مقارنة | Chevrolet Captiva 2020 شفروليه كابتيفا 

((فنيا الراش تكسب)): - فتيس الراش اوتوماتك عادي مبيعطلشي علي الرغم من انه ٤ سرعات لكن اعطاله (صفر) والفتيس ده من انتاج تويوتا حصريا وله قرن شغال ومجرب و اثبت انه عملي جدا واعطاله صفر. اما المنافسين الفتيس بتاعهم ( سي في تي CVT او ديوال كلاتش) ودول اعطالهم بالجملة. - الراش محطوطة علي شاسيه مش علي (علب) يعني حمل عليها براحتك ولو حملت عليها وزن زيادة عمرها ماتحك في الارض عشان محطوطة علي ( شاسيه) مش (علب) وكمان عشان الراش عاليه اصلا من الارض وتعتبر اعلي عربية في مصر في فئتها وكمان الشاسيه بيديها قوة وعزم زي النقل وتحمل الصدمات والحوادث لاقدر الله ، اما باقي العربيات الحديثة المنافسة علي (علب) يعني لو حملتها زيادة ممكن تزحف وممكن تحك في الارض لو اخدت مطب لان العربيات المنافسة علي علب وليس شاسيه و العلب خطر في الحوادث لاقدر الله ممكن تتطبق بسهولة ، يعني الراش جسم جواه عضم وغيرها من المنافسين جسم بدون عضم. - الراش دفع خلفي وليس جر امامي (زي المنافسين) وده بيسد معاك في الحمولات الكبيرة والعزم، ومفيش حاليا في مصر عربيات دفع خلفي غير النقل والميكروباسات والجر الامامي اللي في العربيات المنافسة بالفعل بيكون اسرع من الدفع الخلفي في بداية السحب والسرعة لكن في الزنقة لما تكون محمل العيلة وحاجتك وشنطك ومزنوق ومحتاج عزم وقوة للاسف الدفع الامامي هيعمل معاك دقة نقص لكن الدفع الخلفي بتاع الراش هيسد معاك. - التكييف بتاع الراش قوي جدا ولايقارن بأي ماركة تانيه لأن تويوتا معروفة بقوة تكييفاتها عشان كده منتشرة في دول الخليج عشان الجو عندهم حار جدا. - موتور الراش حديد ومعقول في القوة ومش موتور جري ولاسبق لانها مش عربية جري ولاسبق وانما عربية المهام الشاقة والتحمل والقوة والعائلية، والعربيات المنافسة اللي بتتميز بخاصية التيربو ، التيربو ده معناه الضغط علي الموتور بصورة كبيرة مع زيادة استهلاك البنزين لكي يتولد طاقة اكبر والعربية تتسارع وتجري وللاسف توليد الطاقة الاكبر بيولد حرارة اكبر وبيسخن الموتور فبيحتاج تبريد اكبر لان العربية بتسخن من كتر ضغط التيربو عليها وطبعا ده اكيد بيقصر عمر المحرك من كتر الضغط عليه. - الراش اقتصادية في استهلاك البنزين - عوامل الامان في الراش موجودة في كل فئاتها مثلا ٦ ايرباج في الفئتين مش زي المنافسين يحط اتنين فقط والباقي بفلوس ولازم تدفع. وفي الراش عوامل السلامة والامان محطوط في الفئتين زي بعض ، يعني تويوتا خايفة علي الناس سواء فئة اولي او تانية والسلامة فضلوها قبل الفلوس، والمنافسين عشان يزودلك الامان او حتي زرار زيادة لازم تدفع زيادة. - سيارات تويوتا عموما معروفة ولها تاريخ في الاعتمادية وقوة التحمل وأعطالها تعتبر صفر بالنسبة للشركات التانية ودي حاجة معروفة للكل وبدون نقاش وتوكيلاتها محترمة ومن الاخر. - قطع الغيار متوفرة في التوكيل وبره التوكيل ويمشي معاها قطع غيار عربيات تانية زي الافانزا والتيريوس والكورولا في بعض الحاجات - اهم عيوبها: -السحب البطئ في البداية لكن بتجربة الملاك بعد ماتعدي ال ٨٠ كم بتبقي طلقة وسريعة جدا -الصوت عال نسبيا وبتجربة الملاك بيتحسن مع زيادة الكيلومترات وخصوصا بعد ماتعدي ال ١٠ الاف كم -والعفشة ناشفة عشان العربية عالية طبعا فطبيعي تكون ناشفة شوية -العزل فيها مش الافضل - والتقفيل من جوه متوسط ومش فخمه الخلاصة الراش مش عربية فخامة ولارفاهية ولادلع انما من الاخر عربية ((دكر)) وبتاعت شغل وشقي وحمالة اسية وتستحمل وتريحك من الاعطال ووجع الدماغ وعائلية بامتياز.

