انا معي اوريون ٢٠١١ قراندي فل كامل بصمه من الوكاله كفرت فيها كفر ماشكت بس خرب عندي العكوس وركبت وكاله الواحد ب ١٠٠٠ ريال غالي بس يكد معاك ١٠ سنين قدام اقل شي بعض القطع غاليه في الاوريون بس تحط فيها وينفع بعض السيارات ماينفع فيهن قطع غاليه وتحط فيهن ماتكد القطعه.
تكلفة اصلاح هذي السيارة غالية اذا شافها المهندس تقول شاف ابليس يرفع السعر عليك على طول واذا سألته يقول ذي ستة سلندر واماكن الاصلاح صعبة وهو صادق صراحة سيارة حساسة وتجيب المرض السلف اذا تعطل سالفته سالفة مكان بلف الحرارة صعب جداً الكمبروسر يتغير كل ثلاث سنين القير ينقص زيت والمكينة بعد العضلات اذا خرب جهة تخرب الجهة الثانية على طول علبة الدركسون والدودة كلام ثاني طبعاً عموماً السيارة ذي والله متطلبة جدددداً ويبي لها اهتمام من نوع خاص وصدقني راح تدفع واااجد عليها الين تطفش منها وتبيعها
عندي كامري ٢٠٠٧ بسم الله ماشاء الله عزم في بطنها مو طبيعي بس مشكلتها حرق الزيت هلكني ماعاد تعدي ٥٠٠ كيلو الا وتحط فيها نص علبه رغم انها تصرف زيت وبنزين كثير ٥٠ ماتوديك وترجعك الا ان عزمها جبار ومثل ماقلت العكوس والدودة تحت والجنوط والكمبرسر اكثر عيوبها شيوعا ولاكن خلك على الاصلي افضل انا مجرب قطع ياباني سيئه جدا ماتعدي سنه ونص الا وانت تصلح فيها فخذ اصلي اضمن واوفو لجيبك واحسن للسياره
@@meshoo_9997 اذا انت فالرياض روح تشاليح مركز الشرق لقطع الغيار تحصل اصلي ومستورد ونظيفه جدا ورخيص طقم عكوس ٥٠٠ حولها دودة ٨٠٠ وحولها كمبرسر ٥٠٠ وحولها اوفر وارخص من الجديد وكمل ومتابع معك بالتوفيق
بعطيك من واقع خبرتي الاوريون كانت مع اخوي موديل ٢٠١١ سيارة جبارة لكن مشكلتها الصرفية فقط بخصوص الاعطال العكوس والقير هذا بسبب اللي يتقاوم لن القير والعكوس حقت كامري ٤ سلندر فما تتحمل قوة المكينه ٦ سلندر عشان كذا القير يضرب والعكوس
بصراحه انا معي وحده 2013 ماعندي مشكله مع الصرفيه الا اذا دعست استخدمها يومي اروح مشوار 15 دقيقه روحه ورجعه وغير اني كل اسبوع 100 كيلو يكلفني نص التانكي
انصحك صراحتن موتر ماشاءالله تبارك الرحمن ويستحمل وصرفيت البنزين كل السيارات تصرف ع حسب دعسك لسياره بس صلاتي ع النبي الموتر شيخ انا معي 2008 ماشاءالله تبارك الرحمن
والله يا مشعل العكوس ماقد غيرتها من الوكاله 😂. حتى لما اخذتها الوكاله عشان صيانة ال ١٠٠ الف كيلو قالو بطن الموتر سليم كله معاد الا المساعد الامامي فقط والطبلون صلاتي على النبي محافظ عليه مررررره ومش معرضه للشمس بالمره
على فكره ترا زيت القير مايتبدل اللي يخرب القير هو عدم استخدامك للسايد بريك عند وقوف السياره خصوصا اذا توقفها على منحنى يصير حمل الموتر كله على القير ويضرها اسحب السايد وبعدين حطها على p وطف الموتر هذا التصرف الصحيح للعلم عندي اوريون ٢٠١٠ فاتحها وكاله على ايدي وماشاءالله ممتازه معاي وماضرب الكمبريسر الا قبل سبوعين ههههه قولوا ماشاءالله ١٢ سنه عندي ومازلت استمتع بقيادتها
@@meshoo_9997 بالعكس مو مهمله بس انا حريص بتبديل سايد بريك من احس انه مو قاعد يمسك معاي كويس ابدله القير بهذي الطريقه مرتاااح مافي اي حمل عليه الحمل كله على سايد بريك لو فتحت كاتالوج المركبه بتلاقي الارشادات وعمل الصيانه مايذكرون فيها زيت القير ابداً
@@meshoo_9997 على فكره توني اليوم مبدل سير المكينه (القايش) والسفايف امامي وخلفي وفلتر مكينه وفلتر التكييف (كله بدلته اصلي) مع العلم ما اشتكي من شي بس ١٢ سنه ماتبدل القايش فا قلت ابدله (مثل ما اكرمتني السياره جا الوقت اللي اكرمها) عمل الصيانه الدوريه امر مهم جداً اكرمها تكرمك