आदिमानवाची गुहा सापडली कोकणात । Stone age tools found in konkan । 40 हजार वर्षे जुनी हत्यार सापडली 

आदिमानवाची गुहा सापडली कोकणात । Stone age tools found in konkan । 40 हजार वर्षे जुनी हत्यार सापडली
कोळोशी,कणकवली - सिंधुदुर्ग
कोकणातील प्राचीन मंदिरे वगळून कोकणला फारसा पुरातन इतिहास नाही, असा गैरसमज असताना या गैरसमजाला छेद देणारे संशोधन पुरातत्व वस्तुसंग्रहालय संचालनालयाने कणकवली तालुक्यातील कोळोशी येथे केले असून, कोळोशी मधील गुहेमध्ये ‘आदिमानवाची वस्ती’ होती असे पुरावे सापडले आहेत. या गुहेमध्ये प्रागैतिहासिक काळातील शस्त्रे सापडली आहेत. हि सापडलेली दगडी शस्त्रे पाहता इसवी सन पूर्व दहा हजार ते चाळीस हजार वर्षांपूर्वी आदिमानव या भागात रहात होता हे निश्चित झाले आहे. कोकणात आदिमानवाची वस्ती होती असा लावलेला हा पहिला अधिकृत शोध आहे .
२०१४ साली या गुहेला पुरातत्व खात्याचे संचालक भा.वि. कुलकर्णी यांनी भेट दिली होती यावेळी त्यांनी ही गुहा प्रागैतिहासिक काळातील असावी असा अंदाज त्यांनी व्यक्त केला होता त्याचे संदर्भही सापडतात यानंतर ऋत्विज आपटे या तरुण पुरातत्व संशोधक व त्याचे सहकारी संशोधक सुधीर रीसबुड व धनंजय मराठे यांच्या मदतीने ‘कातळशिल्प शोध’ उपक्रम सुरू केला होता. या दरम्यान ऑगस्ट २०१८ रोजी या गुहेला ऋत्विज आपटे व त्यांच्या सहकाऱ्यांनी भेटही दिली होती त्याच वेळी तेथे काही अश्मयुगीन काळात वापरली जाणारी दगडी हत्यारे सापडली होती. यामुळे तातडीने या संशोधनासाठी केंद्रीय पुरातत्व विभागाकडे प्रस्ताव सादर केला होता. याशिवाय कोळोशी ग्रामस्थांनी सतत या गुहे संदर्भातला पाठपुरावाही शासन स्तरावर सुरू ठेवला होता.
पुरातत्व वस्तू संग्रहालय संचालनालयाचे संचालक डॉक्टर तेजस गर्गे, असिस्टंट आर्किऑलॉजिस्ट आरती आडे, भूगोल विषयाचे प्राध्यापक डॉक्टर सुरेंद्र ठाकूरदेसाई ,संशोधक सुधीर रीसबुड, धनंजय मराठे, यांच्यासह सुमारे २०ते २५ जणांनी ७ तारीख रोजी या गुहेचे संशोधन सुरू केले यावेळी त्यांना मोठ्या प्रमाणात हत्यारांचा ठेवा सापडला आहे. मात्र ही प्राथमिक स्थिती असून पावसाळा आटोपल्यावर पुन्हा या गुहेचे संशोधन सुरू केले जाणार आहे या गुहेची स्थिती दारूण असून भगदाड पडल्याने मोठ्या प्रमाणात पाण्याचा ओहोळ या गुहेतून जातो या गुहेत ठेवा नष्ट होण्याची शक्यता दाट असल्याने तातडीने तेथे संशोधन करण्याची परवानगी केंद्रीय पुरातत्त्व विभागाने दिली आहे.
हे संशोधन व्हावे म्हणून कोळशीच्या सरपंच व ग्रामसेवक तसेच ग्रामस्थांनी फार मोठी मेहनत घेतली आहे. संशोधनामध्ये विविध प्रकारची हत्यारे शिकारीसाठी वापरात येणारे बाणांची टोके तसेच मांस कापण्यासाठी केलेली दगडी हत्यारे सापडली आहे. ही सर्व हत्यारे पुढील संशोधनासाठी प्रयोगशाळेत पाठवण्यात आली आहेत. या प्रयोगशाळेतील अहवालानंतर या गुहेतील इतिहासाचा पर्यायाने कोकणातील आदिमानवाच्या वस्तीच्या इतिहासावर आणखी प्रकाश पडणार आहे. कोकणात इतिहासपूर्व काळातील संशोधन फारसे नाही. असे असताना पुरातत्व वस्तुसंग्रहालय संचालनालयाने केलेले हे संशोधन फार मोलाचे ठरणार आहे.आज या गुहेची पाहणी सांस्कृतिक विभागाचे अप्पर सचिव शैलेद्र जाधव यांनी केली या संशोधनामुळे कोकणाला इसवीसन पूर्व चाळीस हजार वर्षांपूर्वीचा इतिहास आहे आणि येथे आदिमानव यांची वस्ती होती हे उघड झाले आहे. हा आदिमानव प्राण्यांची शिकार करून व कंदमुळे खाऊन गुहेत राहत होता हे तेथील उत्खननावरून उघड झाले आहे.पुढील संशोधनात काय उघड होते याची उत्सुकता ताणली आहे
My vlogging setup -
Gorrila Tripod - amzn.to/3qhz135
Selfie stick with tripod - amzn.to/3ecdEOs
Mic1 - amzn.to/3kONhz3
Mic 2 - amzn.to/3bibBpU
Vlogging Mobile - amzn.to/3ec0m4n
Tripod - amzn.to/2O5aRf1
follow us -
E-mail - sanchitthakurvlogs@gmail.com
Instagram
/ sanchitthakurvlogs__
Facebook - / sanchitthakurvlogs
#stoneage #stoneagetools #kokan #stoneagetoolsfoundinkokan #koloshi #adimanvachi guha