രണ്ട് ലക്ഷത്തി നാൽപ്പത്തിഓരായിരം കോടി രൂപയുടെ ആസ്തിയുള്ള കമ്പനി. അതിന്റെ ഫൗണ്ടിംഗ് ചെയർമാന്റെ ആസ്തിയാകട്ടെ 98,000 കോടി രൂപയും. ഉള്ള പണത്തിന്റെ മുക്കാൽ പങ്കും ചിലവഴിക്കുന്നത് ആയിരത്തോളം എൻജിഒ-കൾ വഴി ജീവകാരുണ്യ പ്രവർത്തനങ്ങൾക്ക്. ഈ മനുഷ്യൻ ഉപയോഗിക്കുന്നത്, തന്റെ ഒരു ജീവനക്കാരന്റെ കൈയിൽ നിന്ന് വാങ്ങിയ ഒരു സെക്കൻഹാന്റ് കാറും.
നാല് ചക്രം കൈയ്യിൽ വന്നാൽ മൂന്നരക്കോടിയുടെ റേഞ്ച് റോവറും, ലിമിറ്റഡ് എഡിഷൻ റോൾസ് റോയ്സ് ഫാൻ്റം എഡിഷനുമൊക്കെ വാങ്ങുന്ന കോടീശ്വരന്മാരുടെ ഇന്ത്യയിലാണ് 1 ലക്ഷം കോടിയോളം രൂപ ഇട്ടുമൂടാൻ ഉണ്ടായിട്ടും ഒരാൾ ഇത്ര സിംപിളായി ജീവിക്കുന്നത്. ആ ലെജന്റാണ് അസിം പ്രേംജി.
ജിന്ന വിളിച്ചു, പോയില്ല
മഹാരാഷ്ട്രയിലെ ഒരു ചെറിയ പട്ടണമായ അമാൽനെറിൽ (Amalner) മുഹമ്മദ് ഹാഷിം പ്രേംജിയുടെ മകനായി 1945-ലാണ് അസിം പ്രേംജി ജനിച്ചത്.
അസിംപ്രേജി ജനിച്ച വർഷമാണ് അദ്ദേഹത്തിന്റെ പിതാവ് വെസ്റ്റേൺ ഇന്ത്യ വെജിറ്റബിൾ പ്രൊഡക്റ്റ്സ് എന്ന കമ്പനി തുടങ്ങിയത്. അത് കുടുംബ ബിസിനസ്സിന്റെ തുടക്കമായിരുന്നു. സൺഫ്ലവർ വനസ്പതി എന്ന പാചക എണ്ണയായിരുന്നു ബിസിനസ്സ്. എണ്ണ ഉണ്ടാക്കുമ്പോഴുള്ള ബൈപ്രൊഡക്റ്റായി ഒരു സോപ്പും വിപണയിലിറക്കി. അതിന്റെ ബ്രാൻഡ് നെയിം 787 എന്നായിരുന്നു. രാജ്യം വിഭജനത്തിന് സാക്ഷ്യം വഹിച്ച 1947. കലാപ കലുഷിതമായ അന്തരീക്ഷത്തിൽ ഗുജറാത്തിലെ ഒരു മുസ്ലീം കുടുംബത്തിന് ബിസിനസ്സ് മുന്നോട്ട് കൊണ്ടുപോവുക തീർത്തും അസാധ്യമായിരുന്നു. അപ്പോഴേക്കും സംരംഭകൻ എന്ന പേരെടുത്ത മുഹമ്മദ് ഹാഷിമിനെ, മുഹമ്മദാലി ജിന്ന പാകിസ്ഥാനിലേക്ക് ക്ഷണിച്ചു. അവിടെ ബിസിനസ്സ് വളർത്താനുള്ള സൗകര്യങ്ങൾ ഓഫർ ചെയ്തു. പക്ഷെ പ്രേംജിയുടെ പിതാവ് അത് നിരസിച്ചു. അദ്ദേഹം ഇന്ത്യവിട്ട് പോകില്ലെന്ന് തീരുമാനമെടുത്തിരുന്നു.
ബിസിനസ്സ് വിപുലീകരിക്കുന്നു
1966-ൽ അസിം അമേരിക്കയിലെ സ്റ്റാൻഫോർഡിൽ ഇലക്ട്രിക്കൽ എഞ്ചിനീയറിഗ് പഠിക്കവേ പിതാവ് മരിച്ചു. അദ്ദേഹം നാട്ടിലെത്തി, പിതാവിന്റെ ബിസിനസ്സ് ഏറ്റെടുത്തു. പാചക എണ്ണയുടെ സംരംഭത്തിൽ നിന്ന് വേഗം ബിസിനസ്സ് ഡൈവേഴ്സിഫിക്കേഷൻ വരുത്തി. ബേക്കറിക്കാവശ്യമായ അസംസ്കൃത എണ്ണകൾ, ടോയ്ലറ്റ് സോപ്പുകൾ, ബേബി സോപ്പുകൾ, ഇലക്ട്രിക്കൽ പ്രോഡക്റ്റുകൾ അങ്ങനെ കുറെ വിവധതരം പ്രോഡക്റ്റുകൾ!
