Ven Matara Mahinda Thero - Neth FM Dharma Dakshina 2020-08-30
පුජ්යපාද මාතර මහින්ද ස්වාමීන්ද්රයන් වහන්සේ - නෙත් FM ධර්ම දක්ෂිණා 2020-08-30
අපි නිවැරදිව දන් දෙන්න ඕන කොහොමද කියන කරුණ බුදුරජාණන් වහන්සේ..
පසු ගිය දානයේ අපි කතා කරලා ඉවර කරා පෞද්ගලික දාන 14 පිළිබඳව
අද දේශණාවෙන් අපි සාකච්චා කරන්නේ...සාංඝික දාන 07ක් පිළිබඳව
සාංඝික දාන 07
1 - භාග්යවතුන් වහන්සේ සමඟ යම්කිසි ( ගණනක් නියම නොකර ) වඩින යම්තාක් භික්ෂුන්, භික්ෂුණින් වහන්සේලා වඩිනවද ඒ වඩින සියළු සංඝ රත්නයට දෙන දානය - බුදුරජාණන් ප්රමුඛ උභතෝ සංඝයාට දානය දීම
2 - ගණනක් නියම නොකර වඩින යම්තාක් භික්ෂුන් භික්ෂුණි වහන්සේ වඩිනවද ඒ වඩින සියළු සංඝ රත්නයට දෙන දානය - බුදුරජාණන් රහිතව ප්රමුඛ උභතෝ සංඝයාට දානය දීම
3 - භික්ෂුන් වහන්සේලා යම්තාක් වඩිනවද ඒ වඩින සියළු සංඝ රත්නයට දෙන දානය
4 - භික්ෂුණින් වහන්සේලා යම්තාක් වඩිනවද ඒ වඩින සියළු සංඝ රත්නයට දෙන දානය
5 - භික්ෂුන් සහ භික්ෂුණින් වහන්සේලා නියම කරගත් පිරිසක් වඩිනවද ඒ වඩින සියළු සංඝ රත්නයට දෙන දානය
6 - භික්ෂුන් වහන්සේලා නියම කරගත් පිරිසක් වඩිනවද ඒ වඩින සියළු සංඝ රත්නයට දෙන දානය
7 - භික්ෂුණින් වහන්සේලා නියම කරගත් පිරිසක් වඩිනවද ඒ වඩින සියළු සංඝ රත්නයට දෙන දානය
මේ දාන වලින් මහා ආනිසංස ලැබෙන සාංඝික දානය පළමුව සඳහන් කරන බුදුන් ප්රමුඛ වඩිනා වූ ( ප්රමාණයක් සඳහන් නොකර වඩින ) යම්තාක් භික්ෂුන්, භික්ෂුණින් වහන්සේලා වඩිනවද ඒ වඩින සියළු සංඝ රත්නයට දෙන දානයයි
බුදුන්ට පූජා කරපු දානය සතුන්වත් නොකන තැනකින් තබන්න.
ආනන්දය අනාගතයේ ශාසනය කෙළවර වන අවසානයේ පහල වෙන අතේ හරි බෙල්ලේ හරි කහ පාට රෙදි කඩක් බැඳගෙන ඉන්න කාසායකණ්ඨක දුස්සීල පාප ධර්මය රකින භික්ෂු පිරිස නියෝජනය කරන කොටසට දන් දුන්නත් ඒ දානයේ ආනිසංසය බොහොම වැඩි බව බුදුරජාණන් වහන්සේ වරක වදාළ සේක. මේකට හේතුව.... ධර්ම දේශණාව ශ්රවණය කරන්න
මේ දානය පූජාකරන්න කරන්න පුළුවන් සංඝ රතනය කෙරෙහි හිත පහදවාගන්න කෙනාට පමණයි.
දානයක් සාංඝික වෙන්න නම් ස්වාමීන් වහන්සේලා කී නමක් වැඩමවන්න ඕනද ? ධර්මයට අනුව..
ධර්මයට අනුව 1 ස්වාමීන් වහන්සේ නමකට වුනත් සාංඝික කරලා දානයක් පූජා කරන්න ඕන.
අපිට දානයක් දෙන්න එක ස්වාමීන් වහන්සේ නමක් ලැබුණම හිතන්න ඕන අනේ මට මහා සංඝරතනයෙන් එක භික්ෂුවක් ලැබුණා කියල..
නින්දා කරන එක අපහාස කරන එක කල යුතු දෙයක් නෙමෙයි. එය නුසුදුසු දෙයක්
ඔබ භාග්යවතුන් වහන්සේගේ ශාසනය පිළිබඳ නිගමන වලට එන්න එපා මේ දුස්සීල භික්ෂුන්ගේ ක්රියාකාරිත්වයෙන්, කරන කියන දේවල් වලින්..
යම්කිසි කෙනෙක් භික්ෂුවක් හෝ ගිහි කෙනෙක් වේවා.. යම්කිසි කෙනෙක් අකුසලයක් කරොත් ඒ අකුසලය ඒ ඒ කෙනාට ගෙවන්නම වෙනවා. එක භික්ෂුවකගේ වරදක් දැක්කම සමහරු සමස්ථ සංඝ සමාජයම හංවඩු ගහනවා.
අදටත් මේ ශාසනයේ මහා රහතන් වහන්සේලා, අනාගාමී වහන්සේලා වැඩ සිටිනවා..
ආර්යයන් වහන්සේලාට අපවාද කරනවා කියන එක හරිම භයානකයි. ඒක නිසා චෝදනා කරනකොට හරිම පරිස්සම් වෙන්න
29 авг 2020