارك لك انا عندي جينسس ١٩ الحمدالله ماقد غيرت الا فحمات مرة وحدة وزيت قير مرة وحدة الى يومك هذا وماواجهت اي مشاكل ثانية يارب لك الحمدالله ماشية ٢٠٠ الف
الله يبارك لك فيها السياره ممتازه بس باهضة الثمن ومو كل شخص يستطيع اقتنائها بالنسبه للمنظف اللي حطيته انكان من عند حقين المحطات فكلام فاضي انصحك تحط منظف دورة المحرك من متسوبيشي قيمته من ال ٤٠ لل ٥٠ في بعض المحلات بس شي من الآخر وانصح فيه الجميع يساعد على تقليل الصرفيه ويشيل التفتفه لو موجوده جربوه
ماشاء الله لا قوة الا بالله حبيبي اولا اسال الله ان يبارك لك في مالك وحالك ويعطيك خيرها ويكفيك شرها .. احتاج ردك ضروري الله لا يهينك انا ناوي اشتري لي وحدة مستعملة طبعا 2019 هايبرد .. هل قطعها مكلفة جدا والا مقدور عليها لذوي الدخل المتوسط اقصد القطع الاستهلاكية انا راعي خطوط متوسطة نوعا ما رايك في العزل الارضي والهوائي وشكرا لك
منور حبيبي قطعها في متناول اليد الحمدلله لانها مثل الكامري قطعها ف تطمن القطع الخارجيه مثل شمعات وغيرها أعلى تكون ف حافظ عليها لان اغلب السيارات قطعها غاليه الخارجية اما العزل ف ممتاز ومريحه ماشاء الله تبارك الله
كانت عندي RX350 وحصل عندي نفس المشكله ان التاسر يبيله سحب ودخت معاها عند محلات الميزان، وثاني شئ سفايف اللكزس ما تدوم أبداً لازم كل سنه تبدلها وتطلع كربون كأن والع بالرنج بير بترول…وثلاجة التكييف كمان
ماشاء الله تبارك الله. عن نفسي لكزس بدون مارك ليفنسون وجلد "سيمي" وفل عدسات ما اعتبرها لكزس لان المزايا هذي تستمتع فيها بكل مشوار اما بدونها كآنك راكب كامري قراندي
هذي يحبيبي ما تجي الا على الفل ٢٨٠ الف ريال مين الغبي اللي بيدفع مية الف عشان مواصفات مع العلم سعر الستاندر ١٨٠ اشتري سيارة ثانية التيما ولا سوناتا ابرك
شاكر لك مشاركتنا تجاربك حبيبنا ، لكن اسمح لي هل تعتقد ان شركة مثل تويوتا بتستمر على غلطها في كل موديلاتها وسنواتها عشان يجيك متطفل على عالم الميكانيكا ويقول لك لازم تعديل في الكمر سواء سحب او كبس؟ ميلان الكفرات مسوينه الوكالة لاجل الرساوة والثبات على السرعات العالية ... طبعا العيب في تويوتا ان الميلان دائم ، بينما هناك مصنعين اخرين مصمم الكفر انه يميل (يفرش) على السرعات العالية فقط .. انا لست خبير في السيارات لكن هذي معلومة سمعتها من ميكانيكي فاهم .. تحياتي