#ចំណងជើងវីដេអូ៖ «ប្រាជ្ញាជាមួយនឹងសមត្ថភាពដ៏ខ្ពស់» Wisdom With Increased Capacity
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី៣០ ខែមិថុនា ឆ្នាំ២០២៤។
«ប្រាជ្ញាជាមួយនឹងសមត្ថភាពដ៏ខ្ពស់» Wisdom With Increased Capacity
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ហើយថា តាំងពីក្មេងតូចមក អ្នកបានស្គាល់បទគម្ពីរទាំងប៉ុន្មាន ដែលអាចនឹងនាំឲ្យអ្នកមានប្រាជ្ញាដល់ទីសង្គ្រោះ ដែលបានដោយសារសេចក្ដីជំនឿជឿដល់ព្រះគ្រីស្ទយេស៊ូវផង (២ធីម៉ូថេ ៣:១៥)។
ប្រាជ្ញារបស់ព្រះត្រូវបានរុំព័ទ្ធ នៅក្នុងព្រះបន្ទូលរបស់ទ្រង់។ ប្រាជ្ញាគឺគ្រប់ជ្រុងជ្រោយ ហើយនឹងដឹកនាំអ្នករាល់គ្នា ឆ្លងកាត់គ្រប់ទិដ្ឋភាពនៃជីវិត។ សុភាសិត ៤:៧ បញ្ជាក់អំពីសារៈសំខាន់នៃប្រាជ្ញា ដោយធ្វើឲ្យប្រាជ្ញាជាការស្វែងរកចម្បង ក្នុងជីវិតរបស់អ្នករាល់គ្នា។ ខគម្ពីរនិយាយថា «ប្រាជ្ញាជាសំខាន់លេខ១ ដូច្នេះចូរខំឲ្យបានប្រាជ្ញាចុះ អើ កំពុងដែលខំឲ្យបានរបស់ផ្សេងៗ នោះចូរខំឲ្យបានយោបល់ផង»។
បទគម្ពីរ ដូចដែលបានអាននៅក្នុងខគម្ពីរផ្ដើមរបស់យើង មានសមត្ថភាពពិសេស ក្នុងការធ្វើឱ្យយើង មានប្រាជ្ញា ឆ្ពោះទៅរកសេចក្ដីសង្រ្គោះ។ វាជាហេតុផលមួយ ដែលអ្នករាល់គ្នា ត្រូវតែសញ្ជឹងគិតអំពីព្រះបន្ទូល។ យ៉ូស្វេ ១:៨ AMPC និយាយថា៖ «គម្ពីរក្រឹត្យវិន័យនេះមិនត្រូវចេញពីមាត់អ្នករាល់គ្នាទេ ប៉ុន្តែអ្នករាល់គ្នាត្រូវរំពឹងគិតទាំងថ្ងៃទាំងយប់ ដើម្បីឲ្យអ្នករាល់គ្នាអាចប្រតិបត្តិតាម គ្រប់ទាំងសេចក្ដីដែលមានចែងទុកក្នុងគម្ពីរ។ ពេលនោះ អ្នករាល់គ្នានឹងធ្វើផ្លូវអ្នករាល់គ្នាឲ្យបានចម្រើនឡើង ហើយបន្ទាប់មកអ្នករាល់គ្នា នឹងប្រព្រឹត្តដោយប្រាជ្ញា ហើយទទួលបានជោគជ័យ»។
