ຄວາມຮູ້ສຶກຕົວເປັນເລື່ອງໃຫຍ່ :: ພຣະທັມມະເທດສະໜາພຣະອາຈານໃຫຍ່ປາໂມດ ປາໂມດໂຊ ວັດສວນສັນຕິທັມ 

ຈຸດຕັ້ງຕົ້ນຂອງການພາວະນາຈຸດທຳອິດເລີຍ ຄືຕ້ອງຮູ້ສຶກຕົວ
ຮູ້ສຶກຕົວກໍຄື ສະພາວະທີ່ຈິຕໃຈຢູ່ກັບເນື້ອກັບຕົວ
ຄືສະພາວະຂອງສະມາທິທີ່ດີນັ້ນເອງ
ສະມາທິທີ່ດີ ຄືສະພາວະທີ່ຈິຕໃຈຕັ້ງໝັ້ນ
ຢູ່ກັບເນື້ອກັບຕົວໂດຍທີ່ບໍໄດ້ບັງຄັບໄວ້
ຄວາມຮູ້ສຶກຕົວເປັນເລື່ອງໃຫຍ່
ແຕ່ກ່ອນທີ່ຄົນບໍຮູ້ຈັກ ບໍເນັ້ນເລື່ອງຄວາມຮູ້ສຶກຕົວ
ແຕ່ໄປເນັ້ນເລື່ອງຄວາມສະຫງົບ
ເນັ້ນຮູບແບບຂອງການປະຕິບັດ
ເຊັ່ນ ຕ້ອງຍ່າງຈົງກົມມື້ລະ 10 ຊົ່ວໂມງ ນັ່ງ 10 ຊົ່ວໂມງ
ຄຶດວ່າຍ່າງຈົງກົມໄດ້ດົນ ນັ່ງໄດ້ດົນ ຄືດຸໝັ່ນປະຕິບັດ
ແທ້ຈິງແລ້ວ ຈະເປັນການປະຕິບັດຫຼືບໍປະຕິບັດ ມັນຢູ່ທີ່
ຈິຕຫລາຍກວ່າ
ຖ້າຈິຕບໍຖືກ ຈິຕໃຈບໍໄດ້ຢູ່ກັບເນື້ອກັບຕົວເລີຍ
ຈິຕໃຈຟຸ້ງຊ່ານ ລືມຕົນລືມຕົວຢູ່ ແລ້ວກໍທົນຍ່າງ
ນັ້ນຄື ອັຕຕະກິລະມະຖານຸໂຍກ ຄືທໍລະມານຕົນເອງ
ບໍໄດ້ອັນຫຍັງຂຶ້ນມາ ມັນທໍລະມານຢ່າງດຽວເລີຍ
ທໍລະມານກາຍ ທໍລະມານໃຈ
ຖ້າເຮົາພຽງຮູ້ສຶກຕົວຂຶ້ນມາ ຈິຕໃຈຢູ່ກັບເນື້ອກັບຕົວ
ຈິຕຕັ້ງໝັ້ນ ຈິຕມີສະມາທິຢູ່ ມີສະຕິລະນຶກຮູ້ກາຍ ລະນຶກຮູ້ໃຈຢູ່
ເຖິງຈະຢູ່ພຽງຊ່ວງເວລາບໍດົນ ແຕ່ຈິຕຕັ້ງໝັ້ນຂຶ້ນມາແທ້ໆ
ຊ່ວງເວລາບໍດົນນີ້ ສະໄໝບູຮານບອກວ່າ
ຊ່ວງເວລາຊ້າງກະດິກຫູ ງູແລບລີ້ນ
ທ່ານບອກບຸນກຸສົນທີ່ເຮົາໄດ້ມະຫາສານ
ເພາະການທີ່ເຮົາຮູ້ສຶກຕົວຕື່ນຂຶ້ນມາໄດ້
ເປັນຈຸດຕັ້ງຕົ້ນໄປສູ່ມັກຜົນນິພພານ
ເປັນບຸນທີ່ໃຫຍ່ມະຫາສານ
ຖ້າເຮົາຮູ້ສຶກຕົວບໍໄດ້
ຄຸນງາມຄວາມດີທັງຫຼາຍບໍມີເຫຼືອແທ້ດອກ
ພຣະພຸດທະເຈົ້າທ່ານເຄີຍສະແດງທັມໄວ້ບົດໜຶ່ງວ່າ
ທ່ານບໍເຫັນມີທັມມະອັນຫຍັງເລີຍ
ທີ່ຈະເຮັດໃຫ້ອະກຸສົນດັບໄປ ແລ້ວກຸສົນຈະເຣີນຂຶ້ນ
ທ່ານບໍເຫັນມີທັມມະອັນຫຍັງສຳຄັນເທົ່າກັບຄວາມຮູ້ສຶກຕົວ
ພຣະທັມມະເທດສະໜາພຣະອາຈານໃຫຍ່ປາໂມດ ປາໂມດໂຊ ວັດສວນສັນຕິທັມ ຈ.ຊົນບຸຣີ
ວັນທີ 4 ສິງຫາ 2562 MP3 ແຜ່ນ 83 (ໄຟລ໌ 620804)
ຕິດຕາມຂ່າວສານ ອ່ານພຣະທັມຄຳສອນ ແລະດາວໂຫລດໄຟລ໌ສຽງ
ເວັບໄຊທ໌ທາງການ: dhamma.com
dhammat...
/ dhammadotcom
line.me/ti/p/~@...
www.dhamma.com...
goo.gl/maps/Ab...