الصيني جاي بقوه وفعلا التجارب لنفس السياره من قنوات كثيرة اعطت نفس النتايج ماشاء الله وانا مجرب شانجان ايدو اجار من محايل عسير الى الرياض مسافة 1000 كيلوو فعلا مكيف بارد وعزلها ممتاز والصيني باقي فيه يقدم اكثر واكثر
الصيني ابداع في كل شيء واعتقد من يقول انها مو جميله ولا تصميم حلو ولا اشكال ، ماعنده ذوق سعر ومواصفات وشكل وكل شيء لكن نقطه جوده المواد المصنوعه + توفر القطع والوكلاء القادرين على التسويق المنتجات بشكل جيد وقوي اذا توفرت هالحاجتين، اعتقد بنعزي تايوتا ونيسان والسيارات اليابانيه والاسيويه الباقيه، لكن لحد الان للصوره ما وضحت
اتمنى اصحاب القناه يقرون هذا التعليق : اتمنى اتمنى اتمنى ما تنزلقون في منحدر (( اعلان مبطن داخل فديو تجربه )) احنى حبيناكم لانكم صادقين واضحين صريحين وتعطون التجربه الواقعيه ١٠٠٪ انا ما اقصد هذا الفديو انه اعلان ولكن انا اقول كذا لان انتو الوحيدين الصادقين في التجارب في الساحه اتمنى تستمرون على نفس منتو اخوكم محمد / 🇸🇦
كلامهم 100% صح والي موعجبه شركة ولا يحتقر دولة وشعب اقوله روح بلط بحر ياه إلى متى تجبرون على نقول الي تبونه لا ياخوي شوف بعيونك قبل تسمع بذونك هذا الفرق بين الحق والباطل
@@Ali-ly5jeأُمبييييييه طيب وراك مع الريّال محتّر هو ما قال شي. يُبه هو كل الي قاله ان هالشباب معجبينه بمصداقيتهم ويبغاهم ما يتغيرون ولا يتأثرون بضغوط التسويق المادية
قواكم الله السيارة شفتها بالوكالة روعة و تشبه جيب فولفو XC 90 جودة بالتصنيع و مواصفات و سعر مناسب برايي العيب الي اشوفه كثرة الشاشات احس الشاشة الثالثة مالها داعي و ممكن تتعوض بديكور خشبي يبرز فخامة السيارة … الشاشة الثالثة على الفئة الكاملة فقط …. قواكم الله على جهودكم و المحتوى الرائع
@@lsx434 السيارة إذا كانت في الشمس وقت طويل المكيف ما يحلق يبرد يأخذ وقت وايد لين ما يصير بارد، بس أعتقد السبب لأن السيارة بانوراما والزجاجة الامامية ما عليها تضليل، بس المكيف ايام الرطوبة ثلج. ممشى السيارة الآن ٨٠ الف. طلعت فيها مشكلة البريك الاكتروني ساعات يشتغل وساعات يطفي بس أعتقد بسب سوء إستخدام لأني دخلت صبخة في البر وبعدها صارت عندي دي المشكلة.
يعطيكم العافيه على التجربة كل المعلومات صحيحة ، لكن بالنسبة للقير هو من شركة آيزو اليابانية التابعة لشركة تويوتا وليس ڤولڤو زي ما ذكرتوا ، لكن يبقى نفس الشيء وناقل سرعات من شركة قوية ومعروفة .
الله يهديك خليتني اعيد المقطع كله😂قايلين ببداية المقطع ان القير من شركة ايسن الياباني والي يستخدم في فولفو في فرق بين كلمة يستخدم في فولفو وكلمة تصنعه فولفو وشركة فولفو تستخدم نفس القير
مو كل السيارات الصينية يحطون فيها اعلى المواصفات وافضل شي في الجيلي مثلا عندك مونجارو وتوجيلا هم افضل سيارتين من ناحية جودة ومواصفات اما باقي مو متأكد ونفس الكلام ينطبق على شنجان وجاك انصح اي واحد يفكر ياخ صيني حاول تبحث وتتأكد من سيارة بالذات اذا انت محتار بين صيني وسيارة معروفه سواء ياباني او امريكي مو تاخذ اردى شي في صيني وبعدين تتحسف
مشكلتها بالنسبة لي واللي مرددني عن شرائها هو سعرها المرتفع بالنسبة للسعر اللي رح تجيبه اذا بعتها بعد عدة سنوات مقارنة بالسيارات اليابانية مثلا... لازم الشركة تتنازل بالسعر شويتين عشان تعمل سمعة وثقة بين الناس
مشكله محركها ( وكثير محركات اخرى مشابهه) تستخدم حقن الوقود المباشر. اغلب اذا مو كل المحركات بهذه التقنيه بعد فتره استعمال بسيطة تبدأ تعاني من تراكم الكربون داخل المحرك. ليست فقط المحركات الصينيه بل حتى المحركات من فولكسواجن و أوودي تعاني من نفس هذه المشكله. تخيل كل ٦٠الف كيلو تحتاج تفك راس المحرك لتنظيف الكاربون المتراكم على الفالفات. شركات مثل تويوتا حلت المشكله بإستخدام الحقن التقليدي (port injection) + حقن مباشر. ابحث عن محركات تويوتا بتقنية D-4S
