الي ماجرب الكامري الهايبرد يقول ماتنفع للخط وهي توفر اكثر من البنزين بالخط والفرق ملحوظ ومب بسيط وبالنسبه لعبدالحق ظلم الهايبرد جرب فئة ثقيله جنطها ١٨ ضد ستاندر خفيفه جنطها ١٦ وانا راعي خطوط ومعي كامري هايبرد ستاندر ولو رجع بي الوقت بشتري هايبرد انا تمشيني مدينة ١٢٠٠ كيلو اذا مروق واذا استخدام ثقيل ٩٠٠ كيلو كحد ادنى بالمدينة بالخط تمشيني ٨٠٠ - ٧٨٠ كيلو مثبت على ١٤٦ ومعي ركاب لكن لاتنسى ان التانكي ٥٠ لتر بس اعبيها احمر اذا فاضيه مره ١٠٧ ريال بينما البنزين تعبيها ب ١٣٦ ريال وتمشيك ٩٠٠ على سرعة ١٤٠ هذا كله كوم والهدوء والنعومه والمواصفات كوم ثاني برا الحسبه والحياة مرة وحدة استمتع وانبسط بالهدوء والراحه والمواصفات ومهندسين تويوتا مب منزلين شي الا وهم ضامنين سمعتهم فيه وفيه ناس تقول الهايبرد ماينفع بالمطر ، اول ما اخذتها ووصلت الف كيلو نزل مطر قوي بالرياض واضطريت ادخل بمنقع مويه وصل الرفرف والموتر الى يومك شغال ومافيه الا كل خير سيارتي كامري ستاندر هايبرد ٢٠٢١ والله يبارك لنا ولكم
حاب انقل لكم تجربتي الخاصة مع سيارة كامري هايبرد 2023 بخصوص الصرفية افضل من كذا بكثير والقير ممتاز خصوصا بالخط ومع تثبيت السرعة ماتسمع اي صوت للمحرك حتى لو جاك صعود ونزول ماتحشر واعرف اشخاص معهم 2019 ماشية فوق ال 200 الف ما اشتكو من القير ابد ، من تجربة الفل داخل المدينة يمشي الف كم بمعدل استهلاك 22 كم للتر الواحد اذا استخدامك هادئ خاصة اثناء التسارع وسرعتك حدود 80 الى 110 كم بالساعة وتخليها تتباطئ على راحتها على شان تشحن البطارية ، طلعتها من الوكالة فللتها احمر 95 كانت اصفار ولعت لمبة البنزين بعد ممشى 950 كم ممكن امشي زيادة ، طبعًا شتاء بدون مكيف ، وبالخط يمشي من 800 الى 900 كم ، بفل واحد من مكة الى حائل (870 km) + مشوار داخل المدينة المنورة حول 30 كم، بالنسبة للسرعة طريق مكة المدينة المنورة سرعة 145 ، المدينة حائل سرعة 129 من تجربتي الخاصة ومع تشغيل المكيف ثلاث ركاب والشنطة فل اغراض ، التانكي 50 لتر عبيت بعد الرحلة والوصول الى حائل 47 لتر ، اي انه باقي 3 لتر بالخزان بمعدل استهلاك 19 كم للتر الواحد خط ، يعني بقالها حول 50 كيلو وتطفي على الرغم ان مطلع بالعداد ان المسافة المتبقة صفر قبل 50 كيلو ، للمعلومية التجربة تمت ونا مشغل ال ECO واسلوب القيادة له تأثير كبير وممكن تفرق من شخص لآخر واذا فهمت لآلية عمل نظام الهايبرد تقدر تحسن اسلوب قيادتك وتوفر بالبنزين من وجهة نظري اشوف ان فرق السعر بين قيمة الكامري العادية والهايبرد حول 3000 فقط وتحصل على صرفية افضل وسيارة افضل بالعزم وناعمة بالتسارع والشكل اجمل خاصة بفئة ال gle وضمان افضل ، الأشياء اللي ذكرتها يخليها تتفوق على الكامري العادية بفرق سعر بسيط ، تعليقي الوحيد على الكامري بشكل عام العزل الهوائي يحتاج تحسين اما بقاي الأمور مثل الراحة والنعومة والعزل الأرضي ممتازة .
