#大野兔小煮意 

#大野兔小煮意🐰 3.6牛奶🥛燉蛋🥚
無難度好易整到滑到震燉蛋，份量比例好簡單 1️⃣➕1️⃣➕1️⃣☺️ 1隻蛋 、1盒奶、1湯匙糖☺️忽然想食甜品好快就可以整到又滑又好味燉蛋，由其天氣乾燥涼涼地時候食一碗熱辣辣又滑燉蛋超正！
材料：（每碗計）
鷄蛋 1隻
3.6牛奶 1盒（細200ml)
三溫糖 1 湯匙（這個份量是少甜可以因個人口味調教糖份量）
做法：
1️⃣蛋及糖打勻至糖溶後加入牛奶再打勻，不用太大力及打太耐，三款材料打勻晒就可以。
2️⃣將碗放入蒸爐煲水至大滾後較小先將碗蒸暖。
3️⃣將蒸暖碗取出及用布抹走碗內水，過篩隔去蛋白結塊倒蛋漿入碗內。
4️⃣用匙羹𢳂走蛋漿面泡沫再蓋上鍚紙，放入蒸爐用中細火蒸5分鐘後開一開鍋蓋疏氣再蒸5分鐘熄火再焗10分鐘就完成滑到震3.6牛好燉蛋。
💡大野🐰小貼士💡
想好似大野🐰整到滑到震燉蛋有幾點要留意及吾可以偷步吾做👇🏻👇🏻
✨一定要過篩隔走蛋白結塊及𢳂走蛋漿面泡沫。
✨不要用猛火蒸太猛火令蛋漿快速膨脹會起蜂巢面。
✨蓋錫紙以防滴到水蒸氣在蛋內影響效果。
✨先蒸暖隻碗可令到蛋漿放入蒸爐時同爐溫不會相差太遠令到要蒸的時間加長。
#牛奶 #燉蛋 #滑到震 #中式 #甜品
#大野兔小煮意