ඔබත් “සිතුවිලි” වල වහලෙක්ද? නිතරම කල්පනා කරනවාද ?| Beyond the Thinking/Conditioned Mind 

මිත්‍රයා ඔබට පුළුවන්නම් ඔබ අතපය චලනය කරන හැම වෙලාවෙම අවදානයෙන් කරන්න.ඒ මොහොතෙ වෙන මොකවත් දේවල් කරන්න එපා.සතිය තියාගන්න.මේක බොහොම අපූරු එකතරා විදියක භාවනාවක්.ඇස් පිල්ලමක් ගහන තැන ඉදලම ශරීරයට අවදානය දීලා ඔඋආව control කරන්න.පුළුවන්නම් ඔයාගේ සිත හොදට පිහිටුවාගෙන ගෙදර මිදුලෙ හරි ඔයාගේ හුස්ම ගැනීම සහ පිටකිරීම තුල ආනාපනසතිය වඩමින් ටිකක් වෙලා සක්මන් භාවනා කරන්න.ඊට වස්සෙ ආයෙ ටික වෙලාවක් ඔයාගෙ කකුලට පෑගෙන හැම වැලිකැටේටම වගේ අවදානය දීලා පෑගීම අරමුණු කරගෙන (මේවා සන්සුන්ව කරන්න)භාවනා ඉරියවුවෙන් සක්මන් කරන්න.ටික දවසක් කරලා බලන්නකො ඔයාටත් නොදැනිම ඔයාගෙ සිත පොඩි ළමයෙක් වගේ මෙල්ල වෙයි.ඒකෙන් ඔයාට පුළුවන් ඔයාගෙ සිත ඔයාගෙ ශාරීරික ක්‍රියාකාරීත්වයට අවදානය දීලා මේ මොහොත තුල ජීවත්වෙන්න.හැකිනම් පෝය දවසක පන්සලේදී උපාසක,උපාසිකාවන් එක්ක යෝජනාවක් කරලා.ස්වාමීන් වහන්සේලාගෙ උපදෙස් ඇතුව කරන්න.මේක අතිශය සාර්තක ක්‍රමයක්.මේකට වෙලාවක් වෙන් කරගන්න.එදිනෙදා කරන වැඩ කොච්චර කරත් ඉවරයක් වෙන දේවල් නෙවෙයිනෙ.කාර්‍යබහුල ජීවිතයෙන් ටිකක් මිදිලා භාග්‍යවත් බුදුපියාණන් වහන්සේ සරන යන්න.සිල් සමාදන් වෙන්නෙ නැති කෙනෙක්නම් සිල් සමාදන් වෙන්න.පවුලෙ අයත් එක්කම කුසල අරමුණු ඇතුව යන්න පුළුවන්නම් හොදයි.සමහරවිට පංච නීවරණ ධර්ම වලින් බාදා වෙයි.ඒවා මාරබලවේග බව වටහාගෙන හැම කුසල කර්මයක් අවසානයේම ප්‍රඤ්ඤා පතන්න.සිල් ගැනීම අපහසුයි වගේ දැනුනත් මුලදි කම්මැලි හිතුණත් ඒ තුල ලොකු මානසික සුවයක් තියෙනවා.නමුත් ඔබට ඒක අපහසුවක් වගේ දිගටම දැනෙනවානම් ඒ ඔබ එය කැමැත්තකින් කරන දෙයක් නෙවෙයි කියලා වටහාගෙන සන්සුන්ව එයට සිත නැඹුරු වෙන්න ඉඩ හරින්න.තෙරුවන් සරණයි!...