النرجسي في الاصل ضعيف وهش داخليا واحنا متفقين ع النقطة دي ، وعنده مخاوف كتير هي اللي بتتسبب في الانفجارات اللي بتحصل وتولد الغضب النرجسي ، ايه هي المخاوف دي ؟
١- الخوف من عدم الاحترام ، وطبعا ناتج عن اللي كان بيواجهه في طفولته من ابويه او اخواته من استهزاء بيه وبمشاعره فدة زرع جواه احساس مؤلم انه مش محترم وطبعا هو مرعوب ان اي حد يعرف انه مش محترم فأي تصرف يوحي بعدم الاحترام بيفسره انه كشف للهشاشة الداخلية وبالتالي بيكون رد فعله غضب نرجسي
٢- الخوف من الهجر او الرفض ودة بتشوفيه طبعا لو قلتي له انك مش عايزاه او حتى لو رفضتي العلاقة الحميمة بسبب انك تعبانة او مجهدة او حتى مش في المود ،بتلاقي غضب نرجسي وراه صمت عقابي لانك رفضتيه بالنسبة له كدة انتي رفضتيه ،فما بالك بقى لو قلتي عايزة اتطلق او مش عايزة اعيش معاك اد ايه بيكون الرعب وبالتالي الغضب
٣- الخوف من الانتقاد ودة طبعا كلكم مجربينه وعيشتوه وحفضل اقول دايما اللي عايزة تتعايش مع النرجسي تبعد عن النقد ، ملكيش دعوة خالص بيه متنتقديهوش في اي شيء ولما تحبي توجهيه لغلطة او تصرف مش تمام مع اولاده حاولي لو مش عايزة تتخانقي يعني حاولي توصلي المعلومة في غلاف دهبي بنفس طريقته ، انما لو حاسة عايزة تتفجريه عادي فجريه بس منصحكيش
٤- الخوف من السخرية طبعا وقمة الحساسية وهو يهزر اه لكن انتي لو هزرتي معاه تبقي قليلة ادب
٥- الخوف انه يتكشف ، انك تفهميه انه جواه هش وضعيف وجبان وتعرفي نقط ضعفه وبعدين تفضحيه او تستغليها او مجرد تعرفي فتحتقريه ، عشان كدة بنقول اوعي تعرفيه انك فهمتيه عشان تحمي نفسك منه خصوصا لو مكملة
٦- الخوف من انه يكون غير كاف وغير ملائم لكي لان دة حيوصله انه مش حيعرف يوصل انك ترضي عنه ودي عقدته مع ابوه او امه
٧- الخوف من انه يكون شخص عادي زينا وزي بقيت البشر طبعا ازاي يبقى واحد من الجمهور والعامة
كدة لما تتعاملي مع الغضب النرجسي حتكوني عارفة انتي بتتعاملي مع ايه وبالتالي ممكن تتجنبي اصلا انك توصلي النرجسي للغضب دة ، الغضب النرجسي هو غضب طفولي يحتاج بشدة انه يكون متميز ومش عارف يعمل يعمل ايه لو حد معاملهوش علي انه متميز ، فانتي متدخليش في لعبة الغضب دي لان هو بيستفيد منها طبعا الوقود النرجسي ، لما يغضب ويهدأ متعتذريش لو كنتي مغلطتيش لو كان غضبه بسبب انك عبرتي عن رأيك او مشاعرك ( متعتذريش عن كونك نفسك) وطبعا قلنا اخرجي من المكان او التزمي الصمت
اكونت الفيس بوك
www.facebook.c...
جروب ادرس عدوك النرجسي
/ kawthersanad11
26 авг 2024