అజగవ సాహితీ ఛానల్కు స్వాగతం. చాలాకాలం క్రితం మనం భ్రమక పదాలున్న ఒక పొడుపు పద్యం చెప్పకున్నాం. పొడుపు పద్యం అంటే పొడుపు కథలున్న పద్యం అన్నమాట. భ్రమక పదాలంటే ఎటునుండి ఎటు చదివినా ఒకేలా ఉండే పదాలు. ఇంగ్లీషులో పాలిండ్రోమ్స్ అంటాం కదా. అవన్న మాట. Madam, Malayalam మొదలైనవి ఇంగ్నీషు భ్రమకపదాలైతే.. జలజ, ముత్యము, కందకం, మిసిమి మొదలైనవన్నీ తెలుగు భ్రమక పదాలు. ఇటువంటి పదాలను పొడుపుకథలో విడుపులుగా పెట్టి చెప్పడం మన ప్రాచీన కవులకు ఓ సరదా. అంటువంటి ఓ పద్యం ఇదివరకొకటి చెప్పుకున్నాం. ఈరోజు ఇంకొకటి చెప్పుకుందాం. ఆ పాతపద్యం లింకు కూడా ఇక్కడ ఇస్తున్నాను.
సరదా చాటువులు - పొడుపుకథ - భ్రమక పదాలు:
• సరదా చాటువులు - పొడుపు...
ఇక ఈనాటి పొడుపు పద్యం.
పార్థ శంకరులేల పైకొని పెనగిరి?
పతి బాసి ఛాయ ఏ పగిది నుండె?
చింతచిగురునందు చెలగెడు రుచి ఏది?
స్త్రీ ప్రౌఢతను చాటి చెప్పునేది?
తపసుచే నేమిటి తనకు సాధింపంగ?
ధర్మవ్యాధుడెవరు ధరణిలోన?
అతివ కందము నిచ్చు నదియేది మహిలోన?
జీవంతి యని దేని చెప్పుచుంద్రు?
అన్నిటికి జూడ మూడేసి అక్షరములు
ఈవ లావల జూచిన ఏకవిధము
చిత్తభవభంగ శివలింగ చిన్మయాంగ
వృషతురంగ శుభాంగ గౌరీశ లింగ
ఇదీ ఆ పొడుపు కథ. ఈ పద్యంలో కొన్ని గణ దోషాలున్నా అవేమీ మన పొడుపు కథకు అడ్డైతే రావు. ఈ పొడుపు పద్యంలో మొత్తం 8 పొడుపులున్నాయి. ఆ పొడుపుల విడుపులన్నీ 3 అక్షరాలతోనే ఉంటాయని పద్యం చివరిలో చెబుతున్నాడు కవి. అంతే కాదు ఈవలావల చూచిన ఏక విధము అని కూడా అంటున్నాడు. అంటే ఆ మూడక్షరాల పదాలన్నీ ఇటునుండి చదివినా అటునుండి చదివినా ఒకేలా ఉంటాయట. అంటే భ్రమక పదాలన్న మాట. ఇక ఆ పొడుపులేంటో చూద్దాం.
- Rajan PTSK
#TeluguPalindromes #teluguliterature #podupukadhalu
30 июл 2024