A soulful Munajat in the presence of the Creator; the Ultimate Fulfiller of all our needs (jalla jalaaluhu was jalla sha'unuhu)
مناجات
பிரார்த்தனை ஏற்றே பிணி தீர்ப்பாய் அல்லாஹ்
ஆக்கம்: மௌலவி T.S.A அபூ தாஹிர் ஃபஹீமீ மஹ்ழரி
اَللّٰهُ اَللّٰهُ رَبِّيْ
اَللّٰهُ اَللّٰهُ حَسْبِيْ
رَبِّيْ حَبِيْبِيْ حَبِيْبِيْ
اِغْفِرْ لَنَا كُلَّ حُوْبِيْ
அல்லாஹு அல்லாஹு ரப்பீ
அல்லாஹு அல்லாஹு ஹஸ்பீ
ரப்பீ ஹபீபீ ஹபீபீ
இغங்ஃபிர் லனா குல்ல ஹூபி
அல்லாஹ்வே அல்லாஹ்வே உனக்கே
அல்லாது புகழெல்லாம் யார்க்கே
இல்லல்லாஹ் என்று யர்வான
உன்னை நான் புகழ்வேனே அல்லாஹ்
முன்னொளி வானவன் நீயே
முடிவான முதல்வனும் நீயே
முடிவும் முதலும் இல்லானே
மொழிவேனே உன் புகழ் அல்லாஹ்
ஆலமடங்களும் அடங்கும்
எழுவானும் படுவானும் அடங்கும்
அடங்காதே உன் புகழ் சொல்லில்
மடங்காகும் பெருகிடும் அல்லாஹ்
ஒதிட ஓதிடக் கூடும்
பாடிடப் பாடிடப் பெருகும்
ஊதினும் அணையா உன் ஒளியில்
அணைந்திட இணைத்தருள் அல்லாஹ்
மக்கா முஹம்மது நபி மேல்
ஹக்காக ஹக்கனே சொல்வாய்
ஷக்கன்றி خகல்கும் நாம் சொல்வோம்
ஸல்லி வ ஸல்லிம் யா அல்லாஹ்
சொல்லும் ஸலவாத்தும் ஸலாமும்
அல்லும் பகலும் அவர்க்காம்
வெல்லும் அவர் பாலி ணைந்தோர்
எல்லோர்க்கும் பொழிந்தருள் அல்லாஹ்
கதீஜா முஹம்மத் சேயாம்
பாலகர் ஹஸனைனின் தாயாம்
கபிதான ஃபாத்திமா தயவால்
தய்யானே பயல்க்கருள் அல்லாஹ்
மூலர் முஹ்யித்தீன் பொருட்டால்
முயீனுத்தீன் ஹமீதொலி பொருட்டால்
முர்ஷிதாம் குருவெங்கள் பொருட்டால்
முன்னோனே பிணி தீர்ப்பாய் அல்லாஹ்
நினைந்துன்னை வேண்டியே கேட்போம்
நிமலோனே நீயருள்வாயே
பாரோரின் பலவித பிணியை
தீர்ப்பாய் நீ காப்பாயே அல்லாஹ்
பாவப் பிழைகளை பொறுப்பாய்
பாவியர் வேண்டல்கள் ஏற்பாய்
பாரில் மிடுமைகள் காத்தே
அடிமைகள் நோய் நீக்கு அல்லாஹ்
உள்ளூரும் உலகமும் ஒன்றாய்
உள்ளூர உன் ஆற்றல் கொண்டே
எல்லோரும் சிறப்பாக வாழ
ஏகனே எமக்கருள் அல்லாஹ்
இல்லாத இயலாத மக்கள்
பொல்லாத பசியாலே வாழ்வோர்
தள்ளாத முதியோர்கள் மீதும்
தய்யானே தயவு செய் அல்லாஹ்
இல்லத்தின் கண்களாம் பெண்கள்
உள்ளத்தின் இடுக்கண்கள் போக்கு
உதிரத்தின் போக்குகள் நீக்கி
சரீரத்தை சுகமாக்கு அல்லாஹ்
கர்ப்பக் குவளறைக் கண்கள்
கணையம் கழுத்து முழங்கால்
தூக்கமில்லாத முனங்கள்
முற்றிலும் சுகமாக்கு அல்லாஹ்
உறுப்புகள் உணர்ச்சிகள் பெற்று
உள்ளங்கள் உவகைகள் பெற்று
செல்லக் குழந்தைகள் பெற்று
செழிப்புடன் வாழச் செய் அல்லாஹ்
கண் காது கை நா உறுப்பு
உள்ளத்தின் கள்ள உதிப்பு
பாவத்தின் பிரதிபலிப்பு
வாராது நேராக்கு அல்லாஹ்
ரம்மிய ரஜபுடன் ஷஃபான்
ரமழான் புனித மாதங்கள்
