طيف النرجسي الخفي
مستويات الشر عن النرجسي الخفي (الطيف)
عشان الناس برضه اللي بتتلخبط وتبقى مش فاهمة هو خفي ولا لا وهو تصنيفه ايه ،طيب واحنا عايزين نفهم تصنيفه ليه ؟ عشان نعرف حنتعامل معاه ازاي
دكتور أبو السعد راجل سيكولوجي عظيم عايش في استراليا وفيديوهاته للأسف بالانجليزي بصراحة انا مش عارفة هو جنسيته ايه لكن هو عربي فأنا فخورة بيه جدا لانه بيقول كلام جديد مسمعتوش من حد من الدكاترة ولا قرأته في أي كتب ، المهم دكتور أبو السعد بيقول ان طيف النرجسي الخفي ثلاث مستويات حشرحهم لك
اول مستوى : المنطوي شديد الحساسية ودة غالبا اللي بشوفه مع معظم الحالات ، ودة بيكون عنده احتياج شديد ومرضي طبعا لانه يكون مقبول ومعروف قيمته وقدراته واللي يشوفه لازم يفهم لوحده انه عظيم ، وبيكون النوع دة منطوي وخجول ، سلبي جدا ، متشائم جدا هو دة اللي اتقال عليه مثل نص الكوباية فاضي ، عمره ماشاف نص الكوباية مليان ابدا ، يعني مش بيعرف يشوف غير الجانب السيء من كل شيء وكل حدث وكل حد ، حساس جدا للنقد ، شايف نفسه مختلف أساسا عن الاخرين وانه محسود من الناس ومعزول عنهم ، كمان عنده اتهام الذات وكراهيتها وكراهية الاخرين كمان (تناقض فظيع يعني هو بيشوف نفسه حلو شوية ووحش شوية طبعا تبعا لدورة الابتهاج الاكتئاب اللي قلناها في حلقة اسرار النرجسي الخفي ) هو كمان بيعمل لنفسه صورة الغامض اللي مش مفهوم ومحدش أصلا عارف يفهمه ومحدش عارف قيمته من فرط العظمة والنوع دة اذا حصل عنده نقص في الوقود يعني احساسه بالعظمه متحققش وفشل في اشباعه عن طريق الحصول على وقود بيحصل عنده انسحاب وشعور بالدونية وياخد دور الضحية ويشتغلك بالشفقة عشان ياخد منك وقود ويحاول يدخلك هوفرينج واذا فشل في الحصول ع الوقود بيكتئب وممكن يحصل له اكتئاب مرضي ويدخل في امراض نفسية بتوصل للذهان ودة اضعف أنواع النرجسيين ، ودة احينا بيوصل له النرجسي الخفي اللي مش ضعيف أصلا اللي هو في المستوي التاني اذا اتعرض لكارثة حياتية او كبر في السن ، بس مش كلهم بيوصلوا طبعا للضعف دة
ثاني مستوى : الحسود صاحب كبش الفدا
النوع دة عكس الأول لو معرفش يحقق الإحساس بالعظمة اللي بيحققه بالوقود بيبدأ يستخدم العداء المقنع المستتر ويبدأ يعاقب أي حد ييجي في طريقه عشان يعوض إحساس العظمة اللي هو محتاجه ، واذا معرفش يعوضه حيدور لنفسه على كبش فدا يعتدي عليه عشان يعوضه يعني مصدر الوقود اللي راكنه في البيت ، انتي او أولاده او امه لو مش متزوج اوا خواه الأصغر منه ، المهم ان السبب انه بيخلق لنفسه كبش فدا انه اضعف من انه ياخد حقه من المجتمع ومن الناس اللي حواليه فلازم يكون عنده حد ضعيف يعمله كبش الفدا او مصدر الوقود الأساسي وطبعا كبش الفدا لازم يكون اضعف منه عشان يقدر عليه ، (اللي لسة مخطوبة واللي معندهاش أولاد منه تخرج فورا من العلاقة فعلا لانها كبش فدا لازوجة ولا خطيبة ) خدي بالك بقى لو هو معرفش يحقق عظمته عن طريق كبش الفدا وهو مش عارف يحققها من المجتمع بتاعه بيبدأ يدخل في مستوى الحسد والنقمة على المجتمع كله ويبدأ يعمل تصرفات تنفر منه الناس ويحط نفسه في مواضع مستحيل بيها يحقق العظمة اللي هو محتاجها فيبدأ يدخل في المستوى الثالث ، اللي هو ححقق العظمة بالعافية بالجريمة بالخطف بالقتل بأي طريقة حعرف اعرفكم انا اد ايه عظيم وهنا دخل في
المستوى الثالث: اللي هو النرجسي المنتقم والخبيث وبيوصل لثالوث الظلام ، والنوع دة أي كارثة حياتية تحصل له ممكن جدا يرتكب جريمة زي اللي بيقتل زوجته وأولاده عشان اترفد من الشغل و اللي بيقتل زوجته عشان سابته ودول بيكونوا اخر أطياف النرجسية .
اكونت الفيس بوك
www.facebook.c...
جروب ادرس عدوك النرجسي
/ kawthersanad11
26 авг 2024