സുനില്‍ മാഷിന്റെ സംസാരം കേട്ടിരുന്നു പോവും. മടുപ്പില്ലാത്ത അവതരണം. ആദ്യമായി ഞാൻ മാഷിന്റെ വീഡിയോ കണ്ടത് ഫാസിസ്റ്റു പ്രസ്ഥാനത്തെ കുറിച്ച് വിശദീകരി ക്കുന്നത് ആണ്. പിന്നീട്‌ ഒരിക്കല്‍ ശബരിമല വിഷയത്തില്‍ ചാനൽ ചർച്ചയില്‍ അദ്ദേഹം സംസാരിക്കുമ്പോള്‍ 6 മിനിറ്റ് ആരും മിണ്ടുന്നില്ല. എല്ലാരും മുഴുവന്‍ ശ്രദ്ധയോടെ കേള്‍ക്കുന്നു. സുനില്‍ മാഷിന്റെ ഭാഷ തന്നെ കവിത ആണ്.
ആദികാവ്യമെഴുതിയ രത്നാകരന്റെ നൈതികത ഒരു വിലാപത്തിൽ നിന്നാണ്,അതിനു മുമ്പ്,വ്യാസൻ വേറൊരു നൈതികത യിൽ രാമായണകഥ പറഞ്ഞു വെച്ചു. നൂറു കോടി രാമായണങ്ങളും ഉൾക്കൊള്ളുന്നത് നൂറു കോടി നൈതികത യിലാണ്.രാമന്റെ നീതി ബോധമല്ല,രാവണന്റെ നൈതികത,സീതയെ ഉപേക്ഷിച്ചപ്പോൾ ജനങ്ങളുടെ നൈതികത വേറെയായിരുന്നു,ഒരേ തെററു ചെയ്ത ബാലീ സുഗ്രീവൻമാരെ രാമൻ കണക്കിലെടുത്തത് വ്യത്യസ്ഥ നൈതികത യിലായിരുന്നു വിഭീഷണനും ലക്ഷ്മണനും രണ്ടു നൈതികത യിലാണു രാമനെ കണ്ടിരുന്നത്.ഇങ്ങനെ പ്രത്യക്ഷവും പരോക്ഷവും ആനുപാതികവും വ്യവസ്ഥാപിതവും ആയ പല നൈതികത കളും രാമായണത്തിലുണ്ടല്ലോ,ഹിമവാനൂം സപ്ത സാഗരങ്ങളും ഉള്ളിടത്തോളം രാമായണം നിലനിൽക്കുമെന്ന ഫല ശ്രുതിയുണ്ടാവാൻ കാരണം അതിലെ ധാർമ്മിക നൈതികത തന്നെയായിരിക്കണം , ഈ നൈതികത ഭാരതീയനിൽ അന്തർലീനമത്രേ ,ഭാരതത്തിലെ സർവ്വ കലകളിലും ഈ സൗന്ദ്യര്യാത്മമായ നൈതീക നില നിൽക്കുന്നുണ്ട്, എന്തിന് പൗരസ്തവും പാശ്ചാത്യവുമായ സൃഷ്ടികളെല്ലാം ഒരു തരത്തിൽ രാമായണത്തിന്റെ പുനഃർവായന തന്നെ യാണ്!പക്ഷേ, സാറിന്റെ"നൈതികത"ഒത്തിരി പരന്നു പോയില്ലേയെന്നൊരു സംശയം,വ്യാപ്തിയല്ല,താഴ്ചയാണല്ലോ മുഖ്യം,.വിഷയത്തിൽ നിന്നും എപ്പോഴും അറിയാതെ വ്യതിചലിച്ചു പോകുന്നത് ശ്രദ്ധിക്കാറില്ലേ ,ലതിള മായ കാര്യങ്ങൾ പോലും ആലംകാരികമായി പ്പറയുമ്പോൾ ശരിക്കും അരോചകം തോന്നും; ഒരു മാതിരി അതിഭാവുകത്വം കലർന്ന പോലെ,പണ്ഠിതോചിതം എന്നൊക്കെപ്പറയുന്ന ഒരു പ്രഭാഷണത്തിന്റെ ഏകാഗ്രത ഇതിൽ വന്നോഎന്നൊരു സംശയം!