كصاحب كامري هايبرد2022 مستخدم لمدة سنه ونصف لو رجع بي الزمن بشتري كامري هايبرد او اي سياره هايبرد من تويوتا سياره كويسه موفره وعمليه . الي ما تصلح له الهايبرد من وجهة نظري الي يبغى الهدوء والعزل لا يروح لتويوتا ابداً الي يدور العمليه والصرفية الكويسة ياخذ كامري وهو مغمض . عيبها عزل الهواء وراحة مقعد السائق في الخطوط ممكن تكون الاسوء من ناحيه عزل الهواء واصوات الضجيج الخارجي.
فيه نقاط مهمه لم تذكر والاغلب م يعرفها لا اله الا الله والحمدلله اول شيء عندك زيت المحرك اذا تخليقي وبالكامل 5w30 او0w20 ترا يفرق بالصرفيه والعزم واذا كان اعلى بيكون العكس النقطه الثانيه الهايبرد تصلح وسط المدينه ورجال رجله خفيفه م يسرع ولا يدعس النقطه الثالثه نوع البنزين الافضل95 ايضا عندك تانكي البنزين ٤٨ لتر فله ب١٠٧﷼ النقطه الرابعه لازم تهتم بالصيانات الدوريه بسبب النقاط اللي فوق راح تمشيك ١٠٠٠ بالراحه وفالشتاء اكثر طبعاً الخط تمشيك م بين٧٠٠ الى٨٠٠ ع حسب دعستك اذا راعي خطوط يفضل تاخذ الكامري العاديه سمعت انها تمشي٩٠٠ الى٩٥٠ سرعه اقل من١٢٠ واعتقد بسبب ان تانكي الكامري العاديه٦٠ لتر وهذا يفرق ١٢لتر انا جربت الاثنين وافضل الهايبرد من تجربتي الشخصيه افضل فالصرفيه والهدوء والقير م يعشق كثير نفس العاديه٨ نمر وبالعكس الCVT حق الهايبرد ريح م تحس فيه الا اذا دعست الدعسه كامله تحس بالعزم وهي مصنوعه للناس الراكدين اللي يبون الاقتصاديه ايضا الزيت يكفي ٤ لتر تغيرهم بين٨٠٠٠ الى١٠٠٠٠وهذا يفرق بالصرفيه والميزانيه انا اركب زيت شل او بترونايز ب٢٧ اخذه من الجمله و السيفون برقم القطعه ب٤٥﷼ وانتبهوا من البناشر ترا فيه غش بالزيوت دائماً احرصوا ع الشراء من مصادر زيوت موثوقين طبعاً الصيانات اللي هي فلتر البطاريه وسعره٣٧ تغيره كل ٢٠ الف و فلتره المكيف كل٤٠ الف ب٢٥٠﷼ وفلتر المكينه كل٤٠ الف ناسي كم سعره وزيت القير كل٨٠ الف ب٢٠٠﷼ وتغيره عند فني يكون عنده مضخه فقط ب١٣٠﷼ ياخذ ع حسب الفني وسهل وبسيط وكل ١٠ الالف تحط منظف بخاخات ب٤٥﷼ هذي تعليمات الوكاله واذا م حطيت ترا تمشي بس بعد فتره تضعف عليك الصرفيه وتسوي تصفيه هذي للناس اللي تهتم في سياراتها واعرف ناس م تهتم وماشيه معهم مثل الحلاوه لاكن راح تضعف عنده الصرفيه وممكن يتسبب في مشاكل اخرى من الشايعات اللي سمعتها يقولون البطاريه تخرب وحراره ومدري ايش غير صحيح وترا الان لها فنيين مختصين مثل الدحلان بالرياض فاهم