قناة #الجزائرأن وان قناة الشباب والعائلة موقعنا الإلكتروني: eldjazairn1tv.com رابط صفحتنا على الفايسبوك / eldjazairn1 رابط صفحتنا على الانستغرام / eldjazairn1
راكي تشوفي على واش نديه يا على جال المال ولا الصلاح والمنصب في قولها نتزوج بعشرين الف هذاك هو المهر تقول ماهي مرا تفكيرهم كي نعيهم أصلا لي ميحدمش فاشل في الحياة
@@FouziaBouzid-kz3dv قبل الزواج والله ماكان عندي حتى حاجة سلفت Une parrure باه زوجت ام زوجتي قاتلها هل يعقل تعرسي بي واحد طلاب ؟ بعد عشرين سنة من الزواج كسبت عقارات في باريس وفي الجزائر والتي قالت طلاب ديتها الحج 😂 وسافرت مع زوجتي الى اكثر من 20بلد في العالم والحمدلله ربي العالمين ربي هو لي يغني وليس العبد المهم راجل اكون عندو المبادىء والقيم
لم احدد مهرا لبناتي اطلاقا تركت المجال الخطاب حسب قدرته وانا متمسك بحديث الرسول صلى الله عليه وسلم اذا اتاكم من ترضون دينه وخلقه فزوجوه حكمة ما بعدها من حكمة يسروا ولا تعسروا لمصلحة بناتكم افضل مما. تتعانس البنت قاللها هو الرازق يرزق من يشاء بغير حساب
انا ثاني ما شرطت والو شرطها كان خاتم والعرس داروا النص النص وحتى اليوم عنده يخلصوا كل شيء النص النص انا أصلا ما ندخلش روحي في حياتهم مرة قاعدة تتناقش معاه قالت لي أمه دافعي على بنتك قلت لها عندها لسانها هي تولي مليحة مع زوجها وانا نربح العيب
صدقولهم لي ما تشرطش من نهار لول تبقى مذلولة طول عمرها مجتمعنا حابس لي متشرطش يقولو هذي راهي حابة تتزوج نديرو فيها المنكر ونتي يا لفاهمة وراهي طاكسي تاع 50مليون خروف راه ب 20مليون
المهر هو ليس حق ولكن مقابل عطاء لقوله عليه الصلاة و السلام فلها المهر بما استحللت من فرجها يا ناس اعرفو قيمة الحق ماهو ماشي واحد قاعد في الدار و لا في القهوة يقولك حقي هادا المهر مهما بلغت قيمته فليس هدية وإنما هو مقابل الفرج
@@F__x7لقبايل رجال ويحترموا لمرا مام مايكونش كاين مهر كي تلقاه راجل تقبل بيه بالصح العربي مانعممش على الجميع لكن غالبيتهم مش رجال ويستنوا لمرا هي لي تضحي وتهز الدار وهو غير يستمتع فالفراش
رجال تاع ثرك يديو الخدامة ويحوس لكلاس يحبهااااااااا مع احترامي حتى لكان ياكل بيتزا العيب مش في النسا برك حتى الرجال قلال حنا ثرك ماشي في عهد الرسول صلى الله عليه وسلم كل واحد ومقدرو
بصح اليوم 30 مليون و خلاص ماكانش صوالح اخرين قليلة لازم ينقصو في مصاريف العرس و التفرعين أما الذهب كلش يرجع بالخير على الأسرة من بعد و قد يتحول إلى سكن.