សូមកត់សម្គាល់ថា ខនេះនិយាយថា ការរំពឹងគិតលើព្រះបន្ទូល នឹងធ្វើឱ្យអ្នករាល់គ្នា មានភាពចម្រុងចម្រើន ហើយបណ្តាលឱ្យអ្នករាល់គ្នា ដោះស្រាយដោយប្រាជ្ញា។ នោះមានន័យថាការរំពឹងគិតលើព្រះបន្ទូល នឹងធ្វើឱ្យអ្នករាល់គ្នាយល់ដឹង និងច្បាស់លាស់។ កូល៉ុស ៣:១៦ «ចូរឲ្យព្រះបន្ទូលនៃព្រះគ្រីស្ទ បានសណ្ឋិតនៅក្នុងអ្នករាល់គ្នាជាបរិបូរ ដោយប្រាជ្ញាគ្រប់យ៉ាង ទាំងបង្រៀន ហើយទូន្មានគ្នា ដោយនូវទំនុកដំកើង ទំនុកបរិសុទ្ធ នឹងចំរៀងខាងឯវិញ្ញាណ ទាំងច្រៀងក្នុងចិត្តថ្វាយព្រះ ដោយព្រះគុណ»។
នៅពេលអ្នករាល់គ្នាជ្រមុជខ្លួនអ្នករាល់គ្នា នៅក្នុងព្រះបន្ទូល កិនរំលាយសេចក្តីពិតរបស់ព្រះបន្ទូល ហើយអនុញ្ញាតឱ្យសេចក្ដីពិតនោះ ជ្រាបចូលទៅក្នុងវិញ្ញាណរបស់អ្នករាល់គ្នា នោះព្រះបន្ទូលនឹងធ្វើឱ្យអ្នករាល់គ្នា កាន់តែឆ្លាតវៃ និងពង្រីកសមត្ថភាព និងសេចក្ដីអង់អាចរបស់អ្នករាល់គ្នា។ វារំឭកពីអ្វីដែលព្រះគម្ពីរបានចែងនៅក្នុង ២ពេត្រុស ១:២ ថា «សូមឲ្យព្រះគុណ នឹងសេចក្ដីសុខសាន្ត បានចំរើនដល់អ្នករាល់គ្នាឲ្យបានស្គាល់ព្រះ នឹងព្រះយេស៊ូវ ជាព្រះអម្ចាស់នៃយើង»។
ពាក្យព្រះគុណ ឬសេចក្ដីសុខសាន្ត ចំរើនឡើង មានន័យថា ព្រះអាចប្រគល់ឱ្យអ្នករាល់គ្នា នូវទំនួលខុសត្រូវធំជាងនេះ ដោយសារអ្នករាល់គ្នាឆ្លាតជាងមុន។ ទ្រង់ជ្រាបថា ជាលទ្ធផលនៃប្រាជ្ញារបស់ទ្រង់ កំពុងការងារនៅក្នុងអ្នករាល់គ្នា អ្នករាល់គ្នានឹងធ្វើការវិនិច្ឆ័យ និងមានជម្រើសដ៏ត្រឹមត្រូវ។
#សេចក្ដីអធិស្ឋាន
ឱព្រះវរបិតាអើយ កូនសូមអរព្រះគុណ ចំពោះប្រាជ្ញាដែលមាននៅក្នុងព្រះបន្ទូលរបស់ទ្រង់។ ពេលកូនយកចិត្តទុកដាក់នឹងបទគម្ពីរ នោះកូនបើកខ្លួនឯង ឲ្យមានប្រាជ្ញារបស់ព្រះជាបន្តបន្ទាប់។ ព្រះបន្ទូលណែនាំជម្រើស និងសកម្មភាពរបស់កូន។ កូនមានការយល់ដឹងមិនធម្មតាទេ។ ការយល់ដឹងច្បាស់លាស់ ស៊ីជម្រៅ និងទទួលបានគំនិត ប្រធានបទ ស្ថានភាព និងអាថ៌កំបាំងភ្លាមៗ នៅក្នុងព្រះនាមព្រះយេស៊ូវគ្រីស្ទ។ អេមែន! សូមព្រះប្រទានពរ!
#ការសិក្សាបន្ថែម៖ ចោទិយកថា ៣០:១៩ យ៉ាកុប ១:៥ និង កូល៉ុស ៣:១៦ NLT (ការកើតជាថ្មីកម្ពុជា)
28 июн 2024