കാട്ടുമനുഷ്യനെ നാട്ടുമനുഷ്യനാക്കുന്ന കർമ്മമാണു വിദ്യാഭ്യാസം. അതു വളരെ ശ്രമകരമാണ്.സങ്കീണ്ണമാണ്. ആ വിദ്യാഭ്യാസക്രിയയിലെ ഏറ്റവും വിഷമം പിടിച്ച കാലമാണ് ഓരോ മനുഷ്യക്കുട്ടിയുടേയും ശൈശവം. രക്ഷിതാക്കളുടേയും മറ്റു കുടുംബാംഗങ്ങളുടേയും പരിചരണങ്ങളിലൂടെയാണ് ആ ശൈശവകാലം കടന്നു പോകുന്നത്. ഇന്നത്തെ കാലത്ത് കുഞ്ഞുങ്ങൾ വഴിപിഴച്ചു പോകാനുള്ള വഴികൾ ഏറെയാണ്. മദ്യം, മയക്കുമരുന്നുകൾ, പെൺവാണിഭക്കാർ, കള്ളക്കടത്തുകാർ, കൊട്ടേഷൻ സംഘങ്ങൾ, തുടങ്ങി പലതും. നമ്മുടെ കണ്ണൊന്നു തെറ്റിയാൽ നമ്മുടെ മക്കളെ റാഞ്ചിക്കൊണ്ടുപോകാൻ കാത്തിരിക്കുന്ന കഴുകന്മാർ എങ്ങുമുണ്ട്. നമ്മൾ കരുതിയിരിക്കുക. ആകരുതൽ തുടങ്ങേണ്ടത് ശൈശവത്തിലാണ്. കുഞ്ഞുങ്ങളെ കരുതലോടെ വളർത്തുന്നതോടൊപ്പം കരുതലോടെ ജീവിക്കാനും അവരെ പരിശീലിപ്പിക്കേണ്ടതുണ്ട്. ആ പരിശീലനത്തിന്റെ ചില പാഠങ്ങൾ ഇവിടെയുണ്ട്.
11 сен 2024
