Touch by Mattia Cupelli https: / touch-download-and-roy...
Facebook: https: / mattiacupellicomposer
Official site: www.mattiacupe...
Twitter: / mattia_cupelli
Music promoted by Royalty Free Music Library: • Royalty Free Music ♫ |...
Song: "Sappheiros - Falling (Ft. eSoreni) [Chill]" is under a Creative Commons license (CC-BY)
Music promoted by BreakingCopyright: bit.ly/Sappheir...
Song: Sappheiros - Dawn (Vlog No Copyright Music)
Music promoted by Vlog No Copyright Music.
Video Link: • Video
انتي السبب في زيادة نرجسية زوجك
الام او الاب النرجسيين صنعوا نرجسي صغير لسة خفيف ولسة مش مؤذي بس خفي ومش باين وبيحاول يبان جميل وكيوت ادام الناس ولما بيبدأ يحس بقيمته لما البنات تجري وراه واللي تحبه واللي عايزة تصاحبه واللي تصرح له بحبها وخصوصا لو امكانياته المظهرية مساعداه فهنا الانا بتبدأ تنتفخ والنرجسية تزيد وهو كاريزمته بتزيد وبيتعلم يتقن الصورة وبيعرف يحلي القناع فلما ييجي يخطب بيكون عرف القناع الكامل وعرف واتعلم من البنات اللي قبلك او من عيلته او من امه عرف ازاي يبهر اللي ادامه فييجي لك بالابهار دة وانتي تحبيه ولانك أصلا جعانة حب وكمان عايزة تدي بلاحدود وعندك احتياج شديد للعطاء والاسعاد بلا مقابل لان معندكيش أي إحساس بالاستحقاق دة غير ان هو أصلا بيحطك على قاعدة التمثال يعني بيعمل لك قيمة وينفخ في الانا بتاعتك بكل قوة لحد ماتصدقيه وتحسي ان هو دة الوحيد اللي عارف قيمتك وبيقدرك وحيعوضك عن الحرمان العاطفي اللي عيشتيه مع اهلك ومن هنا بتبدأي تعطيه حب واهتمام ورعاية وحنان وكل ماتقدري عليه بتديهوله ، وهو يصدق نفسه بزيادة وانه تنتفخ بزيادة ، وبعدين فجأة يكتشف انك متفوقة عليه في حاجة ولو كانت في منتهى التفاهة لو غلبتيه في البلايستيشن ولا سبقتيه في ليفلات كاندي كراش ولا المزرعة السعيدة اللي هو بيحقق أحلامه فيها تخيلي انه دة ممكن يحول الوضع من اللافبمبينج للتحقير في ثانية فانتي تزودي عطاء لانك مفكرة ان التحقير سببه انك قصرتي او قلتي حاجة ضايقته او ... أي حاجة المهم انك بتفكري ان السبب فيكي لانك جاية جاهزة على كدة وهنا بيبدأ يزيد انتفاخ الانا عند النرجسي ويلاقي ان إساءة الادب بينتج عنها زيادة اهتمام وزيادة إساءة الادب بتخوفك وزيادة إساءة الادب اكتر بتخضعك اكتر فيستمر ويتطاول ويزود ويخوف وانتي يتملكك الخوف والرعب والتكتيف يبقى طبيعتك والسكون يبقى دينك وديدنك والخضوع يبقى وهم انقاذ لكي وانتي مش واخدة بالك انك بتشرسيه اكتر عليكي .