اقلكم مهرا اكثركم بركة من جاءكم من ترضون دينه وخلقه فزوجوه الخلق والدين هم أساس الحياة أما المال والرزق بقدر الله والمال لا يبني البيوت إذا غاب الخلق والدين
راك رطار خطبنا قبائلية 27 مليون شرط والخاتم نتاع الشوفة وزاد باباها قال لاب العريس حاجة نتاع ذهب هو قاله عادي الآخر قاله والا زوج قلت للعريس اشريلها مناقش وقلها هام زوج لا سقساو على لعريس لا عرفوه خدام والا قاعد والله المكان اللي يسكن فيه ما عرفوه وين جاء ما عرفوه لا مدينة ولا دشرة زواج الفايسبوك ومن بعد يقلك ما تفاهموش
انا مانشرطش المهم صحة ولهنا يارب العالمين الحمدلله بنت فامليا 😊ماشاءالله والمهم يكون خدام وتحيا ولاية باتنة وسطيف❤ نداء عاجل نبغي واحد من ولاية باتنة فقط
سلام عليكم صباح الخير لباس عليك نهارك اختي لعزيزة بربي نشاء الله نيتك توصلك بعيد ملڨري منعرفكش مي والله ندعيلك من كول قلبي وبربي دعوت ليتيم مستحابة نشاء الله
ربي يسترك ويحفظك يارب وربي يهنيك ويسعد قلبك يارب وربي يفرحك ويسخرلك سيد رجال لي يستهلك ويعرف قيمتك يارب وربي يطول في عمرك لعقوبة مائة سنة نشاء الله تحية خاصة من ولاية سكيكدة مرحبا بك
باتنة فيها بزاف اعراش كل عرش وشحال يطلب المهر نتاعو كما عرش ولاد سلام عشر ملاين عرش الحراكتة 15 مليون عرش اولاد شليح 20 مليون عرش الجبايلية 30 مليون عرش اولاد فاضل وعرش مروانة 15-20 مليون عرش اولاد سلطان 20 مليون
رواحوا دو بنات الفميليا برك تهلاو حنا نواحي تلمسان نشرطوا العشرة والهنا وهاد اربع لويزات والعشرين مليون وكي تدخل تلقاه معمر ديين وزيد تبقى تتشرط وعلاه حنا عدنا حتى الذهب الي نجيبوه من عند والدينا نعاونوا ببه الراجل باه يوقف علا رجليه ونصبرو للوقت وربي هو الرزاق
الرجل الذي لا يشتغل يصوم المرأة الصالح ثمنها غالي ، و الرجل الصالح قليل في هذا الزمن الرجال هذا الزمن يريدون المرأة ببلاش و عندما لا يريدها يبعثها لوالديها
من ابتعد عن الدين ابتلاه الله ، البذخ في الافراح من اجل ارضاء الناس ونسو ارضاء الخالق لذالك كثر الطلاق ،هذا من جهل الامة التي تتدعي التقدم لكنه تخلف بمعنى الحقيقي
بعيدا عن الحاجة وهديك المرأة وهداك الشيخ... اما البقية يعني من قلة الشعب قاعدين تسقسو في اطفال الهدرة مايعرفش يرتبها والتحفيفه تقول سرادك. هذو كون يعطيك 100مليون في بنتك ماتعطيهالهش.. على الاقل سقسو ناس تعرف تحكي جملة مفيدة
شفت كامل التعليقات لقيتهم أغلبية ميعرفوش قيمة المرأة والمرأة متعرفش قيمة الرجل اول حاجة تطلب الهناء و ثاني حاجة يكون الراجل صالح ويخاف ربي ويخاف ربي فيها وتكون المرأة ثاني صالحة وتخاف ربي في راجلها ويكونو اسرة على الحب والمودة وإحترام بعضهم البعض ويتحملو المسؤلية في زوج على أكمل وجه .أما المهر المرأة لازم ومشروط وكل ولاية وشرطها اصلا كلش عاد وعاد غالي الذهب غالي القش غالي حوايج الكوسمتيك غالي لفراش غالي كلش كلش والمرأة كي تمدلها شحال من مليون هيا اصلا كامل راح تردهولك وتعمرلك دارك بيه مام هذاك الذهب الي جبتهولها نهار الي تطيح بيك تلقاها مدتهولك ومتخليكش تمد يدك للناس ونزيد حاجة مايهمها واااااااااالووووووووو يهمها الراجل يكون معاها فحل وراجل بمعنى الكلمة تكون ليه هيا سند في كتافو وديرو في عينيها ماشي يديها وتحمل معاه الحلوة والمرة مع لخر يخدعها ونهار الي تطلع بيه يرميها الدنيا ماشي ماديات لازم يكون العدل بين الزوجين والتفاهم والقناعة والإحترام و الحب والصحة ولهناء وحوايج اخرى تجي منبعد وملازمش تعاندو الناس كيفاش عايشة كل واحد يعيش بمقدورو ويعيش بما يرضي الله عز وجل ولازم الصبر كيما يقولو ناس زمان متشوفيش فيهم كيما يبداو شوفيهم كيما يعياو هذه هيا الدنيا يمات حلوين ويمات مرين المهم الصحة برك وراحة البال 😊
بالصح ماهيش مجبورة تبيع ذهبها باش تمدلوا كي تطيح بيه واصلا الدراهم مهما مدلها مستحيل يجي ثمن ڤورماث واحد ذهب ، هذاك ڤاع شراهولها باباها ومدتهولها يماها ويزيد يديه بكل بساطة ! صدقيني الراجل عمرك ماتمديلوا ذهبك باسكو رح يخدلك ويخونك مهما كان ومن بعد تبقاي وحدك وبلا والو نهار تجي تخلعيه كي يذلك ويمرمدك
@@so_097-d7f وي اختي عندك الحق بصح ماشي كامل الرجال كيف كيف وماشي النساء كامل كيف كيف كاين وكاين النساء انواع والشخصية تختلف عن شيء عباد خرين والنية وقلب الأبيض هوما الأساس لان النية تغلب كل شخص أناني وقلب اسود هذا الشيء كامل ميهمش ومايدومش اختي لحبيبة راني نحكيلك عن تجربة كيما يقولو ناس زمان سقسي لمجرب ومتسقسيش طبيب دنيا فانية اختي يبقى غير وجه ربي سبحانو . مالا أطلبي من ربي غير الصحة وراحة البال الي ماكنش في وقتنا هذا . ونزيدك حاجة اختي المرأة الي متقوفش مع راجلها في وقت الشدة ماشي مرأة والراجل ثاني كيف كيف العلاقة الزوجة لازم المرأة تكافح وتحارب وتوقف في وقت المحنة . ماشي اي حاجة تبغيها بالساهل وكيما تبغيها تلقايها واجدة ننننن خبزة لازم تتعبي عليها باش تاكليها كون جاء الذهب هو الأساس في الدنيا هذي مالا كون متكونش العالم هذا كامل ماشي الدنيا كامل ماديات كاينين نساء عندهم رجالهم لباس عليهم من جهة الماديات بصح مهمش هانيين موفرلها كلش بصح خداع مالا لهناء هو الي سابق لغناء اختي .
@@WahidNassimغلطة فيك خويا بسك خليت القريب ورحت للبعيد خطب من بلادك وراني نهدر معاك عن تجربة انا تفاهمت مع واحد من شرق على الشرط وكلشي ومد الكلمة في لاخر دار عليا تسما نصيحة كل واحد يخطب من ولايته
@@nnnnnn133عندك الحق ختي لي بعيد يقعد بعيد ما تعيي تسقسي و تحوسي عليه بصح متعرفيش كاش عليه مستحيل..والعادات والتفاليد تاني تختلف.تسما تدي من منطقتك احسن ونتي لي صراتلك ممكن خير وربي نجاك منه
الزوجات الصالحات غير هوما اما الازواج الصالحين ماتوا بكري ، ناذرا دوكا وين تلقى رجل صالح يحترم زوجتوا ويخاف عليه ويقدر تعبها ويحافظ على ولاده ويأمنلهم عيشة هانية
وعلاه القبائل كامل صالحين ما يتلقوش في كل مكان كاين الصالح والطالح اهم شيء النية والتفاهم ماهوش في النهر اذا الراجل قادر على المهر مهوش حرام كل واحد اجيه مكتوبوا وهذا المرأة الى تعاير في بنات الناس وتقولهم ركم بايرات نقوللها الله يهديك
عندك الحق لا يكلف الله نفسا الا وسعها رغم انا فتات اثنان وعشرون سنة لازم المهر قدر المستطاع خلو جدهم يبوروا لوكان تكون تستاهل نورمال وماشي ساهل تلقي لي تستاهل لوكان يخطبنى واحد والله ما نكلفو فوق طاقتو الفتات لي يتشرطو عليها لوكان تكون زين وعقل رزين واخلاق ودين وشطارة في المطبخ كاين تتشرط وهي بالغالي وهي رخيصة وحاشة لي ميستهلوش
Arfad oudi ❤ le jour où j'ai entendu une avocate qui declare que 12 millions de jeunes filles sont celib et un autre chiffre de femmes divorcées mieux resté celib que de se retrouvé avec des enfants et une femme qui a un copain du portable,
كل وحدة حرة في طلب مهرها تطلب مياتلف أو 30 مليون هذا حقها فالإسلام، الإسلام وماقدرش يسقف المهر لأنو يخص الفتاة فقط، لكن المشكلة ماشي فالمهر المشكلة أنو هاذ الشباب جاتو غالية تطلب الطفلة 20مليون وعندو عادي يضرب عرس ب 100مليون بالبارود و الغنا و الماكلة من كل نوع، تناقض سبحان الله، المرأة اللي قالت زوجنا بكري بخمسمياتلف يا خالتي خمسمياتلف في وقتهم كانت بشلاغمها قيس 20 مليون تاعنا ضركا اللي عاد الشاب اليوم تجيه عادي يشري بيها بورطابل و تجيه غالية يجيب بيها بنت الناس.