فيها وانا في قروب اهل الهايبرد م قد سمعت ان فيه احد صارت معه مشكله في البطاريه الهجين مره واعرف ناس مشو عليها٥٠٠ مديل١٨ زي اللوز معهم ويمدحها ويكد عليها اوبر ويقول اذا بشتري سياراه جديده راح اشتري هايبرد وتايوتا معروفه بالجوده ودائماً اي سياره تستخدمها كل م تعطيها من اهتمام ودرايه تعطيك كرف واداء طويل انقل لكم تجربتي الدقيقه موتري مديل٢٠
واذا تكلم عن اي سياره ثانيه مثلا السوناتا و الكامري انت التانكي عندك 70 لتر و الكامري 50 فرق واضح واذا تبي تعرف الهايبرد كويس او لا قارن بسوناتا هايبرد وتعرف النتيجه 👌
انا عندي كامري هايبرد 2022 من الفل لي ضوء علامه البنزين تمشيني 1100 كيلوو لو بنقسم ال 1100 كيلو على 50 لتر راح يطلع التر الواحد يمشيك 22 كيلو ، طبعاً من تطلع العلامه امر طبيعي يكون بالخزان اقل شي 5 لتر احتياطي ال 5 لتر ايضاً نضربهم ب 22 يطلع الناتج 110 ناخذ هذا الرقم ونضيفه على 1100 راح يطلع الناتج 1210 كيلو اصبح الكامري الهايبرد يمشيك 1210 كيلو من الفل لين يطفي معك المحرك من الوقود ،،،،،،،، اما الكامري البنزين سعه الخزان اكبر من الهايبرد ب 10 لتر سعته الكامله 60 لتر يعني انت تتكلم عن فرق البنزين تاخذ اكثر من الهايبرد ب 23 ريال والبنزين بتمشيك حسبه كامله 1000 كيلو من الفل لين تطفي نهائي والحين لاحظ الفرق الرقمي قدام عينك يفرقن عن بعض 200 كيلو والهايبرد اقل ب 23 ريال اصبح الهايبرد تفيدك عن البنزين ب مسافه 200 كيلو وتوفرلك 23 ريال وتعال خلنا نحسب ال 200 كيلو كم فيهم لتر الله يطول في عمرك فيهم 7.5 لو نبي نضربهم كل لتر سعره 2.33 راح يطلع معك الناتج 40 ريال يعني الحسبه النهائيه الهايبرد تفيدك بالمسافات حق 40 ريال الي اهم ال 7.5 وتوفرلك 23 ريال هذي حسبه يبيلها مخ شغال 😊 طبعاً تجربتي لها استخدامي للهايبرد مدينه وسفر نفس الصرفيه لأني بالسفر ما اتجاوز سرعه 120 اتمنى يكون الشرح واضح وتمنى يستفيدون منه الكثير
اخوي فواز مع احترامي لك وكل من استشره بالهايبرد كلكم مضيعين اهم نقطه وهي ان خزان السيارات الهايبرد صغير الكامري خزانها 50 لتر فقط يعني تفرق عن السوناتا 10 لتر وكذا تكون عندك نسبه التوفير كبيره جداً مالياً
لا تشتري والسبب بعد كم سنة نقول ٦ سنوات نقول سعر بطارية ١٦ الف يعني دفعت حق البنزين واكثر والشي الثاني الهايبرد ممكن يصرف بنزين اقل واما اذا مشيت الطرق السريعة مثل السفر تصرف كباقي السيارت ذات المحركات البنزين .