تحياتي لك من السعوديه . كنت محتار بين الكابتيفا والراش ... الكابتيفا و توكلنا على الله .. المكينه حسمت الامر

باشا ملاحظات بسيطة اكسباندر تعليق خلفي تورشن بيم في كل الفئات اكسباندر فيها 2 وسائد هوائية فقط تويوتا راش فيها 6 وسائد هوائية في كل الفئات تويوتا راش دفع خلفي تويوتا راش تقفيل اندونيسي و ليس تركي

انت انسان محترم بس استاذ مجدي الكابتيفا الغيب القاتل انها صيني واكيد الاعماديه زيرو وكمان مشكله التربو مع البنزين ٩٢ مشاكل وصداع عزم أقوى لكن انا عايز سيارة اعتماديه وعمليه انا اشوف الراش والاكسبندر الأفضل في الاعتماديه والمواتير معروفه ومجربه

انا احب اشكرك على اسلوب كلامك المحترم وعدم تحيزك

انا اعتقد ان الكابتيفا افضل واحدة من حيث كل شئ غير أن أسعار الصيانة و قطع الغيار نزلت بسعر معقول في التوكيل

انا شفت عرض للكابتيفا فيها apple car play بس لازم توصل الايفون بالكابل مع فتحة usb ويعمل navigation and Siri and all features

أعتقد إنه كان من الملائم إضافة بروتون إكسورا و ستروين سبيس تورر للمقارنة...

بصراحه انا معجب بطريقة المراجعة الاحترافية وبالتوفيق دايما وتحياتي ليك وكل سنه وانت طيب اتمني مراجعة Honda CRV Honda accord 1.5 Mini countryman لانه علي الرغم أنه مقارنة بين عربيتين SUV بس محتار اشتري ايه وايه رايك ف resale value للعرببات دي انا عارف ان accord لسه جديده علي مصر مع الموتور الجديد بس انت متوقع ايه وتحياتي مره تانيه

الكابتيفا مش متصنفة MPV الكابتيفا compact crossover

ياريت حضرتك تقارن الكابتيفا الجديده بالقديمه ٢٠١١ مثلا وشكرا

استاذ ماجد كنت حابب اسأل اي سيارة افضل كابتيفا او تيفولي xlv

شكرا لاسلوبك السلس. الكابتيفا سيارة مغريه فى حاجات كتير بس تقلق فى كلمة صينى. عدم وجود صاج الموتور تصفيح إيه اضرارة وممكن يكون ليه حل. ثانيا جودة الخامات الداخلية محل استفسار. ثالثا بالنسبة الصيانه هل متوفرة خارج التوكيل. رابعا إيه حقيقه إن السيارة أخدت الترتيب الخامس فى أسوأ سيارة اعتماديه فى أوروبا ٢٠١٩.شكرا لحضرتك

بالنسبة للدفع الأمامي والخلفي أيهما أفضل انا هاشتري واحدة فيهم خلال أيام من السعودية ترشحلي مين ؟

تجربة اكسباندر ضروري ياهندسه

بليز ممكن تعمل مراجعة عن الاكسباندر

ممكن ريفيو للاكسبندر

محتاجين تجربة كاملة للمتسوبيشي اكسباندر ضروري

الراش تصنع فى إندونيسيا مثل الأكسباندر

لماذا لم تذكر MG RX5 فى المقارنة ؟ من فضلك قارن بين كابتيفا و ام جي

انا بثق في تقييمك للسيارات ... تحياتي لك

الكابتيفا بعد كام شهر الشباب هتعمل ابديت وتنزل الابل كار بلاي عليها بنسبه كبيره.

كنت محتاج تضييف tiggo 8 بالذات ان شيري اثبتت اعتماديه فمصر

طيب ما حضرتك يا اساذ مجدي ايه رأيك تعمل ريفيوهات للتويوتا رش والاكسباندر حتى تبقى المقارنه واقعيه واكثر عدلا

Greetings Maged, very curious about your thoughts on the Toyota rush. I live in south Sinai and plan to buy it because it seems to be the most practical car for my families needs. All the best!

