للاشتراك في قناتي على اليوتيوب :
bit.ly/2S1cwkQ
للتواصل معي:
Facebook: / mohamad.nass
...
mohammadnassar.com/
او اذا كان يهمك مشاهدة بعض الجوانب الشخصية من حياتي يمكن متابعتي على:
Instagram / mohamad_nas
...
Snapchat m_nassar81
بتذكر اول مرة قدمت فيها نشرة اخبار على الهواء مباشرة صابتني نوبة خجل حادة كان رح تجيني سكتة قلبية ايدي صارو يرجفو كاني عم ادبك .. نشف ريقي وعرقت.. على قد ما احمر وجهي اذا بتشوفني من بعيد بتفكر حبة شوندر طالعة لايف..اليوم ممكن اطلع ساعتين لايف بدون ورق او اي مساعدة والامور عسل.. السر ؟؟ هو موضوع هذا الفيديو
ما في شخص بالكوكب ما بيخجل .. بس في اشخاص بيخجلو بعض الوقت وفي اشخاص بيخجلو معظم الوقت وغالبا انت من النوع الثاني اذا كنت عم تشوف هالفيديو ..
انت خجول بتحس بعدم تقدير لنفسك.. وانو اي شي ممكن تقولو او تعملو ما رح يعجب الناس
بتحس انو الكل عم يراقبك لما تحكي..او تدخل مكان ..
لقاءك بالاشخاص الغرباء اصعب لحظات حياتك
ليك كيف احمر وجهو عبارة سخيفة بالنسبة ال
بتخاف .. بتتردد .. تعبك الموضوع صح
رح اعطيك 5 تمارين ممكن تقضي على 90% من الخجل يلي عندك
ايه تمارين سحرية لانو علاج الخجل بحاجة الى تدريب
طرق التخلص من الخجل:
لا تركز على حالك :
اكبر مشكلة عند الشخص الخجول شعوره بانو كل الناس مركزة عليه..
اعطيك مثال:
لنفترض انك شخص خجول جدا واعطيت رايك في مسالة ضمن مجموعة مؤلفة من 10 زملاء في العمل.. شو بصير رح تشعر للحظة انو انخفض الصوت الخارجي المحيط فيك صمتتت بالمقابل يبدأ كل تركيزك ينصب على حالك وتصرفاتك فترتبك ويعلو صوتك الداخلي ليخبرك أشياء سلبية عن نفسك .. بقلك .. لو سكتت مو احسنك .. بتحط حالك بمواقف غبية .. لك سكوووت ..
اذا بصير معك هيك التمرين الاول بقلك تدرب على توجيه اهتمامك للاخرين رح تكتشف انو في ناس كثير مو مركزة معك وناس نص نص ولو حكيت اي كلام الكل عم يحكو .. اطلع برا راسك ولا تسمع صوتك الداخلي
مثال
لو دخلت حفلة رح تخجل كثير وتحس انو كل الناس عم يطلعو عليك.. اعمل شغلة مو صعبة اعطي نظرة للناس حواليك الحاضرين رح تكتشف انو 90% من الناس الناس كلها مشغولة بحالها وغالبا خجلانين مثلك .
الخجل يحدث بسبب التركيز على النفس.. أنك لست مهمًّا لدى الناس بالطريقة التي تتخيلها؛ فالجميع مشغولون بأنفسهم...أنت لست مهما كما تعتقد.. لذلك خود راحتك كل واحد ملتهي بحالو
المواصلات العامة:
غالبا الشخص الخجول يخشى ردات فعل محيطه معارفه اصدقاءه .. طيب شو رأيك تجرب مع ناس ما بتعرفون ورح تشوفون مرة وحدة..كيف
اطلع في احدى وسائل النقل العامة
واجلس بجانب شخص ترى فيه ملامح شخصية قوية بجانب شخص حاول انك تفتح معو حديث
الله يصلح الحال .. مطولة هالقصة يا ترى.. بقلك رأيو.. بعدين انت قلو .. انا بعتقد انو الموضوع رح ياخد ابعادو .. شد حالك وخود راحتك عالاخر ليش يا حزرك لانو هاد الشخص ما رح تشوفو مرة تانية .. خود راحتك .. والمكان يلي ما بتعرف حدا فيه .. خود راحتك فيه.
