இந்த 5 புத்தகத்தில் இருந்து படிக்கும் பழக்கத்தைத் தொடங்குங்கள் | Maridhas Answers 

படிக்கும் ஆர்வம் உள்ள இளைஞர்களுக்கு இந்த 5 புத்தகமும் என் பரிந்துரை…
01) A Short History of Nearly Everything. (இது தமிழிலும் கிடைக்கும்)
இந்தப் புத்தகத்தை எழுதிய Bill Bryson தான் எனக்குப் பிடித்த நபர்களில் முக்கியமானவர். புள்ளி விவரங்களில் உள்ளே தான் உண்மை உள்ளன - எண்கள் வெறும் எண்கள் அல்ல அவை ஒரு குணம். அந்தக் குணம் என்ற பண்பு புரிய வேண்டும் என்பதைத் தொட்டு அறிவியல் மீது ஆய்வாளர்கள் மீதும் வரலாற்றின் மீது ஒருவித ஈர்ப்பை உருவாக்கியவர் இவர் தான்.
இந்தப் புத்தகம் அறிவியல் ஆய்வாளர்களைத் தூண்டிவிட்டு இன்று உலகம் இந்தவிதம் இருக்கக் காரண கர்த்தாவாக விளங்கும் முக்கியமான அமைப்பான Royal Society சார்ந்தும் அதில் சமர்ப்பிக்கப்பட்ட ஆய்வுகள் சார்ந்தும் கண்டுபிடிப்புகள் சார்ந்தும் அதன் பின்னணி சுவாரசியங்கள் சார்ந்தும் எழுதி இருப்பார். நியூட்டன் தொட்டு ஸ்டிபன் ஹாக்கிங் வரை கடந்த 300ஆண்டுகளில் பல ஆயிரம் திறமையாளர்களை வெளியில் கொண்டுவந்த பெருமை இந்த Royal Societyயை சாரும்.
அனைத்துக் கண்டுபிடிப்புகளின் பின்னணியில் இருக்கும் சுவாரசியங்களை இந்தப் புத்தகம் உங்களுக்குக் கொடுக்கும். எனக்கு சாதாரணமாக நம் வீட்டில் உள்ள தீ பெட்டியில் ஆரம்பித்து நமது ஜீன்ஸ் பேண்டில் உள்ள ஜிப் வரை கண்டுபிடிப்புகளின் பின்னால் இருக்கும் அந்தச் சுவாரசியமான கதையைத் தெரிந்து கொள்ள ஆர்வம் அதீதமாக உருவாகக் காரணம் Bill Bryson தான். அவரின் தேடல் உங்களையும் பற்றிக்கொள்ள வேண்டும் என்பதால் இந்த புத்தகம் பரிந்துரை செய்கிறேன்.
02) அள்ள அள்ளப் பணம் (1,2)
இது சோம. வள்ளியப்பன் அவர்கள் எழுதிய புத்தகம் - பங்குச்சந்தை சார்ந்து நிறுவனங்கள் எப்படி தங்களுக்கு தேவையான நிதியைப் பெறுகின்றன என்பது போன்ற பெரும்பாலான தேடல்களுக்கு இந்தப் புத்தகம் உங்கள் குழந்தைகளுக்கு விடையைக் கொடுக்கும். அறிவியலில் மட்டும் அல்ல ஒவ்வொரு குழந்தைக்கும் பொருளாதார புரிதல் வேண்டும் என்பதால் இந்தப் புத்தகத்தை படிக்கப் பரிந்துரைக்கிறேன்.
பலர் என்னிடம் எப்படி பங்குச்சந்தை சாந்து தெரிந்து கொள்வது என்று கேட்பது உண்டு. என்னைக் கேட்டால் இந்த இரண்டு புத்தகங்களை கொஞ்சம் புரிந்து கொண்டு - பின் சிறிய அளவில் முதலீடுகள் செய்து பார்த்து அனுபவத்தின் மூலம் கொஞ்சம் தெரிந்து கொள்ள முயற்சிக்க வேண்டும்.
03) Jerusalem: The Biography
இந்தப் புத்தகம் Simon Sebag Montefiore எழுதியது.. இது ஒரு chronograph அதாவது நீங்கள் ஒன்றைத் தெளிவாக புரிந்து கொள்ளுங்கள் - அந்த மன்னர் அப்படி வாழ்ந்தார் அப்படி ஆட்சி செய்தார்;... நமது முன்னோர்கள் அப்படி வாழ்ந்தார்கள் இப்படிச் சாதித்தார்கள் என்று பேசுவது - மன்னா மன்னாதி மன்னா என்று புகழ்ந்து எழுதப்படும் எந்த விதமான வரலாற்றுப் புத்தகங்களையும் வாங்கிப் படிக்காதீர். ஏன் என்றால் அது வரலாறே கிடையாது.
