अहिले उठिरहेको उत्तर बङ्गालको मुद्दाले गोर्खालाई कुनै फाइदा दिँदैन। गोर्खाको आफ्नै मुद्दा छ। उत्तर बंगालको मुद्दा लिएर पहाडमा फेरि अशान्ति फैलाउन खोज्दैछ। बीजेपीलाई गोर्खाले 15 वर्ष सहयाेग गरेर पनि हामीलाई अझ पनि ढाँट्नु खोज्दैछ।
सरकार बीजेपीको छ। बीजेपी कै सांसदले आफनो सरकारलाई माग्दैछ। दिने सरकारलाई घरी घरी मागी रहनु पर्दैन। पहाडमा षड्यन्त्र गरेर बीजेपीले 15 वर्ष बिताई सक्यो। तर अझ सम्म केही दिएको छैन। जब सम्म बीजेपी छ तब सम्म गोर्खाले केही पाउनेवाला छैन।
गोर्खाले बीजेपीको सरकारबाट केही आशा नगरे पनि हुन्छ। हामी बीजेपीको निम्ति भोट ब्याङ्क मात्र हौं। 2017 देखि हामीले धेरै सङ्घर्ष गरेर पहाडमा शान्ति फर्काई ल्याएका छौ। कसै सँग डराउनु नपर्ने वातावरण सृजना गरेका छौँ। जब सम्म हामी छौं, पहाड बन्द हुनेछैन्।
गोर्खा जातिको मांग राख्नु पर्छ। तर मांगको आडमा पहाडमा आतंकको परिवेश सृजना गर्ने षड्यन्त्र चल्दैछ। पहाडलाई फेरि जलाउने, झमेलामा लाने, फेरि पहाडमा सहिद बनाउने षड्यन्त्र चलेको देख्दैछु। उत्तर बङ्गालको मुद्दाले गोर्खालाई कुनै फाइदा पनि हुनेछैन। बीजेपीले यत्रो वर्ष सम्म त केही दिएको छैन भने भविष्यमा के दिन्छ होला? अब गोर्खा झुक्किनु हुँदैन।
बीजेपीले मुद्दा नपाएर पहाडमा अशान्ति फैलाउनु मात्र खोज्दैछ। उत्तर बङ्गाल हाम्रो आकाङ्क्षा र इच्छा होइन। गोर्खाको आफ्नै मुद्दा छ। हाम्रो आफ्नै आकाङ्क्षा छ।
एउटा बीजेपी नेताले उत्तर बङ्गालको कुरा गर्दैछ। बङ्गाल बीजेपी कै अर्का नेता शुभेन्दु अधिकारीले बंगाल कहिले विभाजन हुँदैन भने। अझ पनि बीजेपीले गोर्खालाई लाटा अनि मूर्ख सोच्छ? हामी सचेत रहनुपर्छ।
सहिद दिवसमा पनि सहिदको नाममा पहाड बन्द गर्ने प्रयास भयो। सुबास घिसिङ ज्यूको समय देखि लिएर विमल गुरूङ ज्यूको समय सम्ममा पनि सहिद दिवसको दिन सहिदलाई सम्झना गर्दै श्रदाञ्जली अर्पण गरियो तर कुनै दिवसमा पनि बन्दकाे आव्हान गरिएन। हाम्रो समयमा पनि बन्द भएको छैन् अनि हुँदैन पनि। सहिदको नाममा जनतालाई दुःख दिने अनि आतंकित बनाउँनु हुँदैन। सहिदलाई श्रदाञ्जली अरूलाई नोक्सान पुर्याएर हुँदैन।
हामी ध्वंस गर्न तर्फ होइन निर्माण गर्न तर्फ लाग्नु पर्छ।
म सबैलाई अपिल गर्छु कि पहाड कहिले अशान्ति हुनु हुँदैन। पहाड कहिले बन्द हुनु हुँदैन। म पहाड बन्दको पक्षमा छुइन।
अनित थापा
प्रमुख कार्यपाल
जीटीए
8 сен 2024