பொருட்டாலே பொறுப்பாய் யா அல்லாஹ்
வெருட்சிகள் நீக்கு யா அல்லாஹ்
மிஃராஜ் பராஅத்து கத்ரு
மேன்மை இவ்விரவுகள் பொருட்டு
நஃப்ஸுடன் ஷைத்தானின் மருட்டு
கெடுதல்கள் விரட்டு யா அல்லாஹ்
ஆணவம் அகம்பாவம் பெருமை
அழிவை உண்டாக்கும் பேராசை
இழிவான இச்சை இச்செயல்கள்
அண்டாமல் தடுத்திடு அல்லாஹ்
வாய்மையாய் வாழ்ந்திட வேண்டும்
வாக்குத் தவறாமை வேண்டும்
நேர்மையில் நிலைத்திட வேண்டும்
நீ வாழச் செய்வாயே அல்லாஹ்
பொய்மை பொறாமை புழுங்கல்
பொல்லாத கீழ்மனக் குணங்கள்
அல்லாஹ் நீ விரும்பாத இவைகள்
அணுகாது காத்திடு அல்லாஹ்
தீயினால் நீரினால் தீய
இடியினால் மழையினால் மரணம்
மின்னல்கள் இன்னல்கள் துயரம்
நீக்கிடு நிமலோனே அல்லாஹ்
நோய் நீங்கி வாழ்ந்திடச் செய்வாய்
இரணத்தில் பரக்கத் தருள்வாய்
வணிகத்தில் வளங்க ளருள்வாய்
கடனின்றி வாழச் செய் அல்லாஹ்
துன்பம் கஷ்டம் தூராக்கு
உள்ளத்தை ஒளிவால் நூராக்கு
மாறிய மனதை நேராக்கு
சீராக்கு சிறப்பாக்கு அல்லாஹ்
சான்றோர்கள் சகவாசம் வேண்டும்
ஆன்றோர்கள் அருள் பாசம் வேண்டும்
சுவனத்தின் சுக வாசம் வேண்டும்
புவனத்தில் பொழிந்திடு அல்லாஹ்
குரு மொழி கொண்டிட வேண்டும்
கரு விழி கண்டிட வேண்டும்
துருக்கள் துடைத்திட வேண்டும்
மருக்கள் துரத்திடு அல்லாஹ்
ஜெகத்தில் சிறந்த நல் தலமாம்
மக்கா மதீனாவிற் கேகி
ஹஜ்ஜுடன் உம்ரா ஜியாரத்
செய்திடச் செய்வாய் யா அல்லாஹ்
கண்ணியக் காதலர் நெய்னார்
மதி நாணும் அழகான வதனார்
சித்தீகா ஆயிஷா செல்வர்
கண்மணியைக் காணச் செய் அல்லாஹ்
முத்தான முஹம்மத் நபியை
கனவிலும் நனவிலும் காட்டு
முகத்தாலும் அகத்தாலும் காண
அஹதே அருள்வாயே அல்லாஹ்
ஸக்ராத்தின் வலி நீக்கு அல்லாஹ்
கலிமா மொழியச் செய் அல்லாஹ்
வலிமார்கள் போலாக்கு அல்லாஹ்
மரணத்தை மகிழ்வாக்கு அல்லாஹ்
திரும்பும் திசையெங்கும் உந்தன்
திருமுகம் வஜ்ஹுல்லாஹ் காண
திருவான நல்லோர்கள் பொருட்டால்
இறங்கிடு இணைத்திடு அல்லாஹ்
நூருல் ஹுதா நேய நேயர்
நேரிய வழியினில் மேய்ப்பர்
நேத்திரம் குளிர்ந்திடச் செய்வாய்
தோத்திரம் ஏற்பாய் யா அல்லாஹ்
ஸல்லி வஸல்லிம் அவர் பால்
சொல்வோமே மேலான அன்பால்
வல் ஆலி வஸ்ஸஹ்பி அத்ஃபால்
வல் அவ்லியாஇ வ அப்தால்
CREDITS :
Lyrics: Moulavi T.S.A Seyed Abu Thahir Faheemi Mahlari
Voice: Hafiz B.S. Ahmad Salih Faheemi
Animation: MSL STUDIO
Audio Mixing: Sajid Khan
Technical Support:
Pilot Simple Software - Hong Kong
www.pilot.com.hk
Released by:
Faheemiya Publishers (Chennai)
Rumi International Sufi Council
Supported by:
Chinna Maraicar Family (Kilakarai)
#AhmadSalihFaheemi
20 сен 2024