ليه وازاي استمريتي كل السنين دي في الحياة مع شخص مش موجود "النرجسي" 

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ازاي نعالج الخلل وايه سببه او مصدره
ليه بتتسحب منك سنين عمرك من غير ماتفهمي انك بتتئذي من النرجسي
دايما ضحية النرجسي بتسأل انا ليه وازاي استمريت كل السنين دي في الحياة مع شخص مش موجود مع وهم اني متجوزة مع حد مش بيعمل حاجة غير انه يؤذيني انا ليه عملت في نفسي كدة او انا ليه اتعمل فيا كدة
في كتاب قوانين التحرر من الصراع النفسي للدكتور يوسف الحسني بيقول زي ما انا دايما كنت بقول لك ان انتي لكي يد في الموضوع بس هو بيوضح اكتر وبيفهمك وضعك علميا ونفسيا وايه اللي وصلك هنا أصلا ؟ هو بيقول ان الانسان عنده ثلاث مصادر للخلل النفسي ومسميهم بوابات الانسان ،هو بيقول ان كل واحد فينا عنده الثلاث مصادر الرئيسية لاي خلل نفسي بيحصل له ، ايه هم ؟ ١- العمل والمادة ، ٢- العلاقات ، ٣- الذات (معتقدات - عادات - حدود- ... )
وبيقول كمان اننا عشان نقدر نحل أي مشكلة او عقدة نفسية او خلل نفسي لازم نعرف مصدره (عن طريق التفريغ الوجداني ) ونركز عليه ونشتغل على علاجه واذا الشخص ماقدرش يعرف نقط ضعفه في الثلاث مصادر دول حيبدأ يظهر الصراع النفسي في صور كتيرة زي القلق ،الوسواس ، الاكتئاب ، الهلع ، الذهان ،وغيرهم كتير دا غير المرض الجسدي اللي بيصاحب كل دة
طيب كل دة ايه علاقته بيكي وبعلاقتك بالنرجسي؟
اللي بيحصل انك بتكوني عايشة مع زوج مش موجود من اول يوم جواز وهو فعلا مش بيبذل أي مجهود في العلاقة ولا في الحياة من اول يوم وهو رامي عليكي المسئولية بالكامل وفي نفس الوقت مش بيدي أي شيء وفي نفس الوقت محسسك انه مش مبسوط ومش راضي عن العلاقة وفجأة ينسحب ويختفي وانتي يحصل لك حالة من الذعر والهلع بسبب اختفاؤه وخوفك لا يسيبك ومن هنا بتبدأي رحلة التوهان وعدم التركيز في حياتك كلها من علاقات لدراسة لشغل كل جوانب حياتك بتنهار لانك مش قادرة تركزي غير في هو عايز ايه وايه اللي يرضيه ويبقيه في العلاقة اللي هو أساس مش موجود فيها وانتي مش فاهمة ولا شايفة ، وبتبدأي بقى تتعرضي للخلل النفسي والجسدي من كتر التوتر والضغط العصبي اللي انتي محطوطة فيه . طيب ليه انتي بتكوني مش داريانة بان انتي في وضع غلط من الأول ؟ لان انتي عندك نوع من الخلل النفسي اللي اتكلمنا عنه انتي عندك احتياجات غير مشبعة زي ماقلنا قبل كدة انتي ناقصك حب وتقبل واهتمام وامان انتي عندك مشاكل قديمة من الطفولة
دة غير انك ماعندكيش حدود ،عندك خضوع في العلاقة ،عندك شعور باللاقيمة واذا ماكنتيش جاية من بيت اهلك بالمواصفات دي نتيجة الإهمال العاطفي في الطفولة فدة حيحصل لك كدة كدة بسبب علاقتك بالنرجسي
المشكلة الكبيرة هنا انك اما بتكون معتقداتك كلها خطأ عن نفسك وبتكوني شايفة انك لاتستحقي غير الوضع دة او انك فاهمة ان الوضع دة ابتلاء من ربنا فلازم تصبري عليه فبالتالي مفيش حاجة تعمليها مش فاهمة ان الابتلاء رسول جايب لك رسالة لو فهمتيها حيمشي وعشان تفهميها لازم تحفري عميقا في نفسك عشان تفهميها وتدخلي في اعماقك وتدوري على سبب الخلل النفسي اللي وصلك لهنا وزي ماقلنا حتلاقي السبب واحد من المصادر التلاتة اللي قلناها وغالبا بالنسبة لحالة ضحية النرجسي بتكون العلاقات والذات ، علاقاتك مع اهلك وبيئة التربية اللي نشأتي فيها ومعتقداتك عن ذاتك هم دول بيكونوا مصادر الخلل اللي عندك
كمان من ضمن الحاجات اللي بتخليكي تعيشي الحياة في وسط نرجسيين بيمصوا دمك كلهم ويشفطوا طاقتك سعيك للمثالية والكمال ودة بيخلي كل الناس المستغلين يسحبوا طاقتك ويستغلوكي بكل الطرق واولهم النرجسي طبعا أيا كان النرجسي دة مين ممكن مديرتك في العمل ، ممكن مدربة الجيم بتاعتك و ممكن زميلتك في الدراسة المهم ان في الحياة العملية بتكوني مستهدفة ودايما بيترمي عليكي تاسكات مش بتاعتك وانتي عايزة تكوني كاملة فتشتغليها وعايزة تكوني مثالية فتقبليها ونفس الوضع في حياتك الخاصة اهلك واخواتك بيطلبوا منك حاجات فوق طاقتك وانتي مش بتعرفي تقولي لا لانك عايزة تكوني مثالية وطول الوقت تلبي طلبات الاخرين وطلباتهم مش بتخلص فتحسي برضه بالتقصير وترجعي تبذلي مجهود اكتر وفي النهاية مش بتحققي لا المثالية ولا الكمال فيزيد احباطك ، كل دة له مصدر من مصادر الخلل وانتي محتاجة توصلي له وتفهميه عشان توقفي الدايرة المغلقة اللي بتلفي فيها وتلحقي عمرك اللي بيتسرسب من بين ايديكي
اللي بيحصل انك لما بتتحطي تحت ضغط شديد عقلك بيبدأ يفتح لك أبواب وهمية ينفس فيها الضغط دة والأبواب دي بتكون اكتئاب ،هلع ، وسواس، هذيان ، ذهان ، عشان يشغلك عن المشكلة الأساسية والضغط الشديد اللي ممكن يسبب لجسمك شاتداون ، فبدل مايعمل شاتداون ويموت الجهاز النفسي بيلجأ للابواب الوهمية دي
اللي بيحصل ولازم ننتبه له ان العلاج للامراض النفسية لازمه تحليل نفسي ولازم تفريغ وجداني الى جانب الدواء لان الدواء مخدر مؤقت مش بيحل المشكلة الأساسية ولو ماتحلتش وماوصلتيش لمصدر الخلل وفهمتيه وحليتيه حتفضلي تاخدي الادوية الى الابد مخدر وبس
عشان كدة لازم توصلي لمصادر الخلل مش بس لعلاج الامراض النفسية لا عشان تفهمي انتي ليه بقيتي مع النرجسي سنين وليه بتكوني عرضة للاستغلال والانتهاك وليه دايما حواليكي نرجسيين ، لازم تفهمي دة عشان توقفيه
ودة زي ماقلت لكم التفريغ الوجداني من كتاب دكتور فيل اهتم بذاتك او عن طريق الجلسات اللي بعملها مع الحالات
#صحةـنفسية #القوة #الاكتئاب #النرجسي #النرجسية