#Mota #Masjid #4in1 #Ethiopian_Muslims
#Copyright @MinberTube
t.me/joinchat/...
ግጥም፡ ሙሐመድ ፈረጅ
ድምጽ፡ ኪላ ስቱዲዮ
ፕሮዳክሽን፡ ሚንበር መልቲሚዲያ ፕሮዳክሽን
ያመሻሽ ሰደድ ከሩቅ የሚታይ
ደም ከለበሰው ከሞጣ ሰማይ
ደጀ ሠላሙን በእሳት አጋይቶ
ሲያሰማ አደረ ማኅሌት ቀረርቶ።
ጀምበር ማዘቅዘቋን በናፍቆት ጠብቀህ
ነጥለህ ማገድከኝ እሳት አሰልጥነህ
ከየት የመጣ ልማድ ከማን የተዋስከው
ባልንጀራን ማንደድ ለጧፍ በለኮስከው
ለምን
አረ ለምን
ከቶ ለምን
ግን ለምን
ምን ያለ ልብ ነው ቂም አዝሎ የኖረ
ካራጁ ለዋለው ረመጥ የቸረ
እቶኑን ሸሽጎ ጥርሱን አሳይቶ
በቁም የሚያቃጥል ጀምበርን ሸኝቶ።
ለምን
አረ ለምን
ከቶ ለምን
ግን ለምን
ያመሻሽ ሰደድ ከሩቅ የሚታይ
ደም ከለበሰው ከሞጣ ሰማይ
ቤተ መቅደሱን ጨክኖ አጋይቶ
ሲፎክር አነጋ ሲያቅራራ አምሽቶ።
እንዴት ተክነኻል በእሳት ዳንኪራ
በቅኔ ዘረፋ በፍም ጦር ውርወራ
የሰውነት ወጉን ትላንትን ዘንግተህ
ልክህን አየሁት የእሳት ራት ሆነህ።
ለምን
አረ ለምን
ከቶ ለምን
ግን ለምን
የጫርከው እንዲከስም ሳታቃብል ውሃ
ባረክከው ምሽቱን በችቦ አመኃ
የዘመናት ወዜን ኑሮዬን ስትነጥቀኝ
እጅህን እንዳልይዝ ሃገሬ አስጨነቀኝ።
ለምን
አረ ለምን
ከቶ ለምን
ግን ለምን
እሰይ ደስ ይበለው ስለቱ ሰመረ
እንኳን የሰንበቱ ያዘቦቱም ቀረ
ላቱን ደጅ አስጥቶ ጌታውን ተማምኖ
ማር ሲያዘንብ አመሸ ታህሳስን አጥኖ።
ለምን
አረ ለምን
ከቶ ለምን
ግን ለምን
ማዕበልን ላቆመ ሳር ቅጠል በጥሶ
ግብሩን ሳይዋሱ መሸለም ደግሶ
የክብሪት ጨዋታ እብደት ወይስ መላ
በርቶልኛል ማለት አገር ተቀጣጥላ
እናት ተቀጣጥላ።
ሃገሬን ብዬ እንጂ እሷን አስበልጬ
መች ፈርቸ አውቅና ለቃንቄ ደንግጬ
እምነቴን ብዬ እንጂ ወላፈን የበላኝ
ጎሊያድን ለመጣል እኔም የዳውድ ነኝ።
ለምን
አረ ለምን
ከቶ ለምን
ግን ለምን
1 окт 2024