ياخي كل الي يتكلمون عن الهايبرد ما استخدموها ! اغلب الي يتكلمون عنها ومنهم صاحب هالقناه قالي رجال وسالت فلان وقالي علان !؟ وحنا هنا ماندري وش الوضع ناخذها ولالا
عطيت وجه نظرك وحاب اصحح لك اذا تكلم على الكامري الهايبرد و البنزين فقط ف الهايبرد موفر بشكل ملحوض بنزين زيت بواجي فحمات 1-الهايبرد يمشي قرابه 750 كيلو واكثر على تانكي 50 لتر البنزين يمشي 800 على تانكي 60 لتر 2-الهايبرد امش على زين المكينه 5 الاف كيلو تسحبه نظيف وافضل من البنزين بكثير ممكن تكشي 8 الاف على الزين البواجي في االهايبرد و البنزين الفارق بينهم قرابه 25 الف كيلو الفحمات بين الاثنين عمر الهايبرد اطول
اعجبني ردك و وجهة نظرك، لكن لو قلنا ان اللي بيشتري الهايبرد رجال راعي خطوط ما راح تفرق معه الا قليل جداً لانه اغلب الوقت بيكون شغال على البنزين وفيه اكثر من شخص جربوا على اليوتيوب، لكن داخل المدينه بسرعات منخفضة الهايبرد تتفوق بجدارة و لا يمكن انكار هذا.
لا مالها وقت معين اعرف ناس معهم مديل١٨ ماشي فوق٥٠٠ الف الى يومك ذا معه امورها تمام ويكد عليها كد وكرف ليل نهار وانا معي كامري٢٠ مطلعها وكاله والى يوم ذا زي اللوز الموتر صناعه يبانيه جوده عاليه وشف اغلب شركات التكاسي يشترونها اللي تخاف منه الكوري والصيني والامريكي والشعب هاب فيها تروح عليهم مكاين وخرابات عدد شعر راسك 😂
معليه انا ابغى سيارة داخل المدينه اما موضوع الخطوط ماني فاضي مخالفات احجز طيران واستاجر سيارة بقيمة المخالفات والهايبرد شفته في دبي ماشي 560 الف ولا غير بطاريه
هذا شي راجع لك، لكن ليس كل المدن او المحافظات فيها مطارات، غير كذا انا اقول ان اللي يشتري هايبرد وهو راعي خطوط خسران لكن اللي يشتري عشان استخدام داخل البلد كسبان.
عندي هايلكس تشتغل بالملاعقه والمكيف مروحه صغيره عند القير وقت الصيف احيانا تشتغل لوحدها والسياره مطفيه . مادري كيف بس اشك لاني قد صدمت لي بسه مع اذان المغرب😁
عندي هايبرد كامري ٢٠٢٣ التانكي ٥٠ التر دوامي يبعد ٨٤ كيلو عن المنزل يعني شبه خط ومدينه استخدامي التانكي يمشيني لي ما تولع اللعبه ٩٣٠ كيلو وعندي ٥٠-٦٠ كيلو بعد ما تولع اللبه وقريبا راح انزل تجربه الصرفيه على قناتي
انا استخدم هايبرد ومفتك من صرفية البترول فل تانكي يمشيك 950 كيلو ف المدينة يا عمي الفرق كبير جداََ هدوء الايل تغيره لسه مو متغير لونه فضيع هدوووووء راحة تبغي موترك مايصرف دائماََ تعبي فل
قير cvt في الهايبرد يختلف عن cvt العادي الاسم يعني تعشيق لا نهائي, في الهايبرد محركات كهرباء تعطي تعشيق لا نهائي عكس cvt العادي يعطي تعشيق لا نهائي بحزام وبكرات
ياخي ارجع لموقع EPA الكامري الهايبرد وشف فرق الصرفية. الكامري الهايبرد داخل المدينة ٣٠٪ داخل المدينة فقط لكن لان التانكي اصغر فالمسافة طبيعي مقاربة للبنزين. اذا انت تمشي فوق ٥٠ الف كيلو بالسنة داخل المدينة مثل اوبر خذ هايبرد غير كذا لاتضيع فلوسك. اي سيارة مو كامري.
