[上網卡] 🌟 實測深圳北上必備電話上網儲值卡！☎️ $0月費，📲 數據唔過期，🤔 點增值？ 

原來呢張儲值卡係唔可以即買即用嘅！究竟係點嘅一回事呢？即刻去片！
今集就同大家講下中國電信嘅儲值卡啦，咁首先係邊度可以買到呢張儲值卡呢，咁我就喺7仔買嘅，價值100個大洋。咁亦都可以係中國電信嘅官網、西九龍站嘅自助售賣機等等嘅地方買到嘅。
咁買呢張儲值卡嘅好處係咩呢，咁張卡上面都有講架啦，第一，就係返大陸都可以上Facebook、RU-vid，返大陸夜晚喺酒店無野做就唔怕悶啦；第二，就係無固定月費，買咗嘅數據呢，係唔會過期嘅，今個月用唔晒，係可以喺下一個月繼續用嘅，第三，就係張卡可以一卡兩號，有內地電話號碼呢，就可以用到好多大陸嘅APP啦，亦都可以用嚟開內地嘅銀行户口～
好啦，咁實際上點開通張卡呢，咁就要準備呢三樣嘢啦，將張sim卡放入手機卡槽之後呢，就會即刻收到儲值卡實名登記嘅訊息，咁Click入條link度之後呢，就會有提示要開啟手機漫遊嘅設定，之後再禁條link呢，就會去到中國電信嘅網站，咁就可以開始實名認證同選擇數據包架啦～
咁依照步驟實名登記完之後呢，就會發現原來係仲要人工審核嘅，咁呢個時候呢，你就會發現，張卡已經係暫停提供服務架啦，你係要等人工審核完呢，先可以上到網嘅！咁所以喺出發之前就要開通定張卡架啦！
咁好好彩，我等咗1個鐘頭左右呢，就已經通過咗審核，可以上到網啦，咁唔講咁多，即刻測試一下上網速度先！咁見到啦，係Speedtest測試呢，下載都有 5 Mbps嘅，睇RU-vid都非常之順暢。
去到最後呢，咁都有兩點要留意嘅，第一，就係用完數據之後點充值呢，咁就可以喺「中國電信香港」嘅微信公眾號度充值～又或者Send短訊到”1745678“買數據包～
第二，就係數據唔會過期，不過張卡入面嘅餘額就有有效期嘅。如果餘額不足，不或者180日內無任何充值嘅話呢，張卡就會被暫停使用架啦，要充值最少50蚊先可以恢復使用～
咁今次條片就差唔多啦，如果你想睇到更多大灣區捐O捐罅嘅好地方同資訊，就要記得訂閱我地嘅RU-vid Channel同留意我地Trip Trip Go 處處行嘅網站啦，幫您揾到至荀酒店優惠～記得唔好錯過啦！