ازاي تمتلكي النرجسي بدل ماهو يمتلكك؟ 

ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
كيف تمتلكين النرجسي ؟
عايزة تملكي النرجسي؟ او تمتلكيه ،يعني يكون ملك لكي ولا يعني يكون تحت ايدك ويكون طوع لكي ؟ اسمعيني للاخر
شوفي احنا اتفقنا قبل كدة ان النرجسي أصلا جاي يمتلكك مش جاي يتجوزك وبعدين تجيبي له أولاد يمتلكهم زي اللي بيقتني او بيشتري قطة بتكون ملكه ولما بتولد فاولادها بيكونوا ملكه ،هو دة انتي واولادك بالنسبة له واتفقنا ان ماينفعش انك تكوني ملك حد لازم تخرجي من عقد الملكية اللي بينك وبين النرجسي وعملنا ثلاث حلقات في الموضوع دة شوفيهم وركزي فيهم كويس ، طيب لو انتي نفذتي اللي في الثلاث حلقات دول حتستردي ملكيتك لنفسك تماما ، طيب عشان بقى نقلب الاية وانتي تمتلكي النرجسي تعملي ايه ؟
أولا: تتمكني من ردود افعالك عليه يعني ايه يعني طالما انتي بقيتي ملك نفسك يبقى لازم رد فعلك كمان يكون ملكك مش ملكه هو ، وازاي رد فعلك بيكون ملكه ؟ طول ماهو قادر ياخد منك رد الفعل اللي هو عايزه فردود افعالك ملكه وهو ازاي بياخد منك رد الفعل اللي هو عايزه؟ هو عارف مفاتيحك عارف لو عمل ايه حيكون رد فعلك ايه لو بص لواحدة حلوة او عريانة انتي حتتخانقي وعارف لو قال ايه انتي حتردي تقولي ايه ولو انكر ايه انتي حتصرخي ازاي ، هو عارفكل ردود افعالك وعارف ازاي يخرجها منك وبكدة مفاتيح ردود افعالك معاه يعني بيمتلكها ، يبقى انتي اول حاجة لازم تعمليها انك تغيري المفاتيح دي وتبوظي له اللعبة لما يبص لواحدة تعملي نفسك مش شايفاها ولو قالك بصي القمر قولي له الله سبحان الخالق ،انا ابص واسبح واخد حسنات وانت بص وبحلق وربنا يعاقبك وتضحكي وتعمليها هزار وفي نفس الوقت حيتغاظ عشان انتي من حقك تبصي وهو مش من حقه وانتي حتاخدي حسنات وهو حياخد سيئات تخيلي ان دة حيغيظه ليه لان احنا متفقين أصلا انه طفل ،وكمان حيتغاظ من حاجة تانية انه ماقدرش يغيظك وان انتي مش غيرانة وبكدة انتي تبدأي تمتلكي ردود افعاله لانك حتبدأي تعرفي مفاتيحه ومهما خبى رد فعله مش حيقدر لانه طفل حيردهالك ولو بعد حين فانتي زي ما اتفقنا مش حتاخدي أي حاجة على محمل شخصي ولا على محمل الجد ،يعني ايه على محمل شخصي يعني ماتاخديش أي كلمة يقولها النرجسي على انها فعلا لكي وانتي تحديدا المقصودة بيها لان أي حد مكانك سواء زيك او لا كان حيتقال له نفس الكلام لانه غالبا بيكون اسقاط من داخل النرجسي ، وطبعا لما ماتاخديش الكلام انه لكي وان الادعائات اللي بيقولها دي فعلا مش فيكي حتقدري تتحكمي اكتر في انفعالاتك ، طيب ايه كمان ؟ لما النرجسي يكلم اخته ادامك وينده لها بأسماء دلع يا سوسو ويا مومو ولا يقول لها ياحبيبتي وياحبيبي وهو عمره ما نده لك باسمك أصلا ولا قال لك حبيبتي دي لازم تعملي نفسك مش سامعة ولو انتي بتكلميها وبينكم تواصل لما تكلميها ادامه بعدها تناديها بنفس الاسم اللي كان بيقوله لها يعني بالمحسوس كدة عجبك الاسم وعجبك انه بيدلعها ودة طبعا حيصدمه لان مفروض انك تتغاظي وانتي بقيتي مش بتتأثري بقيتي مش بتديه ردود الفعل اللي هو عايزها بقيتي ردود افعالك مش ملكه وايه وكمان ردود افعاله بقت ملكك ،ومن هنا تبدأي تمتلكيه والشطارة بقى وازيدك من الشعر بيت لما تعوزي تخليه مبسوط تقدري تخليه ينبسط وكل واحدة عارفة تخليه ينبسط ازاي وكل واحدة ونوع وطبيعة النرجسي اللي معاها ،يعني لما تحبي تبسطيه تديه وقود سلبي او ممكن تجودي في العلاقة الحميمة او تطبخي له اكلة بيحبها او تمدحيه شوية ، تخيلي بقي لو انتي قدرتي تتحكمي في مشاعر النرجسي زي ماكان زمان بيتحكم في مشاعرك والخطوة الجاية تتحكمي في أفكاره ودي كمان سهلة لان هو ماعندوش أفكار أصلا فانتي تقدري تزرعي افكارك في مخه وهو حياخدها وينسبها لنفسه وخدي بالك اسهل حاجة موضوع زرع الأفكار دة خصوصا مع النرجسي لانه دايما عايز يقتنص أفكار غيره فانتي لو اديتيه فكرة تعجبه او هو بيدور عليها وتحطي بعدها فكرة انتي عايزة تزرعيها في مخه وبعدها تؤكدي ع الفكرة الأولى اللي هو عايزها كدة زرعتي اللي انتي عايزاه في مخه بمنتهى البساطة حديكي مثل ، يعني هو بيدور على فكرة مثلا لشغله عايز يعمل اعلان او عايز يكبر مشروعه او عايز يحصل على ترقية او علاوة ومش عارف وطبعا انتي حلالة المشاكل فبتقولي له الحل وفي وسط الكلام بتزرعي فكرة زي مثلا اعمل حسابك ليا نسبة او حتزود مصروفي او أي حاجة انتي عايزاها وبعدين تكملي الفكرة اللي هو عايزها وكل مرة تديه فكرة هو محتاجها تحطي في وسط الكلام ان لازم يدفع تمن اللي بياخده فيبدأ يتعلم ان مفيش حاجة بدون مقابل حتاخد حتدفع زي ماهو بيتعامل معاكي بالضبط
تفتكري لو قدرتي تعملي كدة مش حتكوني ملكتيه؟
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية