अबब ! चक्क कोकणातील जंगलात सापडली युवकांना कातळात कोरलेली भली मोठी पुरातन विहीर आणि लेणी।देवली,मालवण 

अबब ! चक्क कोकणातील जंगलात सापडली युवकांना कातळात कोरलेली भली मोठी पुरातन विहीर आणि लेणी।देवली,मालवण
कोकणात ऐतिहासिक वास्तूंचा खजिना या जंगलामध्ये , डोंगरांमध्ये दडला आहे . अनेक लेणी ,कोरीव विहिरी ,कातळळशिल्प,गुहा अश्या खूप साऱ्या वास्तू सह्याद्रीच्या कुशीत लपलेल्या आहेत . घनदाट जंगल आणि समाजामध्ये होणाऱ्या बदलांमुळे हळू हळू माणसांचं या पुरातन गोष्टींकडे दुर्लक्ष होतंय त्यामुळे या वास्तू जंगलामध्ये आहेत आणि अजूनही दुर्लक्षित आहेत. पूर्वजांचा वारसा ,पाऊलखुणा आणि ती कलाकुसर यांचं जिवंत उदाहरण असणाऱ्या या वास्तू या डोंगरदाऱ्यांमध्ये ऊन,वारा, पाऊस यांचा मारा सहन करत आजपर्यंत आपलं अस्तित्व टिकवून उभ्या आहेत पण आता पुढे किती दिवस टिकून राहतील काय माहीत . सध्या या वास्तूंची परिस्थिती बघता यांच्या कडे आता लक्ष नाही दिलं, संवर्धन व संरक्षण नाही केलं तर पुढच्या पिढीला मिळतील की नाही हा एक मोठा प्रश्न आहे .
त्यामुळे तुमच्या गावात अश्या काही वास्तू असतील तर त्याचं जतन करा सर्वांसमोर घेऊन या....
देवली ,मालवण येथील सड्यावर नक्की तो भाग कोणत्या गावात येतो सांगणं तसं कठीण पण देवली - बंडावाडी मधून वर गेल्यावर सड्यावर(माळरानावर ) पुरातन गुहा आणि विहीर आहेत. आपल्या गावच्या सड्यावर असा पुरातन ऐतिहासिक वास्तूंचा खजिना आहे असं समजल्यावर त्या देवली गावातील 3 तरुण दीप नाईक,विनायक चव्हाण ,अजय चव्हाण शोध घेण्यासाठी माळरानावर गेले तिकडे खूप शोधलं अखेर त्यांना त्या वास्तू सापडल्या,कातळात कोरलेली विहीर आणि कोरलेली गुहा . त्यानंतर ती बातमी माझ्या पर्यंत पोहचली ,मी थेट त्या ठिकाणी पोहचलो दीप नाईक ला सोबत घेऊन मी माळरानावर जाऊन त्या ऐतिहासिक वास्तू बघायचं ठरवलं . सड्यावर जायचा रस्ता तसा चांगला , दुचाकी वाहन ठेव ते ठिकाणी जात . जाताना कातळावरून आम्ही दुचाकी चालवत त्या ठिकाणी पोहचलो . पाहिली गुहा बघितली , थोडेसे अवशेष शिल्लक होते 3 खोल्या होत्या लेण्या असू शकतात . पण या लेण्या किंव्हा कोरलेल्या गुहा आता बिकट अवस्थेत आहेत ,लांबी ,रुंदी ,उंची ला सारखी जेमतेम 4,5ft उंची आणि तिघांची मिळून रुंदी 15 ते 20ft असेल.तिकडून मी विहिरी च्या दिशेने वळलो आणि पाहताच क्षणी प्रेमात पडलो . एवढी लांब ,खोल विहीर ती पण कातळात कोरलेली मी आजपर्यंत नाही बघितली होती . 40ते50ft लांब रुंदीला 3,4ft आणि खोल 50 ते 60ft .
खाली उतरण्यासाठी 40ते50 कोरलेल्या पायऱ्या , संपूर्ण विहीर कातळात कोरलेली .विहिरीच्या वर बाजूने काही दगड रचलेले होते संरक्षण म्हणून ठेवले असावेत . विहिरी मध्ये पाणी नाही,पण खाली थंडावा जाणवतो जमीन ओली आहे म्हणजे आत पाणी अजूनही आहे . या विहिरी कडे दुर्लक्ष झाल्याने तिची आता दुरवस्था झाली आहे. पण जर तिची निगा राखली तर अजून पण तिथे पाणी मिळू शकत एवढं नक्की . विहीर आणि ती कोरलेली गुहा एका समोर एक आहेत दोघांचा ही कालखंड एकच वाटतो तरीपण पुरावे आणि इतिहास माहीत नाही.
बाकी माहिती youtube vlog मध्ये आहे
Follow us -
Email - sanchitthakurvlogs@gmail.com
Instagram
/ sanchitthakurvlogs__
Facebook - / sanchitthakurvlogs
SnapChat -
/ sanchit_vlog
Telegram -
t.me/Sanchit_T...
#ancient #ancientwell
#kokan #konkan