வரலாற்றுப் புத்தகங்கள் படிக்க வேண்டும் , வரலாறு தெரிந்து கொள்ள வேண்டும் என்று முடிவு செய்தால் ஆதாரங்களுடன் கோர்க்கப்பட்ட அய்வுகட்டுரைகளை தான் தேடி படிக்க வேண்டும்.
வரலாற்றில் யாரையும் நல்லவன் கெட்டவன் என்று பிரிக்க கூடாது. தேடித் தெரிந்து கொண்டு இது எல்லாம் நடந்தது இப்படி தான் மனிதன் பரிணாமம் அடைந்தான் என்று உணரவேண்டும் என்பதாகத் தான் வரலாறு எழுதப் படவேண்டும் தவிர இவன் எல்லாம் நல்லவன் இவன் எல்லாம் கெட்டவன் என்று எழுதுவது சமூகத்திற்கும் நல்லது அல்ல - அது வரலாறும் அல்ல. வரலாறு வெறுப்பை விதிப்பதாக உணர்ச்சியைத் தூண்டிவிடுவதாக ஒரு புத்தகம் எழுத்திருக்கப்படும் என்றால் அது வரலாற்றுப் புத்தகமே கிடையாது.
இதை ஏன் சொல்கிறேன் என்றால் நல்லவனுக்கு எல்லாம் நல்லவன் என்ற ரீதியில் எந்த ஒருவனுக்கும் வரலாறு இருக்காது. வரலாறு என்பது பல கோணங்களில் இருந்து பார்க்கவேண்டிய ஒரு சிக்கலான உண்மை. அந்த உண்மையை 100% அறிந்து கொள்ளவும் முடியாது - அதே நேரம் அந்த உண்மையை நாம் உணர முடியும் , புரிந்து கொள்ள முடியும் - ஒழுங்கா எடுத்துச் சொல்லவே முடியாது. அந்த விதமாக இந்தப் புத்தகம் ஒவ்வொரு பக்கமும் பல நூறு ஆதாரங்களைத் திரட்டி - யூதம் , கிருஸ்தவம் , இஸ்லாம் இந்த மூன்று பெரும் மதங்களில் தோற்றமும் சண்டைக்கு காரணமுமான இந்த ஜெருசலம் என்ற மேட்டைப் பற்றி அதனைச் சுற்றியுள்ள வரலாற்றைப் பற்றி ஆதாரங்களுடன் தொகுக்கப்பட்டுள்ள புத்தகம் இது.
04) ஏன் எதற்கு எப்படி (1,2,3)
தமிழில் அறிவியல் சார்ந்த ஆர்வத்தைத் தூண்டியதில் சுஜாதா அவர்களுக்கு நிச்சயம் பெரிய பங்கு உண்டு. இந்தப் புத்தகம் அவர் கேள்வி பதிலாக வெளிவந்த தொடரின் மொத்த தொகுப்பு. இதில் அனைத்து விதமான அறிவியல் கேள்விகளுக்கும் முடிந்தவரை எளிமையாகப் பதில் கொடுத்திருப்பார். இந்தப் புத்தகத்தில் பல இடங்களில் Bill Bryson அவர்களைச் சுஜாதா கொஞ்சம் காப்பி செய்துள்ளதாகவே எனக்குத் தோன்றும். Bill Bryson காட்டிய சில வழிகளைக் கொஞ்சம் மாற்றி இவர் எழுதியுள்ளார் என்று சில இடங்களில் எனக்குத் தோன்றியது உண்டு என்பதை வெளிப்படையாகக் கூறுகிறேன்.
எது எப்படி என்றாலும் இந்தப் புத்தகம் அறிவியல் சார்ந்து பெரும் தேடலை தூண்டும்.
05) At Home
இந்தப் புத்தகமும் Bill Bryson அவர்களுடையது தான். இது எப்படி புத்தகம் என்றால் வீட்டில் படிக்கட்டுகள் ஆரம்பித்து நமது வீட்டுக்குளேயே நம்மை சுற்றியிருக்கும் அனைத்து பொருள்களுக்கும் பின்னால் இருக்கும் சுவாரசியமான வரலாற்றைத் தேடுவதாக இருக்கும். புத்தகம் எழுதியுள்ள Bill Bryson ஒரு Anglo-American. எனவே சில பொருட்களுக்கு நமக்கும் தொடர்பு இருக்காது என்றாலும் சுவாரசியமான பல தகவல்களை தனக்கே உரியச் சிறந்த நடையில் எழுதி சுவாரசியத்தை கூட்டி இருப்பார்.
To Know the actual sides of the coin more. Hit the red subscribe button @ goo.gl/VV3bcN
You can reach us @ imsi.maridhas@gmail.com
Author's Note - Writer Maridhas