Arabaha Natil || அரபக நாட்டில் ! ||  

*Song Name :- அரபக நாட்டில்
Vocal :- Hafil SG.Naseem Kader
Audio Mixing :- காயல் இன்னிசை இளவல் M.M. நெய்னா முஹம்மது
Video Animation:- hafil Shifa hafil Aiman
ஏந்தலரே! எங்கள்* அஹ்மதரே!
🌺☘️🌺☘️🌺☘️🌺
🌺அரபக நாட்டில் ! மக்கமா நகரில் ! ஆமினா-அப்துல்லாஹ் பாலகராய் அறிவின் சுடராய்! அருள்நிறை வடிவாய்!
அவனியில் உதித்திட்ட அஹ்மதரே!
(அரபக)
🌺1) ஓரிறை கொள்கையை உலகினில் ஊண்றி
ஒப்பற்ற புனிதராய் சிறந்தீரே!
ஓயாமல் உம்மத்திற்-காய் தினம் உழைத்தே
ஓங்கும் மறை வழி வாழ்ந்தீரே! ஔடதமாய் இம்மை- மறுமையில் காக்கும்
ஒப்பற்ற தலைவரை மறவோமா?
(அரபக)
🌺(2) தாயினும் மேலான பாசம் வைத்தே
தாய்குலம் சிறக்கவே காத்தீரே! தீனுல் இஸ்லாம் தழைக்கவே என்றும்
தஃவத் பணிகள் புரிந்தீரே!
தகை நிறை தாஹாவே அஹ்மதரே-இத்
தரணியில் தரிசனம் தாருங்களேன்!
(அரபக)
🌺 3)எளிமை வாழ்வினில் ஏற்றம் காண
ஏழையின் துயரை சுமந்தீரே!
اَحْیِنِیْ مِسْکِیْنًا
என்றே இறைஞ்சி
எண்ணில்லா சோதனை சகித்தீரே! எழில் மிகு ஏந்தலர்! அஹ்மதரே!எம் தாயும்-தந்தையும் அர்ப்பணமே!
فِدَاكَ اُمُّنَا یَارَسُوْلَ اللّٰهِ !
فِدَاكَ اَبُوْنَا یَاحَبِیْبَ اللّٰهِ !
(அரபக)
🌺4)பல அஸ்ஹாபுகள் ஆரிஃபீன்களையும்
பாரினில் தந்திட்ட அஹ்மதரே!
பல சோதனையில் சாதனை கண்ட
பண்பு நிறைந்தப் பேரொளியே!
பல நூற்றாண்டுகள் தாண்டியும் உங்கள்
பாசம் எங்கள் நினைவினிலே!...(2)
(அரபக)
🌺5)உத்தம நபிகளார் நடைபோட்ட பாலையில்
உயர்ந்தோனே! யாமும் நடந்திட வேண்டும்
உயரிய
ஷஃபாஅத்தை பெற்றிட வேண்டும்
உயர் ஆஷிகீன்-களில் இணைந்திட வேண்டும்......
صَلّٰی عَلَیْكَ اَلْفًا اَلْفًا
وَبِکُلِّ اَلْفٍ اَلْفَ مِأَةٍ. (2) (அரபக)
🌺அழகிய தமிழில்! அண்ணலின் புகழை
அமுதாய் அணிசேர்க்கும் அன்பர் யாம்
அருள் வளம் பெறவே! ஆசிகள் சூழவே!
அதபாய் உங்களை அழைக்கிறோம்!
வருவீர்! நபியே! நாயகமே!
தருவீர்! திருமுக தரிசனமே!
மர்ஹபன்! மர்ஹபன்! ஹைரல் பஷர்!
مَرْحَبًا مَرْحَبًا خَیْرَ الْبَشَرْ !
(அரபக)
ஆக்கம்:🖊️🖊️
SA.முத்து ஆமினா அரூஸிய்யா
🌺☘️🌺☘️🌺☘️🌺