احسن شرط وهوا من السنة بالقرءان العظيم احسن شرط في الشريعة القرءان الشباب ظاعت الفتيات من المعقول نعجة والطعام وشوية ذهب ولا فضة وهز غروستك تبون يعطيك السكنة تكل علا ربي واحذر من الزوجات الي يطلبو المال قل لهم الفقر والذل والطحين الا يوم الدين واياك احذر من غير بنت الاصل بنت لعزاءج راها تتعوج عليك من الاول قيس ثم غيس زواج نهار تخممامون عام نصيحة لشباب ان يكونو فقراء يغنيهم الله وبركاته وانتهى محمد ورقلة الجزائر وانتهى وشكرا
@@migalcopriras8049 قولها و عاودها مليار مرة، و خاصة بنات القصبة ... نساء العاصمة ، نساء عفيفات و فحلات ربي يبارك فهن.. نعم كلامك صحيح و جميل جدا، كل صبع 👍 بصنعة
أنا كرهت الزواج بحد ذاته يحوسو على بنت فاميليا لي ما تشرطتش تحوس غير على الهنا ومع لخر يمرمدها كيما مرمدني أنا وبالنسبة للدار أنا ما شرطت والو يماه من نهار لول قاتلو ماتجيبهاليش في وقتنا هذا لي ديرها تحصل فيها ذك الراجل انتع صح ولاو قلال إلا من رحم ربي
يا المجتمع المدني بدل طريقة التفكير انتاعك في الزواج ارجع الى الطريقة القديمة البساطة والجمال َاحترامَ العا ئلات لبعضها البعض اهم من اللباس الفاخر والذهب الكثير التي تحطه النساء على اجسادهن اعمل عرس بين الأهل والاقراب.. وبعض الأصدقاء المقربين منكم فقط لماذا تبذير المال في الأكل المتنوع والغالي اعمل اكل كما يعمل أجدادنا . حضورنا في الاعراس ليس للأكل والشرب لكن للتبرك به انه حلال وفهم الشباب الآخرين ان الزواج ليس عرس وفرح انه دخول في حياة مزدوجة كل يتحمل مسؤوليته على حدى..... وشكرا لكم
المشكل ليس في المهر انتم الشاوية تبالغوا في اعراسكم الي تصرفوا على الناس اصرفوا على اموردارك وزوجتك ودير لمة خفيفة حضرت اعراسكم وشفت المبالغة والاسراف وراني شاوية و
أسمحلي يا أخي لبد من قول الحق ولو كان مرا المهر مافيهش حد وإلا سقف محدود ولكن إذا كان الكبش اللي تربيه عامين أوتصرف عليه زوج ملاين يسوى 40مليون و الطفلة اللي رباها باباها20 سنة كيفها كيف الرخلة ولا العلوش الله يهدينا الكبش تاكل في أسبوع ولكن هذيك المرأة إلاعطاك ربي أوطول لعمار تعيش معاك الحلوة والمرة تسوى سومة العلوش ڨولي يرحم بباك متغيضكش هذي المخلوقة منهارها تصبح طيب او تسيق أو تغسل فالقش أو ممكن يحاوزها في عام ويعاود الزواج لأن المرأة رخست ولات سومة سومةنتاع علوش عيادة ولات أضحية المرأة ضحية الموال قادرفي كل شهر يتزوج وحدة جديدة علاه شرع حلل ربع نورمال ويطاقها او يعطيها حقها تعسفا أونورمال لأن المرأة رخيسة الثمن في عهدنا و من إنقلبت المفاهيم ويقولك ماقدرش يتزوج وتقدر يعيد كل عام لأن الناس تهدر كيفاش أنا ماعنديش شوفوني. والزواج نورمال
الحاجة قالت خمسمية الف في وقتها للاك في الستينات ولا السبعينات امي تزوجت بعشر الف كانت خمسمية الف كانت تقضي العجب دبرو على اىواحكم بكري كانو يسرطو الدراهم والجهاز والذهب والكبش وبنان اليوم مساكن الكثير ماراهمش يشرطو لاكبش لاصداق لاتبق لاوالو يا عشرين ياخمسة وعشرين فقط هنا في العاصمة
اللى قادر على الزواج ماشي واعر عليه المهر واللى ماشي قادر آآو واش بيك نتا تجيب بنت الناس باه تميزرها رانا مجربين الرجال ومزوجات الراجل يكون لباس بيه وكى تڨولو مرتو أقضيلى ياكلها ويشربها والله مجربينكم يالرجال أمالا خليو بنات الناس قبل العرس يشرطو خاطر مافيكمش لمان ماشي كى وقت(( النبي عليه أفضل الصلوات والسلام)) كي وقتنا حاشا ولله😢😢😢😢
@@mama.mama.12ben36 فيك غير لكذب راجعي كلامك لي كتبتيه قلتي رانا مجربين الرجال ههه تسما فيك غير لخرط على اساس نتي بناتك بنات الملوك باش يديرولك قيمة و مهر غالي اخرتها باينة دانية فانية و احد مراه سامع بيكم