എത്ര സ്oവേദനക്ഷമത ഭാഷ അവകാശപ്പെട്ടാലും അപരന്റെ അനുഭവം എന്റെ അനുഭവം ആ യിത്തീരുന്നില്ല. അനുഭവത്തിനും വാക്കിനും ഇടയിലെ വിടവിനെ നികത്താൻ മൗനം വേണ്ടി വരുന്നത് അത് കൊണ്ടാണ്. പലപ്പോഴും മൗനം വാക്കിനെ കവച്ചു വയ്ക്കുകയും വാക്കിന്നപ്പുറത്തെ അനുഭവത്തെ തൊടുകയും ചെയ്യും. അങ്ങനെ തൊടുന്ന അപരാ നുഭവമാണ് ചില ഉത്കൃഷ്‌ട സാഹിത്യ കൃതികളിലൂടെ കാല ദേശ്തിർത്തികൾ ക ടക്കുന്നത്.
But all the story of the night told over, And all their minds transfigured so together, More witnesseth than fancy’s images And grows to something of great constancy, But, howsoever, strange and admirable.
വളച്ചു കെട്ടില്ലാതെ ഋജു വായിട്ടു പറയാൻ കഴിയുന്നതാണല്ലോ വാഗ്മിയുടെ ലക്ഷണം. അല്പം കൊണ്ടധികം ,പറയുന്നതിൽ അടുക്കും ചിട്ടയും.ഭാഷ കൈവശമുണ്ടെന്നു കരുതി ആശയത്തിൽ നിന്നും വ്യതിചലിക്കാതെ തന്റെ പാണ്ഡിത്വം പ്രകടമാക്കതെ സംസാരിക്കുന്നതാണ് പ്രഭാഷകന്റെ നൈതികത!
യാഥാർത്ഥ്യത്തെ കുറിച്ചുള്ള ധാരണയെ അട്ടിമറിക്കുന്നിടത്താണ് ഒരു പ്രാസംഗികന്‍ ജനിക്കുന്നത്. എല്ലാവരും കണ്ടു മനസ്സിലാക്കി ആസ്വദിച്ചതാണ് ഒരു പ്രാസംഗികന്‍ ഉല്പാദിപ്പിക്കുന്നതെങ്കിൽ അതിനു പ്രസക്തിയില്ല. ഈ പാതയില്‍ അഭിരമിക്കുന്ന ഒരാള്‍ക്ക് പുതിയ ചിത്രങ്ങള്‍ ഒന്നും ഭാവന ചെയ്യാന്‍ ആകില്ല. കാരണം അയാൾ ഒരു ന്യൂനപക്ഷ ത്തെ അവരുടെ നിലവാരപ്പെട്ട അഭിരുചികളും ആയി സമന്വയിപ്പിക്കക മാത്രമാണ് ചെയ്യുന്നത്.
@@teamblenderz466 ധാരണകൾ, വസ്തുതകള്‍ ഇതിൽ വസ്തുതകള്‍ പലപ്പോഴും ദൃഷ്ടി ഗോചരം അല്ല, അതിനു മനനം ചെയ്യേണ്ടിവരും. പകരം സമൂഹത്തില്‍ നിലനില്‍ക്കുന്ന ധാരണയെ ഊട്ടി ഉറപ്പിക്കുക എന്നത്‌ തുലോം നിസാരമായ കാര്യമാണ്. പക്ഷേ യാഥാര്‍ത്ഥ വസ്തുതകള്‍ ഒരു നൈതികമായ തലത്തിലേക്ക് ഉയര്‍ത്തുക എന്നതാണ് ഒരു യാഥാര്‍ത്ഥ പ്രാസംഗികന്‍ ചെയ്യേണ്ട ധർമം. പക്ഷേ ആ തലത്തിലേക്ക് ഏത്താൻ വളരെ ചുരുക്കം പേര്‍ക്ക് മാത്രമാണ് കഴിഞ്ഞിട്ടുള്ളത്.
