٥ حاجات لو عملتيهم بتزودي نرجسية زوجك 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
خمس حاجات لو عملتيهم بتزود نرجسية زوجك او ابوكي او امك
ماتسكتيش ابدا على اهانات النرجسي لان دة بيزود نرجسيته
لما النرجسي يتعدى حدوده معاكي ويزود ويصعد لازم توقفيه ولازم تعترضي لان سكوتك عليه بيزود نرجسيته !!!
كالعادة حنفضل نتعلم لحد مانموت ، دراسات جديدة بتقول ان اذا تعاملنا مع النرجسي بطريقة تعزز سلوكياته السلبية وتؤكد اضطرابه، فقد يزيد ذلك من تفاقم حالته النرجسية واضطرابه.
طيب يا سيدي ايه بقى التصرفات اللي بتعزز الاضطراب النرجسي وتخليه يتفاقم ، يعني بالعربي كدة ايه اللي ممكن تكوني عملتيه زود نرجسية زوجك وخلاه يتجبر اكتر؟
١- قالك اول حاجة التمييز المفرط والتمجيد بشكل غير متناسب مع قيمتهم ،يعني المدح والنفخ زي اللي بتعمله احدى المذيعات في فرعونها المجهول دة هو دة اللي بيزود النرجسية والمصيبة بقى انها بتساهم في انتشار وتفاقم النرجسية بين الرجال وهي مش دريانة هي بتعمل ايه ،حسبنا الله ونعم الوكيل في مشغلينها
٢- التسامح للسلوك السلبي : بتقول الدراسات ان التسامح مع النرجسي في سلوكياته المؤذية بتزود إحساس النرجسي بالاستحقاق وبتؤكد له وهم انه من حقه يعمل اللي هو عايزه وان قبولك لدة منه معناه انك معيوبة وعارفة انك تستحقي الإهانة ودة لان هو أصلا من حقه يعمل اللي هو عايزه من غير ماحد يحاسبه وكل دي أفكار بتعزز الاضطراب النرجسي
٣- كمان الافراط في إرضاء النرجسي وتلبية احتياجاته لان دة بيوهمه ان دة واجبك وانك مطالبة بيه وانه يعتمد عليكي اعتماد كلي في تلبية كل رغباته ولو ماقدرتيش تلبيها في أي وقت لاي سبب فلازم تتعاقبي وبما انه بيعاقبك وانتي مش بتدافعي عن نفسك يبقى بتقبلي الإهانة والتعدي ونرجع لرقم ٢
٤- تشجيع السلوك الاستبدادي : طول ما انتي سايباه يهينك ويهين اولادك ويستبد برأيه ومايقبلش منكم أي اعتراضات وخصوصا لو انتي نصفتيه على أولاده بشكل متواصل وطول العمر فكدة انتي بتشجعيه على سلوكه الايتبدادي ودة اللي دايما الام النرجسية مع ابنها النرجسي وتنصفه على زوجته وأولاده وتحرضه عليهم وتؤكد على استبداده فغالبا اللي بيزود نرجسية النرجسي بيكون امه الأول وبعدين زوجته
٥- كمان الدخول في الصراعات النرجسية باستمرار بتديه إحساس اكتر بالاهمية وبالتالي بتزود النرجسية لانها بتحسسه انه فعلا قادر يتحكم فيكي وفي انفعالاتك ومشاعرك وافكارك فيحس انه اعظم واكبر واحسن وكل مايشوف ضعفك يشوف قوته فتزيد نرجسيته ويزيد اضطرابه.
الأبحاث بتقول انك لو ماتجنبتيش الخمس حاجات دي حتزيد النرجسية وتتفاقم والسيطرة والاهانات تتصاعد والدنيا تبوظ منك
طيب فيه ناس حتقول لي مش انتي بتقولي لنا اديه وقود سلبي وايجابي ؟ يعني دة مش حيزود نرجسيته ؟ لا طبعا احنا بنقول اديه وقود سلبي وايجابي فتات مش بافراط ،المشكلة انك في اول علاقتك بيه بتكوني شايفة فارس احلامك اللي حينقذك من حياتك اللي انتي مش راضية عنها عند اهلك او حيكمل عندك حاجة انتي محتاجة لها وغالبا بتكون القبول والحب ونتيجة للنظرة دي له ونتيجة لانك شخصية متعاطفة غالبا او حتى انسان عادي عنده مشاعر فانتي لما بتحبيب تدي بكل قوة ومش بتمنعي ولو انتي متعاطفة او اعتمادية فانتي متسامحة ولو انتي تقديرك لذاتك منخفض فبتسامحي في اللي ماينفعش نسامح فيه والتسامح عندك بيتحول لقهقرة وعدم قدرة ع المواجهة والاعتراض وخوف من وضع حدود صحية لحسن الناس تزعل منك وانتيب تقنعي نفسك ان دة التسامح عشان كمان ماتواجهيش ضعفك ومشاكلك مع نفسك وتفضلي في منطقة الراحة وتوهمي نفسك انك ساكتة عشان بتسامحي وعشان ربنا يحبك (بعض الحلات بتكون فعلا كدة لكن نادر جدا لان الأغلبية العظمى بتكون ساكتة على حاجات ماترضيش ربنا ، اللي بتوصل للتسامح الصحي الحقيقي وبيكون بس عشان ربنا لازم ربنا بيجد لها مخرج سريع مش بتفضل تتعذب لحد ماتمرض ) المهم اللي عايزة اوصلهولك النهاردة انك لازم تعترضي ولازم تحطي حدودك ولازم تتخلصي من الخوف ولازم تواجهي الوحش يعني لازم تتعافي وتتخلصي من الشخصية الاعتمادية وكل دة موجود عندنا ع القناة
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية