من اشهر انواع إضطرابات التفكير هو تخوين شخص بعينه و دا يعتبر فصام ذهاني جزئي او شيزوفرينيا جزئية 

اضطرابات التفكير
اتكلمنا عن مرض الشيزوفرينيا او الفُصام الذُهاني و حابب اتكلم لأن ناس كتير قالت انت بتتكلم على مرض كبير اوي بس في جزء من الأعراض اللي انت قلتها موجودة عند مراتي او جوزي او ابني او كذا ...
في مرض اسمه Delusional Disorder و هو من اضطرابات التفكير و اشهرها على الإطلاق دلوقتي بنشوفه
اضطراب التفكير بتاع الخيانة
يعني فكرة ضالة- خاطئة موجودة في عقل الرجل او المرأة
ان شريك حياته بيخونه و الفكرة دي عاريه تماما من الصحة
بتبقى بشهادة العائلات و الشوارع و الجيران و كله
المرض دا أكنه شيزوفرينيا Schizophrenia أكنه فُصام ذُهاني جزئي
جزئي يعني ايه؟
يعني المريض بتلاقي كل مناطق حياته ماشية مظبوط في شغله و كل علاقاته و عبادته تمام التمام إلا في الفكرة دي و مَن داخلها
يعني لو راجل ب يشك في مراته هى بس مراته بيقولك ' لما بروح الشغل دي لا سمح الله بتقابل حد' و لا كذا
و العكس بالعكس
بتيجي عند الستات بردو على الرجالة ' لأ دا هو و هو نازل من العماره ببقى قاعدة في الشباك و بشوفه و بيتأخر ٥ دقايق، هو بيعدي على حد من الجيران قبل ما يمشي '
ربنا يشفي كل مريض
الأفكار الضالة دي و اضطراب الفكرة الضلالية ما بتخفش بالمنطق و الإقناع كسائر الأمراض اللي بتفقد الإنسان بصيرته و حُكمه على الأمور
ربنا يجيب الشفا ان شاء الله من المرض ده بالعلاجات الدوائية او الجلسات التنظيمية الإيقاع المخ
ربنا يشفينا جميعا