أنا عندي ألتيما v4 و أيضا أحيانا أسوق أفالون v6 صرفية فالخطوط 600km تقريبا المسافة كلا السيارتين تعطيني 14.8km/L لكن فالمدينة صرفية V4 افضل طبعا بسبب الحجم و وزن السيارة أقل، CVT ماله دخل لأن لو تجيب كامري V4 أتصرف نفس ألتيما V4 ملاحظة لا تقارن بكم نقص من مؤشر البترول يمكن بنفس المسافة حتى لاندكروزر يستهلك نصف خزان البترول لكن يفرق نصف خزان البترول من سيارة لسيارة، لازم تعطينا قراءة كمبيوتر السيارة KM/L، البعض يقيس بالسعر و البعض كم نقص من خزان البترول ماله دخل هذه الأشياء إما تعبي السيارة فل و تحسب كم عبيت بعد الممشى او تعطينا قراءة الكمبيوتر أنا رأي خذ هايبرد إذا همك الصرفية خذ بنزين إذا همك مواصفات السيارة لأن الهايبرد فالأغلب يجي بدون مواصفات إلا إذا تاخذ لكزس لكن يكون سعره غالي جدا
@@saeedal4196 بناء على أسعار البترول الحالية غير مجدي إذا تمشي خطوط لكن إذا أغلب وقتك مدينة او واقف على مكيف السيارة خيار ممتاز لكن بشكل عام توفير نقود البنزين راح تصرفه في تبديل بطارية السيارة تقريبا أهم شي تاخذ سيارة سليمة بدون أعطال بعدها إهتم بصرفية
بالنسبه للراف فور الهجين هل في حال تعطل بطارية الكهرباء تتعطل معها السياره او تعمل بالبنزين فقط؟ أيضا فيه معلومه سمعتها بتاكد منها انه في حال الحوداث لاسمح الله انه الهجين لو سلمت من الحادث ماتسلم من صعق الكهرباء ؟؟
شف انا ما ادري عن الراف فور لكن اغلب السيارات الهايبرد عادي تمشي على محرك البنزين فقط بشرط انه البطاريات تكون موجودة فالسيارة وشبوكه على النظام، اما سالفة الحوادث الله يكفينا شرها بس الناس يقولون انها كلام فاضي ما تصعقك ولا شي.
سامحني بس ترى غير صحيح انا معي سوناتا ورجلي ثقيله والصرفيه تعطيني اقل شي ١٠٠٠ للتانكي اعبي ٩٥ فلها ب ١٠٦ وتشتغل على سرعات عاليه الى ١٤٠ بس لها طريقة قياده مختلفه تختلف ١٨٠ درجه عن سواقة البنزين وقير ٦ سرعات لازم تتحكم بطريقة معينه بالتنقل من المكينه الى الكهرباء
والله يا صاحبي وش اقول غير الله يبارك لك في حلالك، بس انا ما تكلمت عن السوناتا بحكم انها جديدة فالسوق، انا تكلمت عن الكامري، لكن ما شاء الله صرفية ممتازة جداً.