ممكن تتكلم عن الكابتيفا 2023

كلامك الأول كان أكثر منطقيه ... يعني تقارن الكابتيڤا بالMG ... أو الچيلي إمجراند X7 ... لسه ما حدش جرب قيادتها بس مجرد توقع ... وأعتقد إنه الأقرب للصواب ... تحياتي يا ماجد بك ..

طيب جراند سى 4 سبايستورَر؟

بالرغم انهم من نفس الفئة بس تحس بفرق كبير بين الكابتيفا والاخوات الياباني

عايز رأيك في الباسات B5 من 1996 الى 2005، من حيث توافر قطع الغيار والاعتمادية، وهل ممكن أركبلها مثبت سرعة او لا، وهل في منها موديلات كانت بتنزل بمثبت سرعة؟

احذر تاخذ كابتبفا الصينية تبع شيفرولت بتتبهدل السيارة كثيرة اعطال سيئة التصنيع والكلام هذا من مهندس صديق لي يشتغل في الصيانة عند شيفروليت لما سالته عنها لما فكرت اشتريها

ممكن مقارنة ما بين suv C5 / GRAND LAND/ FORD KUGA /WV TIGWAN /3008 & 5008

حسب إعلان الشركة لكابتيفا من بيانها الصحفي .....تستهلك السيارة 8.4 لتر / 100 كم

ماجد حلقة مقارنة بين أكليبس و سى 5 وأتيكا عايزينها منك يا بطل

وكمان تتقارن بـ زوتي t500

انتا بصراحه جميل ربنا يوفقق

ممتاز المقارنة .. سؤال لو سمحت .. لو هجيب الكابتيفا او التيجو 8 اشتري ايه ؟ وهل ليك فيديو عن التيجو 8 ؟

تحفه تحليلك ألف شكر لحضرتك

حضرتك بتقارن دايما على اساس ٧ راكب ياريت من فضلك قارن على اساس ٥ راكب SUV عادي في نفس الفئه السعريه الداستر َالقشقاي مثلا وايه رايك تحديدا في الداستر وانا عارف طبعا انها مش ممكن تتقارن مع التوسان لان أشعر أن التوسان افضلهم في كل حاجه لكن اغلاهم اشكرك جدا جدا

طب ايه الفرق بين captiva و equinox؟؟

استمر جميل والله تحليلك

أستاذ ماجد كل سنه وإنت طيب بحترم طريقة تفكيرك جدا هل ابيع كارينز 2010 عاملة 130 الف و اشتري تويوتا رش زيرو و لا مش تفكير سليم ؟

الاكسباندر عملتلها اول صيانه بتاعت ١٠الف كيلو ب١٣٠٠ج وده كويس بالنسبه للعربيات في الفئه السعريه دي غير ان استهلاك البنزين قليل جدا مش زي محضرتك قولت والعربيه شاشتها مفهاش اندرويد اوتو او ابل كار بلاي بس في تطبيق بينزل عالموبايل للشاشه بيخليك تتحكم فيها عن بعد غير ان بيجي مع الشاشه ريموت اصلا للتحكم عن بعد غير عايز اقول لحضرتك ان الصالون الداخلي للتلاته اكترهم صلاحيه للعائلات بتاع الاكسباندر لان العربيه فيها ادراج كتير واماكن تخزين كتير جدا وفيها حساسات مطر بس فهي صراحه عن تجربه افضل من الراش بس معرفش مقارنتا بالكابيفا وده رايي بكل صراحه كمالك اكسباندر بعد تجربه ليها وللرش لان الصراحه الراش غير ثابته تماما وصوتها عالي جدا والعزل فيها سئ والماتور دفع خلفي بيستهلك بنزين اكتر والكرسي الاخير السقف قريب عليه فالهد روم وحسه شويه للبالغين غير ان شكلها من جوه قديم جدا عن الاكسباندر اتمني اكون قولتلك كل حاجه بناء علي تجربتي للعربيتين وشكرا

هل ممكن ترتيبها من الأفضل كودياك ،٥٠٠٨،c4،كابتفيا

استاذ ماجد لو سمحت ايه افضل سياره عائليه واسعه suv للمدينه وتكون عمليه في رينج ٢٠٠ : ٢٥٠ الف؟

انا رأيك بيعجبني بحس انك انك بتقول وجهة نظري

شكرا لك .. ايش المقصود بالعفشه ؟ الشي الاخر التيربو متعب جدا في الصيانه واعطاله كثيره خاصة على المدى البعيد بعد الاستخدام . فانا افضل التنفس الطبيعي ..

