ყველა ვიდეოს ვუყურე ახლა მოვრჩი. რისფექთ მეგობარო🙏 რა მაინტერესებს ნამჯაში მოყვანილი კალმახა რატომ არის უფრო ღია ფერის და კაკლის მორზე დათესილი უფრო შავი?
იქნებ იმეაზეც ჩაწერო ერთი ვიდეო, რა პერიოდში იზრდება ზოგადად სოკოები რომელ სეზონზე და როდის შეიძლება წასვლა სანადიროდ, ერთსა და იმავე ადგილას თუ იზრდება?
ქამის ვარგისიანობის დასადგენად არსებობს 3 მარტივი წესი: 1. ქუდის ქვეშ ფირფიტები არ უნდა იყოს თეთრი. ქამას არასოდეს აქვს თეთრი ფირფიტები. ნორჩ ქამას აქვს მოვარდისფრო ფირფიტები. რაც უფრო ასაკში შედის, ფირფიტები მუქდება და ჯერ ყავისფერი, ბოლოს კი მუქი შოკოლადისფერია. 2. სპეციფიური სუნი: ქამა სოკოს სუნი ვინც იცის, დამეთანხმება, რომ ქამას აქვს თავისი განუმეორებელი სოკოს სუნი. ქამას მატყუარას ეს სუნი არ აქვს. ქამას მატყუარას აქვს აფთიაქის მსგავსი, ქიმიკატების სუნი. 3. ქამას მატყუარას ქუდზე რომ გადაუსვამთ ფრჩხილს, დაზიანებული ადგილი სწრაფად იცვლის ფერს და ყვითლდება. სიყვითლე აშკარად ეტყობა. ნამდვილ ქამას ეგეთ შემთხვევაში სიყვითლე არ ემჩნევა. ყვითელი ფერი არ უჩნდება გასმულ ადგილზე ქამა ნამდვილი მხოლოდ მაშინაა, როცა ამ სამივე კრიტერიუმს აკმაყოფილებს.
მაგის შესახებ ცალკე მაქვს ჩაწერილი ვიდეო და უახლოეს მომავალში ავტვირთავ. თუმცა აქვე შემიძლია გითხრათ ძირითადი განმასვავებელი ნიშნები. თავჭედილა vs მარწყვიო 1. ქუდი თავჭედილა - მურა, მოყვითალო მურა, ჭუჭყისფერი ან მოოქროსფროა. მარწვიო - ჭუჭყისფერ-მოვარდისფრო, ყავისფერ-მოწითალო, ხორცისფერი. 2. საბურველის ნარჩენები (მეჭეჭები) თავჭედილა - თეთრი, ფიფქისმაგვარი ფთილები. მარწყვიო - მურა თეთრი, მოყვითალო, მონაცრისფრი ან მოყავისფრო. პატარა ზომის სოკოებზე პირამიდისებრი ფორმის. 3. ფირფიტები თავჭედილა - თეთრი (დაზიანებისას ფერს არ იცვლის) მარწყვიო - თეთრი, კრემისფერი (დაზიანებისას მოწითალო ფერს იძენს დროის შემდეგ) 4. რბილობი თავჭედილა - თეთრი, გადატეხისას ფერს არ იცვლის მარწყვიო - თეთრი, გადატეხისას წითლდება განსაკუთრებით ფეხზე 5. ფეხი თავჭედილა - თეთრი. ახასიათებს თეთრი საყელო. ფეხი ძირში ბოლქვისებურია, ფერს არ იცვლის. მარწყვიო - ჯერ ვარდისფერი, შემდეგ კი მოყავისფრო-მოწითალო, ზედაპირი წვრილქერცლოვანია. ფეხზე ახასიათებს ფირფიტოვანი, კიდეებზე ფიფქოვან-ზოლებიანი საყელო. ფეხი ძირში ბოლქვისებურია და რომ გადაჭრით სიწითლეც აშკარად ეტყობა. ასევე: მარწყვიოს ფეხი იჩლითება, ბოჭკოვანი აგებულებისაა. თავჭედილას ფეხი კი ისრისება ცვილივით. ვიზუალურად ამ ორი სოკოს გარჩევა ერთმანეთისგან არაა ძნელი, თუ ამოსაცნობი ნიშნები იცით. პ.ს. თავჭედილა ძლიერ შხამიანია. იწვევს ნერვული ცენტრების დამბლას.