بالنسبة لك غيرك ما يطيق السي في تي غير كذا كثير جربوا الكامري فالخط ما تفرق الهيبرد عن البنزين اللهم الهيابرد على سرعات منخفضه وداخل المدينه اوفر بكثير
وثاني شي ماله شغل سيارة كم تمشي افرض تانكيك الف لتر ويش تستفيد انت مو طالع جبال ربع الخالي مافي محطات انت اسال في 100km كم لتر تسحب فقط ولا طرق مملكة كلها محطات الي متى ناس بتتثقف بس استغفر الله
الله يلعن البنزين لي يومين بكريم رجلي ركبة رجلي اليمين جاها الم ببيعها هليومين بشتري هايبرد اشتغل مدة ١٢ ساعه باليوم كريم واوبر تعبتني والان سيارتي للبيع لو على كيفي ماتدخل سوق هسيارة احط عليها خطين احمر لو انا بالوكالة السيارة فقط لطرق سريعه فقط اسوء سيارة شريتها كامري se ٢٠٢٢ اربع سنندر ياخي توصل تدعست البنزين لين الاخر مشان تقوم لو تعدي من مطب الي مطب ومن اشارة الي اشارة غبيه سيارة مساكين الي ماشرا هايبرد او ٦ سنندر قراندي اما انها ترجع ٥ نمر او ٦ نمر مشان تمشي او انها بشكل مفاجئ ترجع كل نمر وكانك طالع قومة الله يلعنها ليش قير ٨ نمر على محرك بنزين بدون تيربو رحت استاجرت هايبرد ياخي ماني مصدق سرعة الاستجابة حسيت سيارتي يارس ٢٠١٠ بدون حنة مكينة وبلمسة دعسه على وضعية نورمل تطير تهبع فرق تقول يارس ضد ٨ سنندر الي يبي يعرف يستاجر سيارتين وبيندم ادفع في صيانة ولا اخرب ركبتي من هسيارة سيارة بقيمة ١٢٠ الف تحن الله يلعنها بس
يا صاحب المقطع انت واصحابك شكلكم حافظين ومش فاهمين اولا شي خزانات الوقود تختلف بين سيارة الهيبرد والسيارة العادية وثانيا انت تقول الاكورد ما تصرف الاكورد تجي مكينة ١.٥و مكينة2.0يعني مكاين صغيرة تيربو ٤سلندر يعني ما تصرف بترول
يا ليت تنقل تجربتك إذا مجرب، والتجارب متوفرة في النت أيضا. أما الحكم دون تجربة وبدون دقة فلا. وفي اول المقطع لا تقول أغلبنا.. اغلبنا.. قل كثير او بعض الناس لأن اغلبنا ما يعرفها اصلا ولا جربها. او انت تقصد اغلب من جربها ؟
انا سيارتي بنزين ٤ سنندر ٢٠٢٢ se عبيتها فل لمن طلع بنزين من تانكي صفرت عداد الترب A و B مشيت مثل الشيبان داخل مدينة 100km فقط رعت محطة اعبي اشوف كم سحبت المكينة في 100km طلع لي 5.5L تقريبا ب ١٢ ريال . جربت مرة ثانية عبيتها فل لمن طلع من تانكي بنزين وقيادتها على النورمل قيادة طبيعية مع حنة المكينة المعروفة للقير ٨ نمر الغبي بعد ممشى 100km طلع لي ٨.٧ لتر يعني ب ١٨ ريال استاجرت هايبرد على ايكو في 100km 5.4L يعني ب ١١.٥٠ تقريبا وجربت على نورمل سيارة صراحه كانها ٨ سنندر صرفت ٧.٨ لتر مقارب للبنزين حبيتها وناوي اشتريها لمن ابيع البنزين المتعب لو بخسارة
عندى استفسار اذا سمحت كنت اسمعت ان الهايبرد بطاريته لها عمر افتراضى وتحتاج تغيير مثلا كل خمس سنوات وتكلفتها غاليه فوق ٧٠٠٠ الاف مثلا فلو حسبت انا كم وفرت من البنزين فى الخمس سنوات بلاقى انى حطيت مثلهم وزياده فى ثمن البطاريه هل هذا الكلام يعتبر صحيح؟
صحيح بطارية الهايبرد لها عمر افتراضي ولكن المفترض انه يكون طويل و فوق الخمس سنوات، واذا البطارية انتهت بعض الوكلاء يبيعك البطارية الجديدة و ياخذ القديمة منك ويخصم لك فالسعر خصم قوي، ولكن يضل انك وفرت قيمة وقود وحطيتها في بطارية ولكن بعض الناس لهم اراء ثانيه و وجهات نظر اخرى.