انا عارف ان الفيديو قديم ولكن معلومات كتير قلتها غلط للأسف اولا: وزنهم مش واحد و الراش تعتبر اقلهم في الوزن ثانيا : العفشة من الأمام واحدة ولكن من الخلف تختلف الراش عنهم ثالثاً: الة الجر ووضعية المحرك حيث تختلف الراش عنهم رابعاًً: اداء التكييف مختلف حيث ان الكابتيفا ضعيف جداً خامساً: مشاكل المحرك التي ظهرت في محرك الكابتيفا سادساً: وسائل الأمان تختلف الراش عنهم في انها 6 اير باج و ده فرق مش هين سابعاً: الأرتفاع عن الأرض مختلف بينهم ثامناً: الكنبة الأخيرة مختلفة جدا بينهم

حلوه المقارنه بسيطه وواضحه بس لي استفسار هو التويوتا الراش دفع خلفي هل ده افضل من الدفع الأمامي بالرغم من فرق القوه بينها وبين الكابتيفا

ليه ماضيفتش الكيا كارينز

طب كيا كارينز زيهم ولا لأ

كابتيفا ❤️❤️

باشا ممكن مقارنه كابتيفا ب داستر رينو فى الفئه التانيه و الثالثه؟

ايه الفرق ما بين بيجو 2008 موديل 2020 مع

الرش إندونيسي مش تركي ودفع خلفي مش أمامي

عاوزين مقارنة بين الكورولا والالنترا والسيراتو

مساء الخير .. رفيو ممتاز . انا متابعك من زمان . بس لي سؤال بعد ما جربت الكابتيفا . ايه رأيك في الراش لانها عجباني اكتر ومحتار اشتري انهو كابتيفا ولا راش

ال٢٠سم الزيادة فى الكابتيفا فى الطول ولا فى العرض؟

لو سمحت فيه فتحات تكييف للمقعد الثالث في السياره ٧ راكب ام لا ارجو الرد

استهلاك بنزين الكابتيفا ضعف استهلاك الاكسباندر و الراش ..

الراش suv مش mpv لأنها دفع خلفي والشاسيه منفصل عن الكابينة 😉

ليه شيلت السيتروين جراند بيكاسو من المقارنه ؟mpv

ممكن تكلمنا عن mgrx8

انت مش باصص للكاميرا ليه ياماجد

استاذ ماجد كتب لك أمس ولم ترد سياره عائليه واسعة suv ب350 الف

لو سمحت بعد الفترة اللى فاتت اللى بعد الناس أما جربت كل العربيات. ايه رايك ايهم افضل حاليا

معاك محمد سامح، مدير تحرير موقع أوتوموتيف جي تي اللى مكتوب فيه المقارنة، سعيد إن الموضوع عجبك للدرجة دي وقررت تحوله ڨيديو، كنت أتمنى بس لو تذكر المصدر 🙂

Maybe a comparison with RX5

تحياتي باشمهندس. راش صناعة إندونيسيا مصنع دايهاتسو

وليه مافيش ولاواحدة فيهم فيها دفع رباعى؟

هل في اي اختلافات بين كابتيفا ٢٠ و ٢١؟؟؟؟

نسيت سيتروين c4

هو العربيات دي بتدخل كراش تست؟

انا بس تعليقي علي اي عربيه ٧ راكب .. او حتي عربيه compact suv العربيات دي اساسا بتجيبها للاستخدام العاءلي... وتفاجيء ان مفيش ستاءر حانبيه ايرباجات للركاب الخلفيين... الاهتمام كله بالساءق و الراكب الامامي... حاجه مستفزه.. كأن اللي بيركب ورا ملوش لازمه... عشان كده انا شايف ان افضل باكدج امان مع قيمه مقابل سعر هي c4... مع تحفظي انها مش عاليه عن الارض

التويوتا ناعمه وفي اعاده البيع افضل وتوكيلها محترم علامه تويوتا لوحدها بفلوس حتي لو عملو تكتوك لانها اكبر شركة مبيعا في مصر انا عندي الوحش فورتشنر الفئة الاعلي وعندي الراش