معنى كدة ان انتي اللي زودتي نرجسية جوزك؟ في الوضع دة انتي ساعدتي في نموها لكن لو انتي ماكنتيش ساعدتي كانت حتنموا بيكي او من غيرك لان عوامل كتيييير بتنميها فماتلوميش نفسك لانه كدة كدة كان حيوصل لكدة لان خلينا نقول لو كنتي قوية بزيادة وسليطة اللسان او مش بتسكتي على حقك بس عصبية شوية كان حيزيد وممكن يمد ايده وكان حيبقى أسوأ ، ولو كنتي حكيمة وبتردي بهدوء ولا عصبية ولا سليطة اللسان كان حيخضع لك فترة وبعدين يدور على مصدر تاني يقدر يركبه لكن اذا مستفيد منك حيفضل معاكي واذا لا حيسيبك ويمشي ،فمتلوميش نفسك على ضعفك ولا تقولي انا السبب في زيادة نرجسيته لانها كانت حتزيد على أي حال .لكن المهم دلوقتي انك توقفي التعدي عليكي المهم انك تفهمي ان النرجسية سم قاتل لصاحبه مش لكي اذا فضلتي تعيطي انه نرجسي وتعيشي خايفة منه حتفضلي أسيرة خوفك وحبيسة سجنه ، المهم دلوقتي انك لازم تفهمي هو اد ايه ضعيف مهما بان لك قوي وتفهمي انتي اد ايه حتكوني قوية بالله اذا لجأتي له ، واحد متبع الشيطان وواحد متبع سيدنا النبي عليه الصلاة والسلام مين فيهم اقوى دنيا واخرة وماتقوليش انا في الدنيا والكلام دة في الاخرة لا الصحابة كانوا في الدنيا وكانت قواهم خارقة نفسيا وجسديا لانهم كانوا اكثر الناس اتباعا لرسول الله صلى الله عليه وسلم والمنافقين كانوا اضعف خلق الله لانهم كانوا بيتبعوا الشيطان ،صدقيني والله والله انتي اقوي منه لو قربتي لربنا هاوكينز اللي مش على ديننا بيقول ان كل زاد ادراكك كلما ماقربتي من الاله كل ماحبيتيه واحنا عندنا قفزة للوعي ربنا اداها لنا من عنده القفزة دي بلحظة مناجاه ودعاء ربنا بيذف حبه في قلبك وبيقربك منه في لحظة تنقلك من مستوى العار لمستوى السكينة والفرح وحب الله او لمستوى السلام والتسليم الكامل ودول مستويات القوة المستمدة من ربنا والعزة للمستعزين بيه ، عايزة توقفي تضخم الانا النرجسية عند زوجك اعتصمي بحبل الله وشوفي حتوصلي لفين ، اصرفي نفسك وقلبك في اتجاه القبلة بدل الموبايل والتلفزيون والصاحبات والشكوى والبكاء ع اللبن المسكوب ،توجهي بقلبك لله وقولي له يمدك بالقوة والسكينة والسلام النفسي وانتي حتشوفي النرجسي ساعتها كأنه الشيطان لما تقرأي عليه ايه الكرسي حتشوفي ضعفه وخوفه من وقفتك ع المصلية ومن رفع ايدك لربنا وحيحارب قربك دة ولا كانه جند من جنود الشيطان ليه لانه عارف زي ما الشيطان عارف انك وقفتك على مصليتك دي هي اللي حتهزمه وهي اللي حتنور لك الدنيا وحتفهمك اللي بيحصل
انتي اه ساهمتي في ظلمه لكي لما انتي ظلمتي نفسك باحساس عدم الاستحقاق وباستسلامك وسكوتك وضعفك لكن دة مش حله انك تقعدي تبكتي نفسك وتنهريها وتقولي انا اللي كمان خليته أسوأ لا هو كدة كدة كان حيسوء لانه بعد عن ربنا وربنا قال يمدهم في طغيانهم يعمهون ،هم مين الذين قالوا امنا بالله وباليوم الاخر وماهم بمؤمنين ،اقرأوا تاني صفحة في سورة البقرة واعتقد ان هنا سر سورة البقرة في فضح النرجسيين ، لما بتنقرأ القرآن كتير ونكرره ربنا بيفهمه لنا وبينور لنا معانيه من غير ماننتبه اقرأوا تاني صفحة في سورة البقرة حتلاقوها بتوصف النرجسي ادق وصف
6 окт 2024