ملاحظتين بس عشان تتطور قناتكم اكثر -سولفوا كويتي!! السعودي يشرح لهجته المصري يشرح بالمصري السوري بالسوري. انتوا شفيكم؟ اعتزوا بلهجتكم شنو صندوق و عجلات و دراجه؟! عادي قول تواير و دبه و قاري -تكلموا عن التكييف يرحم والديكم حطوا السياره بالشمس و شغلوها بعد نص ساعه و قولولنا بكل صراحه التكييف بارد ولا لأ؟ مثلا توني ماخذ ايسوزو دي ماكس تكييفه فاشل انصدمت معنه الايسوزو معروف لو في احد متكلم عنه جان نبهنا و الله يعطيكم العافيه
اناراماميه نسخه من جنسس بالبدايه عبالي فيديو GV80 الخلفيه نسخه من اودي Q8 هو تصميم حلو اكيد لان مقلدين شي حلو جيد ما قلدو دواخل كثير اتوقع لو دخليه مع لون غير ابيض كريمي تطلع احلى
كفيتو ووفيتو ما قصرتو الله يعطيكم العافية .. السيارة جويلة بكل المقاييس ويكفيها انها تحمل جينات فولفو الغنية عن التعريف . ولكن الوكلاء عندنا واخص السعودية مقصرين مع الصيني في قطع الغيار والصيانة همهم سرعة البيع والربح السريع . لكن مع الوقت القصير راح نشوف الصيني يعتلي هرم المبيعات ويمكن ما نقدر نشترية بالفترة القريبة 👍 امرر شكري لكم على مجهودكم الاكثر من رائع
يعطيكم العافية على التغطية و على صراحتكم بس الواحد يشوف حلقاتكم يكون رايح الوكالة و هو مرتاح لانه انتو تكونوا كفيتو و وفيتو بالمعلومات الايجابية و السلبية و ما يكون الواحد محاتي انه بيشتري سيارة و مو واثق فيها و معلوماته مو كافية يعطيكم الف عافية
فيها الدفع الرباعي شي عجيب تقول فيها دبل! مثل قوة الرينجروفر ايفوك لو بس منها ديزل ويكون فيها نظام رفع مستوى او على الاقل تكون مرفوعه اكثر من كذا. لاني شفت لها مقاطع طرق وعره طلعتها بكل سهوله لكن الباطنية انعدمت اسواء شي سوته الوكاله عندنا انها تخلي الالوان محصورة على طراز معين حركة رخيصه ونصيحة لوجة الله فيه منها فئة يكون قيرها dct ما ادري اذا جت للخليج او لا المهم تجنبوها في اي سيارة وخذوا نوع الat. ال dct سيء جدا في الوقوف المفاجئ والزحام
الله يعطيكم العافية عالمونتاج والتقرير الرائع✌ ، رأيي أنها سيارة جميلة وقوية وتكييفها بااارد ومواصفاتها رائعة وسعرها ممتاز بس استغربت من موضوع الاندرويد اوتو غير متوفر عالرغم فيها 3 شاشات..!! لكـــــن اللي ماعجبني بتاتا وخلاني اصرف النظر عنها هو البريك ، جدا جدا سيء ، طوروا وعدلوا كل شي وابهروا الكل بالتصميم الا نظام البريك جربتها قيادتها في الوكالة و صراحة سيء ويفشل ، اذا مسكت بريك تحس بتقوم تنحذف من الكرسي وتطيح على قدام كلش مو شي👎
@@musaedalfraih4682 هلا طال عمرك ، تحس بمجرد الضغط على دواسة البريك ان السيارة تميل للأمام وكأنها بتحذفك ، شعور غريب وأنصحك بتجربة السيارة بالوكالة قبل الشراء.. بالتوفيق
@@alaaolay انا في النهاية قررت ما آخذ شيء إلا بشرط انه يكون قطعها متاح للطلب من الخارج دون الحاجة للجوء إلى الوكيل. هذا حتى لو مثلا ان الوكيل عجز في توفير القطع او تأخر او مرفع سعره او غيره من الأسباب. ما احب اخذ شيء محتكر لجهة واحدة وبعدين اتورط. واللي لاحظته ان السيارات اللي تباع في أوروبا وامريكا وكندا هي اللي متاح طلب قطعها من الانترنت. مثلا تواجد شركة MG في أوروبا متاح اما شانجان وجيلي وهافال غير متاحين، ولهالسبب سحبت عليهم.
@@alaaolay تخيل مثلا لو الوعلان قفل وسحب على جيلي، كيف بعدين اتصرف واجيب قطع ساعتها؟ او مثلا تخيل ان جيلي قررت إيقاف صناعة مونجارو زي ما صار مع بن راي، كيف بعدين نجيب قطع؟
مع الاسف حتى الان ما عندي ثقه بالصيني ، حاليا نشوف شركات عملاقة من 60 سنة موجودة في السوق ومشاكل وعيوب في سياراتها ، مو معقول انا كمستهلك راح ادفع مبلغ يتجاوز 10 الالاف دينار بسيارة صينية !
السيارة انا شايفها بالمعرض الفلم سعرها عشرة تالاف ونص دينار كويتي ومافيها اندرويد اوتو. بصارحة شي يفشل. تويوتا وجيلي افشل شركتين. كل شركات السيارات اضافة الاندرويد اوتو لسياراتها ما عدا تويوتا وجيلي.