يا بشمهندش انا مصمم جرافيك لو حضرتك احتاجت اي حاجة تخص القناة من ناحية الجرافيك انا مش هتأخر ان شاء الله

المهم هل هاتستمر ولا سنه وملتجيش زى اكوينوكس

معلش استفسار يا ماجد بيه ليه الكابتيفا مش بتنافس سكودا كاروك وفرق السعر تقريبا ضعف الثمن رغم أن الأثنين ٧ ركاب ارجو التوضيح من فضلك ؟؟؟؟

هل الكابتيفا تقابل التوسان

رينو داستر أفضل من شيفروليه كابتيفا أعتقد ذلك ما رأيك ...

ايه رايك فى الكريتا هيونداي

السلام عليكم هل محرك الكابتيفا هو نفسه محرك الماليبو و الإنسيجنيا.

فورد سي ماكس ٧ راكب؟؟؟

انا كنت افضل تشيل الرش ..و تحط مكانها بروتون اكسورا ..التيوتا الرش عربية سيئة جدا و خاماتها و تسارعها و عزمها و سعرها اسوأ !! ..الميزة الوحيدة اللى فيها هى اعادة البيع فقط .. ومن وجهة نظرى ان سعرها العادل فى السوق لا يتخطى ال 250 الف

وال c4 المفروض تتقارن معاهم

نسيت السيتروين c4 picasso grand tourer

جزاك الله خير الجزاء استفدت من الفيديو كثير واول مره اعرف انه فيه سياره اسمها اكتيفيا لانه دخلت ابحث عن سياره للعائله وفكرت في اكسباندر..... رحت وكالة العيسائي وتفاجأت مقاس الكفرات صغيره جدااا وتقلق شكرا لك

هل الكابتيفا اصلا MPV ؟

هل الكابتيفا فعلا دفع رباعي؟

طيب ايه رأيك لو هستخدم الكابتيفا اجره اقاليم بين المحافظات تنصحني بيها ولا واحده من المنافسين خصوصا كلهم 7 سيت

لو سمحت هو فعلا الراش والاكسباندر وزنهم اتقل من الكابتيفا؟

انا بفكر اشتري كابتيفا بس كله بينصحني اني اصبر شويه على شهر 8 لأن هينزل موديل 2021 وعلى فكره السيارة انا سالت المعرض قالي ان فيها ابل كار بس مش اندرويد كنت بسأل رأي حضرتك ايه ؟

ماجد المقارنه موضوعيه وحلوه جدا .بس التويوتا راش نادرا لما هتلاقي حد بيفكر فيها لأسباب كتير جدا. و المتسوبيشي كسعر اعتقد عالي ومش جذابه كشكل رغم كل مميزاتها ومحققتش مبيعات كويسه. اما الكابتيفا اعتقد انها خدت الاضواء و هتنتشر الا اذا حصل جديد في السوق

الكابتيفا فى انجلترا مصنفه خامس أسوأ سياره من حيث الاعتمادية و ظهرت بها مشاكل أهمها مشاكل بالفتيس

الكابتيفا مش mpv

تويوتا راش و اكسباندر و كابتيفا ( عدا البريمير ) العفشة الخلفية كبل تورشن بار .. وسائل الأمان مفيش ثبات الكترونى فى الراش و الاكسباندر .. و أغلاهم الكابتيفا ..

الكابتيفا تكسب فى كل حاجة قوة و عزم و شكل لانها شكل SUV اما الراش و الاكسباندر فشبه الميكروباص ... الكابتيفا نقارنها مع فئة suv او الكروس اوفر احسن و نعتبرها تشيل 5افراد .. يبقى مشكلة واحدة فيها و هى الثبات .. نرجو ان يكون ثباتها معقول لانى قلقان جدا من ثباتها و ده السبب الوحيد اللى مخلينى خايف اشتريها

الكابتيفا دفع أمام ومو خلفي

استهلاك بنزين شيفورلية كابتيفا لن يقل عن 10 لتر بالبلد و 9 لتر عالسريع ... التربو غير اعتمادي نهائيا و عمرة قصير و فتيس كابتيفا سي في تي و دا بيتدمر بسرعة جدا جدا في الزحام. .... التويتا تويتا و مش محتاجة فصال و لا مقارنة.... ممنوع المقارنة مع تويتا

وال c4 المفروض تتقارن معاهم