ፍቺ… እፎይታ ወይስ ፀፀት? || ነገረ- ፍቺ || ለጎጆዬ || ሚንበር ቲቪ 

"የ21 ዓመት ልጅ ነኝ ቤተሰቦቼ የተፋቱት የ9ኝ ዓመት ልጅ እያለሁ ነበር፡፡ በወቅቱ እናት እና አባቴ በጣም ይጋጩ ነበር። ሁልጊዜም እናቴ አባቴን አንተ ነህ እዚህ ህይወት ውስጥ የከተትከኝ እያለች ታማርር ነብር፡፡ ህልሜን አስትተህ ልጅነቴን በላህ እያለች ትወቅሰውም ነበር፡፡ አባቴ በወቅቱ ከቤት በመራቅ አንዳንዴም የፈለግሽበት መሄድ ትችያለሽ በማለት ጭቅጭቃቸው ይቋጭ ነብር። የቤተሰቦቼ ዋነኛው ችግር የገንዘብ ችግር ነበር፡፡ እናቴ በወቅቱ አብረን ከሆንን ሁሉም ይመጣል ብላ የገባችበት ትዳር ከጊዜ ወደ ጊዜ እየተፈጠረ ያለው ክፍተት በደንብ የታያት ይመስለኛል። በመጨረሻም በሽማግሌ ሊቃና ያልቻለው ትዳር በፍቺ ተጠናቀቀ፡፡" ይህ መልዕክት በፍቺ ከተሰበሩ ልቦች ከደረሱን በርካታ መልዕክቶች የአንድ ተመልካቻችን ሃሳብ መንደርደሪያ ነው፡፡
በስኬታማ ትዳርና ውጤታማ ቤተሰብ ምሥረታ ዙሪያ የተለያዩ ርዕሰ ጉዳዮችን በማንሳት ስድስት ወራትን የተሻገረው ለጎጆዬ ቤተሰብ ተኮር ፕሮግራማችን፤ ዛሬም ባለፉት ሳምንታት እያነሳነው ከነበረው የፍቺ ዋነኛ መንስዔዎችና የሚያስከትሉት ውጤት የቀጠለ ሃሳብ የሚቀርብበት ነው፡፡ ዘወትር ማክሰኞ ምሽት ከ2፡30 ጀምሮ በሚንበር ቲቪ የሚቀርበውን ለጎጆዬ ቤተሰብ ተኮር መሰናዶ በመከታተል ስለ ጋብቻና ቤተሰብ እንደዚሁም የልጆች አስተዳደግ ሥርዓት ዕውቀትን ይቅሰሙ!!
#ለጎጆዬ

Развлечения