1977-ലാണ് അസിംപ്രേംജി വിപ്രോയെ അസാധാരണമായ തലത്തിലേക്ക് വളർത്താനുളള ഡിസൈനിംഗ് നടത്തുന്നത്. കംപ്യൂട്ടർ ഇൻഡസ്ട്രിയുടെ വളർച്ചയെ ഒരു കിനാവ് പോലെയോ, ഫാന്റസി കഥപോലെയോ മാത്രം സ്വപ്നം കാണാൻ പറ്റുമായിരുന്ന 70-കളുടെ അവസാനത്തിൽ അസിംപ്രേംജി വള്ളിപുള്ളിവിടാതെ തൻെറ ലക്ഷ്യത്തെ നിശ്ചയിച്ചു.
കടൽതിരയിൽ സർഫ് ചെയ്യുന്ന ഒരു പരിചയസമ്പന്നനായ സർഫറെ (surfer) പോലെ, നാല് പതിറ്റാണ്ടോളം അസിംപ്രംജി തന്റെ സംരംഭത്തെ പല തരം തിരകളിലൂടെ പായിക്കുകയായിരുന്നു. ആദ്യം കംപ്യൂട്ടർ ഹാർഡെവെയറിൽ ശ്രദ്ധവെച്ചും, സോഫ്റ്റ് വെയറുകളുടെ ഞാറ്റുവേലയിൽ അതിൽ വിത്തെറിഞ്ഞും, ടെക്നോളജി സർവ്വീസിന്റെ ചാകര കണ്ട 90-കളിൽ അതിൽ വലയിട്ടും ലോകമാകെ വിൽക്കാൻ പറ്റുന്ന ബിസിനസ്സുകളിൽ അദ്ദേഹം ബിഗ് പിക്ചർ വരച്ചിട്ടു. ഇതിനിടയിൽ അന്നത്തെ വ്യവസായമന്ത്രി ആയിരുന്ന ജോർജ്ജ് ഫെർണ്ണാണ്ടസിന്റെ കടുത്ത നടപടിയിൽ കൊക്കക്കോളയ്ക്കും അമേരിക്കൻ ഐടി കമ്പനിയായ IBM-നും ഇന്ത്യ വിടേണ്ടി വന്നു. IBM പോയ ഒഴിവ് അസിംപ്രേജി ശരിക്കും മുതലാക്കി. അങ്ങനെയാണ് ടെക്നോളജി രംഗത്തെ ഇന്ത്യയിലെ ബിസിനസ്സ്, വിപ്രോ പിടിച്ചെടുക്കുന്നത്. മിനികംപ്യൂട്ടറും മറ്റ് കംപ്യൂട്ടർ ഹാർഡ് വെയറും വിപ്രോയുടെ കുത്തകയായി. കുടുംബത്തിന്റെ ഓയിൽ നിർമ്മാണ ബിസിനസ്സിനെയാണ് പ്രേംജി കാറ്റിന്റെ ഗതിക്കനുസരിച്ച് തിരിച്ച് വിട്ടത്. Western India Palm Refined Oils Limited, WIPRO! ടെക്നോളജിയുടെ അവസാനവാക്കായി ലോകം കണ്ട വിപ്രോയുടെ പൂർണ്ണ രൂപം Western India Palm Refined Oils Limited എന്നാണെന്ന് എത്രപേർക്ക് അറിയാം?
-
മുന്നറിയിപ്പ്
എഡിറ്റോറിയൽ ഇൻസൈറ്റ്സ് എന്ന പ്രോഗ്രാമിനുവേണ്ടി വളരെ സൂക്ഷമമായി റിസർച്ച് ചെയ്ത് തയ്യാറാക്കിയ സ്റ്റോറികളുടെ സ്ക്രിപ്റ്റും വീഡിയോയും പൂർണ്ണമായും ചാനൽ അയാം ഡോട്ട് കോം-മിന്റെ (channeliam.com) അസെറ്റാണ്. ഈ സ്ക്രിപ്റ്റിലെ വരികളും ചില പ്രയോഗങ്ങളും വാക്യങ്ങളും channeliam.com-ന് കോപ്പി റൈറ്റ് ഉള്ള മൗലിക സൃഷ്ടികളാണ്. ഇതിനായി തയ്യാറാക്കുന്ന സ്ക്രിപ്റ്റ് പൂർണ്ണമായോ ഭാഗികമായോ പകർത്തുന്നതോ, കോപ്പി ചെയ്ത് ഉപയോഗിക്കുന്നതോ, വാക്യങ്ങളോ വാചകങ്ങളോ പകർത്തുന്നതോ പകർപ്പവകാശത്തിന്റെ ലംഘനമാണ്.
Subscribe Channeliam RU-vid Channels here:
Malayalam ► / channelim
English ► / channeliamenglish
Tamil ► / channeliamtamil
Hindi ► / channeliamhindi
Stay connected with us on:
► / channeliampage
► / channeliam
► / channeliamdotcom
► / channeliam
Disclaimer
The purpose of the news and videos on this website is to inspire entrepreneurs and startups by sharing valuable knowledge beneficial to their entrepreneurial careers. References to various business brands are made within these materials. Information used in business case studies is sourced from search engines like Google, national media, and news reports. These reviews are not intended to disparage anyone personally or to harm any brand, dignity, or reputation. The sole purpose is to provide a quick understanding of the context.
2 окт 2024