ചേമ്പിന്റെ ഗുണങ്ങൾ കേട്ടപ്പോൾ ചില കാര്യങ്ങൾ ഓർമ്മയിൽ വന്നു. ഇക്കഴിഞ്ഞ ചില വർഷങ്ങളിൽ ചക്കയും ചേനയും പപ്പായയും മലയാളിയുടെ തീന്മേശയിലെ വി ഐ പി കളായി മാറിയിരിയ്ക്കുന്നു. ഇപ്പോൾ ചേമ്പും! കൃഷിയെ മാത്രം ആശ്രയിച്ച് ജീവിച്ചിരുന്ന നമ്മുടെ മുൻഗാമികൾ ഇവയെല്ലാം സ്ഥിരമായി ആഹാരത്തിൽ ഉൾപ്പെടുത്തിയിരുന്നു. ആംഗലേയ സംസ്ക്കാരം തലയിലേറ്റിയ മലയാളി ഇതെല്ലാം അപരിഷ്കൃത ആഹാര രീതിയാണെന്ന മിഥ്യാ ധാരണയിൽ ആപ്പിളിനെയും, കാബേജ് കോളിഫ്ലവർ തുടങ്ങിയ പച്ചക്കറികളെയും അവിടേയ്ക്ക് ആനയിച്ചു. മത്സ്യമാംസാദികൾ കറിവച്ചു കഴിച്ചിരുന്ന നാം അവയെ വറുത്തും പൊരിച്ചും മാത്രം കഴിയ്ക്കുന്നത് പതിവാക്കി. കൂടാതെ കൃഷി മാന്യത കുറഞ്ഞ തൊഴിലാണെന്നു വിശ്വസിയ്ക്കുന്ന ശരാശരി മലയാളി കൃഷി ലാഭകരമായി കൊണ്ടുനടക്കാവുന്ന ഒരു തൊഴിലല്ലെന്നും ഉറപ്പിച്ചു. നെൽകൃഷി പാടെ ഉപേക്ഷിച്ചു. തെങ്ങുകൾ രോഗങ്ങളെ പ്രതിരോധിയ്ക്കാനാകാതെ നശിച്ചു കൊണ്ടിരിയ്ക്കുന്നു. കാലാവസ്ഥാ വ്യതിയാനം മാവുകളുടെ ഉല്പാദന ക്ഷമതയെ പ്രതികൂലമായി ബാധിയ്ക്കുന്നു. വെള്ളക്കോളർ സംസ്ക്കാരം നമ്മെ അലസന്മാരാക്കി, കായികാദ്ധ്വാനം തീർത്തും ഒഴിവാക്കി അനാരോഗ്യ ശരീരികളായി മാറി. രോഗാതുരത അമ്പരപ്പിയ്ക്കുന്ന നിലയിലേക്ക് ഉയർന്നു കൊണ്ടേയിരിയ്ക്കുന്നു. ഉന്നത വിദ്യാഭ്യാസവും വെള്ളക്കോളർ ജോലിയും ഫാഷനല്ലാതിരുന്ന കാലത്തെ ആളുകൾ നമ്മെക്കാൾ ആരോഗ്യവാന്മാരായിരുന്നു എന്ന കാര്യവും ഓർക്കണം. ഇന്ന് തമിഴരോ തെലുങ്കരോ വിചാരിച്ചാൽ മലയാളിയുടെ അന്നം മുട്ടും. പ്രകൃതി ഓരോ ഭൂപ്രദേശത്തും കാലാവസ്ഥയ്ക്കനുയോജ്യമായ സസ്യലതാദികളെയും പക്ഷിമൃഗാദികളെയും സംരക്ഷിയ്ക്കുന്നു. ജീവസന്ധാരണത്തിന് ഓരോന്നും ഇവയെ പരസ്പരം ആശ്രയിയ്ക്കുന്നതും നാം കണ്ടു കൊണ്ടിരിയ്ക്കുകയല്ലേ? ബുദ്ധി പൂർവ്വം ജീവിയ്ക്കണം എന്നു മാത്രം. ധന സമ്പാദനം എന്ന ഭ്രാന്ത് മൂത്ത് പ്രകൃതിയെ ചൂഷണം ചെയ്തും ഭൂപ്രദേശങ്ങൾക്കു യോജിയ്ക്കാത്ത കാർഷികവൃത്തി സ്വീകരിച്ചും നാം സ്വയം കുഴി തോണ്ടുന്നു. ഇപ്പോഴെങ്കിലും മാറാൻ തയ്യാറായാൽ അത്രയും നന്ന്. വിദേശ വിനോദ സഞ്ചാരികളിൽ വലിയൊരു വിഭാഗത്തിന് നമ്മുടെ തനിമയാർന്ന നാടൻ വിഭവങ്ങൾ ആസ്വദിയ്ക്കാനാകുന്നതും നാം കാണാതിരുന്നു കൂടാ!
മാഡം, എല്ലാ തരം ചേമ്പിലകളും ഇങ്ങനെ ഉപയോഗിക്കുവാൻ പറ്റുമോ? സാധാരണ കണ്ടു വരുന്നതും, പക്ഷെ നമ്മൾ ഉപയോഗിക്കാത്തതും, അത സമയം പ്രത്യക്ഷത്തിൽ ചേമ്പിലയുമായി വളരെ സാമ്യമുള്ളതുമായ ചെടിയുടെ ഇലകൾ ഉപയോഗിക്കാമോ?
ചേമ്പിന്റെ തട ഏതോ കീടങ്ങൾ തിന്നു നശിപ്പിച്ചിരിക്കുന്നതായി കാണുന്നു. പറിച്ചു നോക്കിയാൽ കീടങ്ങളെ ഒന്നും കാണുന്നില്ല. എന്താണ് പ്രതിവിധി? മാഡത്തിന്റെ mob. No. ഒന്നു തന്നാൽ ആ Photo ഞാൻ Share ചെയ്യാം.