اعتبر نفسك في دورة تدريبة واعملها عادة ورح تلاحظ خلال شهر كيف رح تزيد جرأتك وينكسر شي كبير من خجلك
اقرا:
اقرا وتعلم وتابع كل جديد حتى تكون متأكد من المعلومة التي تقولها وبالتالي تختصر نصف الطريق فاذا كانت المعلومة التي تضيفها صحيحة فلا داعي للخوف من ردات فعل من حولك لانها غالبا ستكون طبيعية.
اما خجول وثقافتك ضحلة فانت تحكم على نفسك بالعزلة الاجتماعية
تمرين سخيف بس ممكن ما يكون هيك لكثير اشخاص:
مثل .. ايه مثل مثل المملين ..تصرف بغرفتك لوحدك كما لو كنت غير خجول... كما لو كنت تقطر ثقة بالنفس، ارفع رأسك، افتح صدرك، تكلم بشكل حازم.. جرب رح تتغير علاقتك بشكلك.. وانا متأكد انك جربتها..
الصديق الملازم:
حاول تتقرب اكثر من الشخص الاكثر جراة بالشلة تبعك يلي شخصيتو قوية عرفتو لانو الصاحب ساحب والمجالس مجانس سيقحمك في اشياء لم تعتاد عليها.. وستكتسب بعض من صفاته من الوقت دون ان تشعر .. اما اذا انتيمك خجول مثلك فانت غالبا رح تاخد حبة مخدر ومافي شي رح يتغير.
سو وات .. خجلة بتفوت وماحدا بموت:
خفف من مخاوف رد فعلك من خلال تصور أسوأ ما قد يحصل.. اذا ارتبكت بالحديث.. so what أو خبصت بشرح امر معين امام زملائك في العمل.. تعرضت للسخرية بسبب فكرة قدمتها .. ما عمل قلك انك تمساح لا تفكر بس لا تبالغ في معاني ما حدث لك فكل منا يُرفض بطريقة أو بأخرى.
مرة تعرضت لموقف محرج جدا في مؤتمر صحفي .. طلبت المايك لاسال وللحظة نسيت السؤال .. صمتت القاعة 10 ثواني وغاب عني الكلام المهم اسعفت نفسي وقدمت اسمي وسالت سؤال سطحي جدا.... انتهى الموقف وانا احترقت الما من الخجل.. الامر تلاشى تماما لما اكتشف اني الوحيد يلي انتبه للقصة كلها.
احسن طريقة هي: طريقة (so what..) .فكر ماهو اسوء ماسيحصل لك ان وقعت في حرج؟ هل ستموت؟ هل ستسجن؟ هل سيهجرك الناس؟ ايوه صح ولاشي سيحدث لك انت اللي ضخمت الموضوع وكبرته اكثر من اللازم حتى خيل لك انه جرم .
الابتسامة:
احيانا تحتاج الى وقت كي ترتب ردة فعلك او تضبط تصرفاتك .. كي لا تظهر بموقف الشخص الضعيف الخجول .. اسرع حل ان تختبئ خلف ابتسامة عريضة .. ستحن صورتك وتلتقط انفاسك والآخرين لن يلاحظوا أي خطأ مهما كان كبيرًا بسبب انشغالهم بابتسامتك الجميلة.. مثل لاعب الخف .. يلفت انتباه الناس الى يد بينما ينجز سحره باليد الثانية.
اختر هواية جديدة وحاول أن تنميها
عشرة الناس والاختلاط فيهون رح تفهم كي بفكرو البشر .. رح ترفع مستوى الاتيكيت المكتسب عندك .. هالقصص ما بتصير انت بغرفتك او طالع فايت مع نفس الشلة وانت بعينهم سين الخجول وهذا حجمه.. فكر تشارك شباب الحارة بكرة القدم.. اي هواية اجتماعية فيها بشر لتتيح لك فرصة لقاء الآخرين والتفاعل معههم وتعزيز مهاراتك الاجتماعية.
20 апр 2020
