#indianhistory #veda #mahabharat #ramayana #knganesh #epic
വേദങ്ങളിലെ, ഇതിഹാസങ്ങളിലെ മഹത്വവും മൂല്യങ്ങളും തിരയുകയല്ല ഡോ. കെ എൻ ഗണേഷ് ഇന്ത്യയെ കണ്ടെത്തുമ്പോൾ എന്ന പരമ്പരയുടെ ഈ രണ്ടാം ഭാഗത്തിൽ ചെയ്യുവാൻ ശ്രമിക്കുന്നത്. മറിച്ച് ഒരു ചരിത്രക്കാരന്റെ സൂക്ഷ്മതയോടെയും കണിശതയോടെയും ഒരു കാലഘട്ടത്തേയും ജനതയേയും അടയാളപ്പെടുത്തുവാൻ ശ്രമിക്കുകയാണ്. വേദങ്ങൾ യാഥാർത്ഥത്തിൽ നാലല്ല, രണ്ടാണ് എന്നും, ഹാരപ്പൻ സംസ്കാരവുമായി അതിനു യാതൊരു ബന്ധവും ഉണ്ടായിരുന്നില്ല എന്നും, കാർഷിക സംസ്കാരത്തിൽ നിന്നും രൂപം കൊണ്ടതാണ് ഇതിഹാസങ്ങളെന്നും ആര്യന്മാരുടേയും തദ്ദേശവാസികളുടേയും സങ്കലനത്തിലെ വിചിത്ര രീതികൾ നമുക്ക് ഇതിഹാസങ്ങളിൽ വായിച്ചെടുക്കുവാൻ കഴിയുമെന്നും കെ എൻ ജി വിശദീകരിക്കുന്നു. വേദങ്ങളേയും ഇതിഹാസങ്ങളേയും demystify (നിഗൂഢത ഇല്ലാതാക്കി) ചെയ്യുകയും അതിൽ മതപരതയുടെ അംശങ്ങളെ ചികഞ്ഞുമാറ്റി വിമർശനബുദ്ധിയോടെ ഒരു കാലഘട്ടത്തെ, സംസ്കൃതിയെ വിലയിരുത്തുവാൻ ശ്രമിക്കുകയാണ് അദ്ദേഹം. ഇന്ത്യൻ ചരിത്രത്തെ അറിയാൻ ശ്രമിക്കുന്നവർ തീർച്ചയായും കണ്ടിരിക്കേണ്ട വീഡിയോയാണിത്.
15 окт 2024