စစ်သားတွေက တိုက်ဖို့ထက်ပြေးဖို့ပဲ အားသန်နေတယ် (ရုပ်/သံ)
ဇော်မြတ်ခန့်၊ ဇူလိုင် ၁၁၊ ၂၀၂၄
ရှမ်းပြည်နယ်မြောက်ပိုင်းက ၁၀၂၇ စစ်ဆင်ရေး ဒုတိယပိုင်းမှာ စစ်ကောင်စီက စခန်းတွေလက်လွှတ်နေရသလို နောင်ချိုမြို့ကိုလည်း လက်လွှတ်လိုက်ရပြီ ဖြစ်ပါတယ်။
နောင်ချိုမြို့က စကခ ၁ လက်အောက်ခံ ဒုံးတပ်ရင်းအပါအဝင် တပ်ရင်း ၃ ခုလုံးကို သိမ်းပိုက်ပြီး မြို့ကိုလည်း ထိန်းချုပ်ထားနိုင်တယ်လို့ တအာင်းအမျိုးသားလွတ်မြောက်ရေးတပ်မတော် (TNLA) က တရားဝင်ကြေညာထားပါတယ်။
စစ်ကောင်စီဟာ ရှမ်းမြောက်တိုက်ပွဲတွေအတွက် စစ်အင်အား၊ လက်နက်အင်အား ဖြည့်တင်းထားခဲ့ပေမယ့် တိုက်ပွဲတွေဟာ မြို့တော်လားရှိုးကနေ တဖြည်းဖြည့် စိမ့်ဝင်လာပြီး မြို့ပေါ်ရပ်ကွက်တွေ ကျယ်ပြန့်လာတာတွေ့ရပါတယ်။
စစ်ကောင်စီဟာ ဒီအခြေအနေတွေအတွက် အပြင်းအထန်ကြိုတင်ပြင်ဆင်ခဲ့တာတောင် စစ်ရှုံးနေတာဟာ အောက်ခြေစစ်သားတွေရဲ့ စိတ်အားထက်သန်မှုမရှိတာကြောင့် ဖြစ်တယ်လို့ CDM အရာရှိတွေက သုံးသပ်ကြပါတယ်။
၁၀၂၇ စစ်ဆင်ရေး ဒုတိယအပိုင်းနဲ့ပတ်သက်ပြီး စစ်ကောင်စီတပ်ကနေ အကြမ်းမဖက်အာဏာဖီဆန်ရေးလှုပ်ရှားမှု (CDM) အဖြစ်ဝင်လာတဲ့ ဗိုလ်ကြီး ကျော်မြင့်လွင်နဲ့ လုံခြုံရေးအရ အမည်မဖော်လိုတဲ့ ဗိုလ်မှူးတဦးက သုံးသပ်ထားကြပါတယ်။
------------------------------------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: bit.ly/3btQYpR
10 июл 2024